Германија притиска Европската Унија да ја укине можноста за вето

Германија се посилно притиска Европскта Унија да ја укине можноста членките да ставаат вето. Канцеларот шолц предлага да се воведе мнозински систем на галасање. 

Ќе стане ли ветото, кое честo се злоупотребува за одредени национални интереси кај дел од земјите членки, минато во ЕУ? Се погласно одекнува идејата да се преземе постепена транзиција кон мнозинско гласање, а последен поддршка за оваа реформа даде германскиот Канцелар Олаф Шолц. Тој од Карловиот универзитет во прага порача дека менувањето на гласачката пракса може да помогне во прошурувањето на ЕУ. Со ова би се ставило крај и на самоволието на земјите членки, а мнозинското гласање ќе донесе само бенефит за надворешната и даночна политика, оцени Шолц.

Таму каде што денес е потребна едногласност, ризикот дека една држава ќе употреби вето и дека ќе ги спречи сите други да напредуваат се зголемуваат со секоја членка. Центарот на Европа се движи кон Исток. Во оваа проширена Унија разликите меѓу земјите членки ќе растат во однос на политичките интереси, економијата и социјалните системи. Украина не е Луксембург, а Португалија поинаку ги гледа светските предизвици од Македонија.

Мнозинското гласање, како прашање во ЕУ виси во воздух уште од 2004та година, а прашање е дали нашите генерации ќе ја дочекаат таа промена живи, сметаат експертите. Самото укинување треба да се случи едногласно, односно е замка што би ја забавила транзицијата, смета Симонида Кацарска од институот за европска политика. Ветото и неговото користење го ограничи влијанието на унијата на Балканот, а доколку политиката не се промени постои потенцијал да го ограничи и пошироко, оценува таа.

На политичко ниво, од страна на големите земји членки, како што е Германија, ова прашање сега повеќе потенцира, особено по доаѓањето на власт на канцеларот Шолц. Дали и колку и кога тоа би било променето е веќе друго прашање, според мене, надворешната политика, веројатно и според дел на познавачите ќе биде една од последните точки која што потенцијално би се менувала, односно да се менува начинот на однесување од едногласност кон некои други механизми.

Сепак, смета дека веќе се дискутира за некои минорни промени во однос на гласањето околу пристапноста, но се зависи од тоа во која мерка земјите-членки би ги прифатиле.

Во однос на влезот на земја членка, крајната точка, мислам дека тука веројатно тешко ќе доживееме во нашиот животен век да видиме дека ќе се смени принципот на едногласонст, внатре во процесот можеби постојат моменти каде што би можело да се работи на таа едногласност, да не се бара истата, да не може да се користи ветото на одредени точки пристапувањето.

Македонија по 17 година кандидатски статус, во јуни годинва конечно доби едногласна дозвола од земјите члнеки на ЕУ за почеток на преговорите за членство.. За две недели треба да започне т.н. скрининг процес, кој вообиаено трае околу една година, по што ќе почне отворањето на поглавјата, што во нашиот случај е условено со промена на уставот и внесувањето на бугарите во преамбулата...

Кортни Кокс (60) се сними како излегува од замрзнувачот: „Одлично се чувствувам“

Кортени Кокс, актерката позната по улогата на Моника во серијата Пријатели, минатиот месец го прослави својот 60-ти роденден.

Својата рутина ја објави на Инстаграм за која вели дека одржува одлична фигура, но дури и самата призна дека понекогаш претерува.

„Само што го прославив роденденот... Не ми се допаѓа кој број беше, но немам избор“, почна со овие зборови во видеото снимено во теретана. Кокс рече дека треба да дадете сè од себе, а рутината за вежбање која таа им ја претстави на своите следбеници вклучуваше вежби за раце, влечење, вежби за гради, стомачни мускули и кардио.

Кортни носеше црн спортски градник и хулахопки во иста боја кои ја истакнаа нејзината витка фигура. Иако нејзиниот сет за вежбање е прилично стандарден, кон крајот на видеото работите се сменија. Актерката ја замени својата црна облека за вежбање за бикини и се сними како излегува од замрзнувачот.

„Што, ова ли е криотерапија? се пошегува познатата актерка. Инаку, криотерапијата или студената терапија вклучува употреба на ниски температури во медицинскиот третман и е пофалена за придобивки во намалувањето на воспалението и промовирањето на закрепнувањето. Иако на јавноста не и е познато дали Кокс тоа го прави секој ден, таа претходно објави видео на кое се обидува да влезе во ледена бања.

Кокс претходно изјави за „Glamour“ дека мислела дека ќе го мрази трендот на велнес, но го засакала со текот на годините. „Се чувствувам одлично со часови по влегувањето во замрзнувачот“, објасни таа и додаде: „Колку и да се плашите да влезете, знајте дека потоа ќе се чувствувате многу добро“. Таа истакна дека го сака напливот на допамин што го добива кога влегува во замрзнувачот.

Извор: Индекс.хр

Алиев: Азербејџан би можел да извезува гас преку Украина

Азербејџанскиот претседател Илхам Алиев изјави денеска дека Украина и Европската унија се заинтересирани Азербејџан да ја снабдува Европа со природен гас преку Украина oткако ќе истече постоечкиот договор со Русија на крајот на годината.

„Продолжуваат разговорите со властите во Украина и ЕУ, како и со Русија, и се чини дека сите страни се заинтересирани за продолжување на снабдувањето. Ќе помогнеме ако можеме“, рече Алиев на прес-конференција, пренесе Блумберг.

Тој посочи дека производството на гас во неговата земја ќе се зголеми благодарение на новите и постоечките проекти во Каспиското Море. Во 2022 година, Азербејџан потпиша меморандум за разбирање со Европската комисија со намера да го удвои извозот на гас во Европа на 20 милијарди кубни метри до 2027 година.

„Земјата се движи кон целта. Извозот во Европа ќе се зголеми на близу 13 милијарди кубни метри оваа година од 11,8 милијарди кубни метри во 2023 година и осум милијарди кубни метри во 2021 година. Испораките ќе се испраќаат преку т.н. Јужен гасен коридор што го поврзува Азербејџан со Европа преку Грузија и Турција“, рече Алијев./MИА

Норис стартува прв на Хунгароринг

Возачот на Мекларен, Ландо Норис, ја освои пол-позицијата за Големата награда на Унгарија, откако постави најбрзо време во квалификациите благодарение на кругот што го извозе за 1:15.227 минути.

Првиот стартен ред го комплетира неговиот тимски колега Оскар Пјастри со заостанување од 0,022 секунди. Трет трката ќе ја започне актуелниот шампион Макс Верстапен, кој беше за 0,046 секунди побавен од возачот на Мекларен.

Исходот од квалификациите го реши несреќата на Јуки Цунода на две минути пред крајот. Возачот на РБ малку пошироко излезе од свиокот 3, помина преку тротоарот, „скокна“ во воздух и нанесе штета на својот автомобил, како и појавата на црвени знамиња.

Трката на Хунгароринг е закажана за в недела во 15 часот./МИА

притисни ентер