Свет

Германците во шок: Девојчиња тепаат и брутално малтретираат врсничка (Вознемирувачко видео)

Пред десетина дена во Германија беше убиено девојче по име Луиза (12), а сега земјата ја тресе ново страшно злосторство со врсничко насилство.

Имено, во градот Шлезвиг-Холштајн, група девојчиња на возраст од 14 до 17 години наводно со часови мачеле 13-годишно девојче и сѐ снимале на телефон.

Десетина девојчиња истурале сок врз главата на жртвата, треселе пепел од цигари и ѝ ја запалиле косата, а додека девојчето се обидувала да стане, една од девојчињата почнала да ѝ вика: „Седи и моли ме! Не те пуштам толку лесно“.

Овој случај привлече големо внимание во јавноста, особено затоа што, како и во случајот со убиената Луиза, измаченото девојче ги познавала луѓето кои ја малтретирале.

Германските медиуми јавуваат дека ова не е прв пат девојчето (13) да трпи насилство бидејќи често имала проблеми со група врснички кои ја малтретираат и на споменатото видео.

>Ве молиме имајте предвид дека видеото подолу содржи вознемирувачка содржина.<

На видеата се гледа како жртвата плаче и ги моли девојчињата да не ја удираат по нос, но тие не престанале.

Германските медиуми пишуваат дека ова страшно злосторство се случило на крајот на февруари, но мајката на девојчето дури сега решила да проговори за сѐ за да ја предупреди јавноста за сѐ поголемиот проблем со насилството меѓу младите.

Полицијата ги идентификувала напаѓачите, а на девојчето ѝ била укажана лекарска помош. Мајката на жртвата рекла дека мачењето било прекинато благодарение на храбрата интервенција на случајни минувачи, пренесува RTL.

"Тој ја препозна опасноста во која е ќерка ми, ја прими кога таа побара помош од него. Многу сме му благодарни", рекла мајката.

Според обвинителката, како и во случајот со малата Луиза, сторителите на ова кривично дело нема да бидат кривично гонети бидејќи се деца.

„Девојката се здобила со тешки физички повреди. За сторителите во моментов се грижи Канцеларијата за млади. Се уште е нејасно како ќе се одвиваат работите“, рече обвинителот.

Да потсетиме, минатата недела Германија и целиот свет ја потресе веста за убиството на дванаесетгодишното девојче, кое го убиле нејзините две најдобри пријателки. Телото на девојчето Луиза (12) било пронајдено во шума, со десетици убодни рани.

Свет

Од масовни гробници во болницата Насер за три дена ексхумирани над 200 тела

Портпаролот на Цивилната заштита на Појасот Газа Махмуд Басал изјави дека во последните три дена биле ексхумирани над 200 тела на луѓе убиени и закопани од израелските сили во масовни гробници во болницата Насер во Газа.

- Нашите тимови продолжуваат да пронаоѓаат тела во медицинскиот комплекс Насер и од саботата се ексхумирани телата на околу 200 маченици, рече Басал.

Некои светски агенции нагласуваат дека не можеле да добијат коментар од израелската војска во врска со ова тврдење.

Мохамед ал-Мугаџер, шеф на цивилната одбрана на Појасот Газа, за некои агенции изјавил дека во гробниците на болницата Насер биле откриени вкупно 283 тела.

- Досега најдовме закопани тела на 283 луѓе кои ладнокрвно биле убиени од израелската окупаторска армија, изјави Исмаил ал Тавабтех, шеф на одделот за комуникации на владата на Хамас, која е на власт во Газа.

Болниците во Појасот Газа беа директна цел на воената операција што ја спроведува израелската армија на палестинска територија по смртоносниот терористички напад што припадниците на Хамас го извршија од Газа на 7 октомври во Израел. /МИА

Свет

“Вјасна“: Стотина поли­­­­тички затвореници во Белорусија се во многу лоша здравствена состојба

Белорусија започна брутална репресија врз опозицијата по масовните протести низ целата земја во втората половина на 2020 година.

