Свет

Германија ги продолжи карантинските мерки, денеска рекорден број починати

Германската канцеларка Ангела Меркел и премиерите на федералните покраини одлучиле да ги продолжат рестриктивните корона-мерки за населението до почетокот на јануари.

Ова го потврди и самата Ангела Меркел по петчасовна консултација преку видео конференција со покраинските шефови на влади. „Во принцип, сè останува како што беше досега“, рече Меркел, пренесува Дојче веле.

Следниот состанок во тој формат, на кој треба да се дискутираат идните чекори, е закажан за 4 јануари. Делумното заклучување, кое важи од почетокот на ноември, минатата недела е продолжено до 20 декември.

Целта на овие мерки е, како и досега, да се намали бројот на нови инфекции на помалку од 50 случаи на 100.000 жители во последователни седум дена, нагласи канцеларката, додавајќи дека во моментов тие имаат „многу голем број смртни случаи секој ден“.

Баварскиот премиер Маркус Содер рече: "Оваа ситуација е неприфатлива. Беше потребно и правилно да се продолжи заклучувањето до 10.1". Тој навести можност за усвојување на уште построги мерки. Во зависност од текот на пандемијата, треба да се размисли и за „ појасно и подоследно постапување “ во некои сектори, истакна баварскиот премиер.

Во Германија моментално се применуваат строги ограничувања на бројот на контакти, затворени се рестораните, спортските и културни институции, а ограничувањата важат и за патувањата.

Германската влада и сојузните држави се подготвуваат за претстојниот почеток на вакцинацијата против коронавирус. Издавањето дозвола за употреба на вакцината во Европската унија може да се очекува кон крајот на декември, рече Меркел. Затоа е важно, додава таа, дека подготовките напредуваат добро. Во сите провинции се прават големи напори да се формираат регионални центри за вакцинација. Покрај тоа, се чекаат одредби за редоследот на вакцинација издадени од Постојаниот комитет за вакцинација во Германија. Меркел истакна дека врз основа на овие препораки, Министерството за здравство ќе издаде оперативни одредби.

Институтот „Роберт Кох“ соопшти дека во последните 24 часа во Германија, 487 лица починале од последиците од инфекција со коронавирус. Тоа е најголем број на смртни случаи за еден ден од почетокот на пандемијата. Покрај тоа, релативно голем број луѓе се заразени со вирусот секој ден. Во последниве денови, има мало опаѓање на бројот на нови инфекции, но ефектот што се очекува со воведувањето на заклучувањето сè уште не е постигнат.

Дитмар Барш, шеф на Левичарската група на Бундестагот, го критикувал начинот на донесување на одлуките за продолжување на заклучувањето: „Одлуките што ги ограничуваат основните права на граѓаните до тој степен не можат да бидат соопштени авторитарно на видео конференција“, рече тој. Фактот дека канцеларката и провинциските премиери ја продолжуваат блокадата без демократска дебата му штети на сузбивањето на пандемијата, смета политичарот од левицата.

„Канцеларката мора да дојде во Бундестагот со одлуката што ја донела со премиерите, да разговара за тоа и потоа да донесе конечна одлука“, бара Барш.

Опозициските партии во Бундестагот со недели ги критикуваат постапките на канцеларката и провинциските премиери во корона кризата и бараат поголемо учество на парламентот во донесувањето одлуки за пандемиските мерки.

Свет

Напад со нож во Шведска: Застрелан е напаѓачот, кој им се нафрли на три постари жени

Шведската полиција соопшти дека застрелала маж во врска со нападот на три постари жени во градот Вастерас.

Полицијата соопшти дека мажот ги нападнал жените на возраст меѓу 65 и 80 години со остар предмет, пренесува Ројтерс. Шведската агенција Експресен објави дека една од жените и напаѓачот се во болница со сериозни повреди.

Очевидци велат дека слушнале десет истрели. Нападот се случил денеска околу 12:25 часот.

"Многу полицајци беа на местото на нападот. Мислевме дека станува збор за петарди. Не знаевме за што се работи. Автомобилот на нашиот сосед беше уништен. Полициско возило удри во него", рекол еден од очевидците.

Свет

Г7: Ќе ја зајакнеме противвоздушната одбрана на Украина

Земјите-членки на Г7 се решени да ја зајакнат воздушната одбрана на Украина, изјавија денеска нивните министри за надворешни работи кои се собраа на состанокот во Капри.

Седум суперсили - Италија, Канада, Франција, Германија, Јапонија, Велика Британија, САД и ЕУ - силно ја критикуваа руската инвазија на Украина, која трае повеќе од две години.

Киев, сепак, ги предупредува дека мора да ја сменат својата стратегија доколку сакаат Украина да издржи сѐ подеструктивни руски воздушни напади. Русија негира дека цели цивили, но смета дека енергетскиот систем на Украина е легитимна цел. Во тие напади беа убиени стотици цивили.

„Г7 ќе ја зајакне воздушната одбрана на Украина за да спаси животи и да ја заштити критичната инфраструктура“, рекоа министрите за надворешни работи, додавајќи дека ќе ја зголемат одбранбената и безбедносната помош за Киев.

