Германија испраќа „Леопарди“, САД најавува тенкови „Абрамс“ за Украина

Германија ќе испрати тенкови Леопард 2 во Украина и ќе им дозволи на другите земји што ги имаат да го сторат истото, соопшти канцеларот Олаф Шолц на седницата на владата.

И Американските власти вчера потврдија дека Вашингтон е подготвен да испрати десетици свои борбени тенкови М1 Абрамс во Украина, што е пресврт на претходната позиција на САД и на Германија. Границите не може да се поместуваат со сила, рече канцеларот Шолц во обрачањето.

„Воената агресија на Русија е империјалистичка војна. Русија започна страшна бомбардирање за да ја помести својата граница. Ние ја отфрламе оваа империјалистичка идеја и затоа ја поддржуваме Украина.“- -Олаф Шолц, Канцелар на Германија.

Киев со месеци бара западни тенкови, за кои вели дека се неопходни за пробивање на руските одбранбени линии и ослободување на окупираните територии. Украинскиот претседател уште еднаш ги потсети западните сојузници дека на Украина и е потребно многу повеќе оружје.

„За модерните тенкови, кои што ни се неопходни да го надоместиме дефицитот, многу напори, зборови и ветувања. Но, најважно е да ја согледаме реалноста, не станува збор за 5 или 10 или 15 тенкови. Ни требаат многу повеќе.“- -Володимир Зеленски, Претседател на Украина.

Генералниот секретар на НАТО Јенс Столтенберг ја поздрави одлуката на Германија да ги испрати своите тенкови Леопард 2, велејќи дека ќе и помогнат на Украина да победи во војната.

На одлуката на САД и Германија, портпаролот на Кремљ, Дмитриј Песков изјави дека потенцијалните испораки на тенковите ќе бидат само губење пари и ќе изгорат како и останатите.

Паника во град во Холандија- од понеделникот избегала отровна кобра, поставени се стапици

Во тек е потрага по отровна кобра во холандскиот град Лејлистад, која што во понеделникот побегнала од живеалиштеот, објави холандскиот NL Times.

Можно е животното се уште да е некаде во куќата, но сопственикот не успеал да ја најде.

Во градот се поставени стапици за змии, а кучињата трагачи го бараат отровното животно.

Општината ги советува луѓето од околината да ги затворат прозорците и вратите, да ги чуваат домашните миленици во затворени простории и да не ги пуштаат надвор без поводник.

„Шансата да бидете каснати не е голема, но доколку се случи, каснувањето може да предизвика болка, оток и симптоми на невролошки колапс“, велат од општината.

Кобрата (вид Aspidelaps scutatus) е долга околу 50 сантиметри и генерално избегнува конфронтации.

И покрај тоа, на граѓаните им е препорачано да не се обидуваат да ја фатат доколку ја видат.

Експерт за змии на некои места ќе ги испрска тротоарите, за да може да го види отпечатокот на змијата ако помине.

Во Холандија, сличен инцидент се случил во Тилбург, во ноември.

Тогаш отровната зелена мамба избегала, но неколку дена подоцна била пронајдена зад ѕид од гипс на поткровјето на куќата на сопственикот.

Нетанјаху е против едностраното признавање на Палестина, парламентот го поддржа

Парламентот на Израел денеска гласаше за поддршка на декларативната одлука на премиерот Бенјамин Нетанјаху со која се противи на едностраното формирање на палестинска држава.

Парламентот на Израел денеска гласаше за поддршка на декларативната одлука на премиерот Бенјамин Нетанјаху со која се противи на едностраното формирање на палестинска држава, по зголемените меѓународни апели за заживување на напорите за постигнување решение со две држави по деценискиот конфликт.

Партијата Ликуд на Нетанјаху соопшти дека 99 од 120 пратеници гласале за поддршка на одлуката, која е усвоена од владата претходно оваа недела.

Ставот на Израел е исто така дека секој траен договор со Палестинците мора да се постигне преку директни преговори меѓу страните, а не со меѓународни диктати.

Војната во Газа, која беснее по ненадејниот напад на Хамас на 7 октомври 2023 година, е последниот во серијата конфликти меѓу Израелците и Палестинците што трае седумдесет години и континуирано го дестабилизира Блискиот Исток.

Напорите за постигнување решение со две држави се во мирување од 2014 година. Американскиот претседател Џо Бајден, исто така, се обидува да постигне поширок договор на Блискиот Исток, кој исто така би вклучувал нормализација на односите меѓу Израел и Саудиска Арабија и другите арапски држави , како и формирање на палестинска држава.

Јакимовски: На Македонија ѝ треба квалитетен претседател

Вечерва својата кандидатура за претседател ја објави и претседателот на ГРОМ, Стевчо Јакимовски…

Јакимовски во обраќањето пред членството рече дека на Македонија ѝ е потребен квалитетен претседател, со што ја најави својата кандидатура за претседателските избори.

притисни ентер