Стотина политички затвореници во Белорусија, приведени во текот на жестоката конфронтација меѓу властите и опозицијата во изминатите години, имаат многу сериозни здравствени проблеми и можеби се на работ на смртта, соопшти „Вјасна“, белоруската организација за човекови права.

„Вјасна“, чиј основач е нобеловецот Алес Бијалијацки, кој, исто така, се наоѓа зад решетки, идентификуваше 93 затвореници чија здравствена состојба е особено загрижувачка, поради проблеми со рак, срце, болести и други состојби - запоставени или лошо третирани во затворски услови.

-Во заробеништво секоја болест напредува побрзо, во комбинација со недостаток на квалитетна здравствена заштита, изјави претставникот на „Вјасна“, Павел Сапелка и додаде: „На ова влијаат затворските услови: недостаток на свеж воздух, неухранетост, постојан психолошки притисок и стрес“.

Белорусија започна брутална репресија врз опозицијата по масовните протести низ целата земја во втората половина на 2020 година, кога беше оспорена шестата последователна изборна победа на авторитарниот претседател Александар Лукашенко.

Активистите за човекови права веруваат дека околу 35.000 луѓе биле приведени за време на задушувањето на тие демонстрации, од кои многумина биле претепани од полицијата.

Сите значајни опозиционери се или во затвор или во егзил.

„Вјасна“ проценува дека зад решетки во Белорусија има повеќе од 1.400 политички затвореници. /МИА

Свет

Најдобрите американски колеџи се борат со протести против војната во Газа

Протестите против војната во Газа се проширија од Колумбија и Јеил на други американски универзитети додека властите се обидуваат да го разбијат растечкото протестно движење, пренесува Би-Би-Си.

Полицијата синоќа го прекина протестот на Универзитетот во Њујорк и изврши голем број апсења.

Десетици студенти беа уапсени на Јеил претходно истиот ден, додека Колумбија ги откажа часовите со физичко присуство.

Слични „кампувања“ се појавија во Беркли, МИТ и други колеџи низ земјата.

Демонстрации и жестоки дебати за војната меѓу Израел и Газа и слободата на говор ги потресоа американските кампуси по терористичкиот напад на Хамас врз Израел на 7 октомври на кој Израел одговори со инвазија врз Појасот Газа. /МИА

Во САД, студентите од двете страни велат дека има пораст и на антисемитски и на исламофобични инциденти.

На прашањето за протестите во кампусите, американскиот претседател Џо Бајден вчера рече дека ги осудува „антисемитските протести“, како и „оние кои не сфаќаат што се случува со Палестинците“.

Протестното движење на кампусите го привлече вниманието на глобално ниво минатата недела откако полицијата во Њујорк беше повикана во кампусот на Универзитетот Колумбија и уапси десетици демонстранти.

Колумбија вчера објави соопштение во кое објави дека сите часови ќе се одржуваат онлајн, при што претседателот на Колумбија Минуш Шафик ги наведе како причина инцидентите со „застрашувачко и вознемирувачко однесување“.

Доктор Шафик рече дека тензиите во кампусот биле „искористени и засилени од поединци кои не се поврзани со Колумбија кои дошле во кампусот за да ги следат своите агенди“.

На Универзитетот во Њујорк, демонстрантите поставија шатори спроти школата за бизнис Стерн.

Како што беше случајот со некои други универзитети, демонстрантите на NYU го повикаа училиштето да ги открие и да ги отфрли своите „финансии и донации од производители на оружје и компании со интерес за израелската окупација“.

Полицијата синоќа почна да апси демонстранти Универзитетот во Њујорк.

Неколку часа претходно, речиси 50 демонстранти беа уапсени на Универзитетот Јеил во Њу Хевен, Конектикат, каде што на демонстрациите учествуваа неколку стотици луѓе во текот на викендот.

Универзитетот соопшти дека приведените игнорирале „повеќе барања“ да заминат.

притисни ентер