„Ние сме решени да продолжиме да обезбедуваме воена, финансиска, политичка, хуманитарна, економска и развојна помош за Украина и нејзиниот народ“, додаваат тие. Изјавата е објавена на крајот од тридневниот министерски состанок во Капри, каде главни теми беа Украина и воените конфликти меѓу Израел и Иран.

Американскиот државен секретар Антони Блинкен по самитот изјави дека на Украина ѝ требаат веднаш повеќе ресурси и го предупреди Пекинг дека односите на Кина со Европа ќе настрадаат доколку ѝ помогне на руската одбранбена индустрија.

„Кога станува збор за руската одбранбена индустриска база, главниот придонесувач во моментов е Кина“, рече Блинкен. „Ако Кина од една страна тврди дека сака добри односи со Европа и со другите земји, од друга страна не може да ја поттикне најголемата закана за европската безбедност од крајот на Студената војна.“

Воената помош за Киев е забавена во последните месеци бидејќи на европските партнери им снемува муниција, а американската помош е блокирана од републиканците во Конгресот. Претставничкиот дом на САД овој викенд конечно би можел да гласа за пакетот помош од 60,8 милијарди американски долари за Киев.

Друго прашање што се разгледува е како да се искористи профитот од 300 милијарди американски долари замрзнати руски средства на Запад за да ѝ се помогне на Украина. Министрите рекоа дека се уште размислуваат како тоа може да се направи.

Италијанскиот министер за надворешни работи Антонио Тајани рече дека постои правна основа за користење камата од замрзнатите средства, а експертите сега размислуваат дали би можел да се искористи самиот капитал.

Во врска со нападот на Израел врз Иран по неодамнешниот ирански напад со беспилотни летала и ракети врз Израел, министрите рекоа дека ќе работат на спречување на ескалација на конфликтот.

„Политичката цел на Г7 е деескалација. Работиме и ќе продолжиме да работиме за да бидеме активни играчи за да обезбедиме деескалација на целиот Блиски Исток“, рече Тајани.

Македонија

Мицкоски: Актуелната власт донесе цикличен артаноиден хибриден режим

„Во овие 15 дена од кампањата за првиот круг за претседателски избори буквално насекаде низ Македонија се чувствува победничката атмосфера, се чувствува како граѓаните се обединуваат околу желбата за промени“

„Во овие 15 дена од кампањата за првиот круг за претседателски избори буквално насекаде низ Македонија се чувствува победничката атмосфера, се чувствува како граѓаните се обединуваат околу желбата за промени“, истакна претседателот на ВМРО-ДПМНЕ, Христијан Мицкоски од митингот во Ранковце.

„Масовно на 24-ти април да излеземе овде во Ранковце и да го поддржиме идниот претседател на Македонија, професорката Гордана Силјановска Давкова. Тоа е многу важно затоа што државата ни е одземена од мала група на луѓе кои што се дел од раководството на ДУИ и неколкумина измеќари од СДСМ кои што цело време за да добијат некое парче коска од наместените тендери, да добијат некое ситно евро во џебот и да ги задржат своите фотелји упорно и упорно шест и половина години измеќарат на овие од Мала Речица“, појасни Мицкоски.

Мицкоски додаде дека Македонија ја претворија во еден вид на артаноиден режим. Таква е денеска Македонија поради дел од раководството на ДУИ и неколкумина измеќари од СДСМ.

„Пред шест и половина години овие што сега се Влада ни ветуваа дека ќе донесат слобода, ќе донесат правда, подобар живот, подостоинствен живот, поквалитетен живот за граѓаните, повеќе пари за граѓаните. А, во суштина што направија? Донесоа цикличен артаноиден хибриден режим“, рече тој.

„Кога велам артаноиден тука мислам и на неговиот ментор, а тоа е Али Ахмети од Зајас, кој што денеска ја доби Македонија на тацна од Ковачевски, Зечевиќ и останатите неколкумина политичари во раководството на СДСМ, кои се покажаа и докажаа како главни измеќари“, укажа Мицкоски.

Тој посочи дека никој не очекуваше една државотворна партија СДСМ да се претвори во гранапче на Али Ахмети, на Артан, на ДУИ и да бидат главни измеќари само за да ги задржат своите позиции.

„Тоа е политичкото мочуриште во кое што ние денеска живееме“, истакна Мицкоски.

Мицкоски укажа дека СДСМ и Стево Пендаровски немаат план, немаат програма. Единствено нешто што научиле е само ЕУ, ЕУ.

„А, од ЕУ им остана само еврото кое што го крадат од вас граѓаните преку наместени тендери“, нагласи тој.

„После осми мај Македонија ќе биде повторно слободна и предводена од Влада на ВМРО-ДПМНЕ. А, сите оние кои што и нанесоа зло, неправда, болка, јас ви ветувам дека ќе одговараат“, порача Мицкоски.

Мицкоски рече дека ВМРО-ДПМНЕ и Коалицијата „Твоја Македонија“ на овие избори се бори за 61 пратеник и за претседател Гордана Силјановска Давкова. Време е граѓаните да живеат достоинствен живот во Македонија каде што ќе има правда, успешен образовен систем, подобар здравствен систем, се наведува во партиското соопштение.

притисни ентер