Целта е преку оваа соработка на владата и компанијата да се развива културолошкиот туризам. За една година се очекува бројот на ноќевања да достигне 140 илјади плус од сегашните, а со доаѓањето на туристите тоа, според премирот ќе значи дополнителни 30 милиони евра за македонскиот туризам, што заедно со сместувањето, транспортот и останатите трошоци бројката би достигнала 50 милиони евра.
„Овие 35 илјади туристи ќе бидат на балканска тура, која започнува со 1 ноќевање во Скопје, Црна гора, албанија, потоа во Охрид каде што исто така ќе има ноќевања, и завршува со 2 ноќевања дополнителни во Скопје, што значи 4 ноќевања во Македонија....бројот на ноќевања кои што ќе ги имаат овие туристи претставува практично од 10 до 15 % од вкупниот број на ноќевања кој што ги остваруваат странските гости во овој момент кај нас“ - Христијан Мицкоски – претседател на Влада
„Туроператор кој работи на културолошки патувања и планиараме да донесеме 35 илјади гости следната година почнувајќи од февруари. Мислам дека во иднина не очекува многу голема работа.“- Кристијан Франк – сопственик на „Ер Ес Де“
Од Владата велат целта на соработката со германската компанија е поддршка на туризмот, а токму тоа е и причината туризмот да се поврзе со министерството за култура. Очекуваат во иднина бројот на туристи од сега планираните 35 илјади да се удвои, но за тоа како што посочи Мицкоски ќе треба државата да вложи во сместувачки капацитети, кои ќе бидат атрактивни за овој тип на гости.