Голем протест во Брисел поради мерките за корона, хаос на улиците

Под називот „Чин втор, марш за слобода“, демонстрантите продолжуваат да го изразуваат незадоволството од владините мерки.

Илјадници демонстранти, 8.000 според проценките на полицијата, денеска излегоа на улиците на Брисел за да го изразат незадоволството од начинот на кој владата се справува со здравствената криза во Белгија, две недели откако слични протести прераснаа во насилство.

Поворка демонстранти мирно марширала низ улиците на главниот град на Белгија во недела попладне, опкружена од бројни припадници на полициските сили. Повеќето од демонстрантите танцувале во ритамот на техно музика.

„Не благодарам за вакцините“, „Ковид = организиран геноцид“, „QR = свастика“, можело да се прочита на транспарентите истакнати од демонстрантите.

„Не ни треба вакцина за нашите деца“, скандирала една група жени.

Демонстрантите ги осудуваат обврските наметнати на населението од почетокот на пандемијата на Ковид-19 за спречување на натамошното ширење на вирусот. Особено ги мачи обврската за поседување здравствена пропусница, која стана задолжителна за пристап до некои места.

На некои места во градот биле поставени водени топови, а областите каде што се одржувале демонстрациите биле надлетувани од хеликоптер.

Под називот „Чин втор, марш за слобода“, демонстрантите продолжуваат да го изразуваат незадоволството од владините мерки. Првиот „чин“ беше одигран на 21 ноември, кога на улиците на главниот град се собраа околу 35.000 луѓе, според полицијата.

Белгиските власти во петокот објавија одлука за затворање на градинките и основните училишта една недела пред почетокот на божиќните празници.

Британски виролог: Влегуваме во нова фаза на пандемијата, вирусот се менува

Иако во светот расте бројот на новозаразени, па многу земји воведуваат построги мерки кои предизвикуваат незадоволство кај луѓето, експертите велат дека крајот на пандемијата конечно е видлив.

Питер Пиот, виролог од Лондонската школа за хигиена и тропска медицина, смета дека омикронот и вакцината се добри за колективниот имунитет.

„Влегуваме во нова фаза на пандемијата бидејќи вирусот се менува. Дека тоа го прави често доказ е оваа последна варијанта, омикрон, која побрзо предизвикува зараза, но нејзинити последици се полесни“, изјави Пиот за ХРТ.

Тој вели и дека благодарение на вакцината паѓа смртноста.

„Навистина мислам дека се движиме во насока на постигнување колективен имунитет. Имаме уште многу да научиме, но најважно е да го намалиме ризикот од инфекција“, вели тој.

Владиниот економски тим на средба со делегација на ЗЕЛС

Дел од министрите од Владиниот економски тим, остварија средба со делегација од Заедницата на единиците на локална самоуправа, се наведува во соопштението од Владата. 

Дел од министрите од Владиниот економски тим, предводени од заменикот на претседателот на Владата задолжен за економски прашања, координација на економските ресори и инвестиции, Фатмир Битиќи, придружуван со министерите за финансии Фатмир Бесими, економија, Крешник Бектеши и локална самоуправа, Горан Милевски, денес остварија средба со делегација од Заедницата на единиците на локална самоуправа, која ја предводеа претседателката и градоначалничка на Скопје, Данела Арсовска и потпретседателите, градоначалникот на Валандово, Перо Костадинов и градоначалникот на Чаир, Висар Ганиу, а во која беа и градоначалниците на Теарце, Нухи Незири, градоначалникот на Радовиш, Ацо Ристов и извршната директорка на ЗЕЛС, Душица Перишиќ.

Претставниците на ЗЕЛС ги изнесоа предизвиците со кои се соочуваат локалните самоуправи, поврзани со економската и енергетската криза и побараа поддршка од Владата, за да истите бидат полесно надминати.

Вицепремиерот Битиќи и претставниците на Владата посочија дека за секое прашање, кое е важно за граѓаните се води отворен дијалог и притоа ја истакнаа отвореноста за соработка со единиците на локална самоуправа за заедничко надминување на тековните предизвици. Сите теми кои се важни за граѓаните, за нормално функционирање на општеството треба да се дискутираат и да се најдат најсоодветни решенија кои се во општ интерес.

На состанокот, се согласија предизвиците со кои се соочуваат единиците на локална самоупрва да се елаборираат детално, да се направат соодветни анализи и да се предложат соодветни решенија за нивно надминување.

Косовски автобус слета од автопат во Бугарија, најмалку 29 повредени (ВИДЕО)

Во сообраќајна несреќа во Бугарија повредени се 29 патници од Косово, од кои шест деца, кога автобусот се судрил со камион во градот Ќустендил и слетал од патот.

Според приштинските медиуми, несреќата се случила околу 4.30 часот, кога патнички автобус од Косово удрил во запрен камион кој превезувал дрва.

Возачот на камионот наводно се обидел да им укаже на другите во сообраќајот дека паднало дрво на коловозот. Автобусот удрил во камионот и излетал од патот.

Возачот на автобусот се здобил со полесни повреди и бил пренесен во локалната болница. Увид на лице место извршила полиција, а поради сообраќајната незгода е поведена постапка и за истата е известен обвинител.

притисни ентер