Германците бесни на Балканците , кои славеле Бајрам – се зголемил бројот на заразени

На семејните прослави по повод Бајрам на 23 мај во Гетинген, очигледно биле прекршени прописите за хигиена и социјална оддалеченост, па така коронавирусот брзо се прошири.

Последица од ваквото однесување е 86 заразени во самиот град и уште 18 во близина, и се претпоставува дека овие бројки ќе продолжат да растат, пишува Дојче веле.

Поради тоа, карантин е воведен за неколку стотици луѓе кои биле во контакт со заразените. Три лица сега се во болница, од кои едно е на респиратор.

Оваа недела ќе бидат тестирани уште 600 до 700 жители на станбен комплекс во Гетинген, каде се одржувале семејните прослави. Заразата се прошири преку границите на градот бидејќи пристигнале многу гости од околината и другите делови на земјата. Еден ученик рекол на училиште дека членовите на неговото семејство се гушкале и се ракувале со рака за време на прославата. Според градската администрација, повеќето од учесниците на прославите потекнуваат од поранешна Југославија. Полицијата одби да даде конкретни информации за семејствата.

Но, очигледно е дека биле Роми од Косово. Јасна Чаушевиќ од Друштвото за загрозени нации предупреди дека Ромите не треба да се стигматизираат како оние што не се придржуваат кон мерките за борба против инфекцијата. Таа вели дека сега е важно да им се објасни на заразените и на оние кои се сомневаат во заразата колку е опасна, на нивниот мајчин јазик. „Мора да ги заштитиме сите нас и очигледно некои луѓе од себе, но без стигматизација и предрасуди“.

Овој комплекс згради веќе неколку дена е опседнат од новинарите, што очигледно не им се допаѓа на станарите. Вчера, според нивните изјави, била нападната телевизиска екипа. „Луѓето се заканија дека ќе ја уништат нашата опрема“, изјави снимателот Фестим Беќири. „Покрај тоа, од балконот фрлаа компири кон нас“.

Можен дополнителен извор на инфекција е наргиле бар што бил отворено во неделата и покрај забраната. Таму, неколку луѓе пушеле со исто пластично продолжение.

Поради брзото ширење на епидемијата, градските власти ги затвориле сите училишта и пет градинки до следниот понеделник, затоа што меѓу заразените има повеќе деца и млади. По повторното отворање, ќе се воведе обврска за носење заштитни маски. Ова предизвика бран на бес кај многу родители и директори на училиштата бидејќи училиштата неодамна повторно се отворија по долго време. „Застрашувачки е што овие луѓе мислат дека правилата не важат за нив или дека правилата се ставени во сила за нив под одредени услови“, изјави директор на едно училиште, Ларс Хумрих.

Сè уште е неизвесно дали ќе се воведат строги ограничувања за целиот град со цел да се спречи ширењето на вирусот. Во секој случај, се очекува зголемување на бројот на заразени лица, изјави градскиот претставник Кордула Данкерт.

Сè уште не е решено дали некој ќе одговара законски за брзото ширење на инфекцијата. Во моментот, најважно е да се ограничи ширењето, изјави градоначалникот Ролф-Георг Кулер и додаде: „Кога ќе имаме уште малку време, ќе одлучиме против кого да покренеме прекршочна постапка и против кого да покренеме кривична пријава“.

За споредба: бројот на нови случаи во изминатите седум дена на 100,000 жители во Готинген бил 21,6, а во целата провинција Долна Саксонија 5,4.

Обвинение против 95-годишен старец кој бил чувар во злогласен нацистички логор

Во германскиот град Вупертал е поднесено обвинение против 95-годишен старец, кој наводно бил чувар во нацистичкиот концентрационен логор Штутоф близу Гдањск, на територијата на Полска.

Официјални лица во моментов проценуваат дали неименуваниот маж може да се појави на суд и не се откриени дополнителни детали за обвинението.

Слично судење се спроведува во Хамбург против 93-годишен старец , кој исто така бил чувар на логор во близина на градот, тогаш познат како Данзиг. Тој е обвинет за учесник во најмалку 5.230 убиства.

Двајцата старци биле малолетни во моментот кога биле испратени во кампот, поради што предметите ги решаваат малолетнички судови.

Најмалку 60.000 луѓе загинале во Штутоф и тоа бил еден од последните ослободени логори, во мај 1945 година.

Премиерот на Федерацијата БиХ има коронавирус

Премиерот на Федерацијата Босна и Херцеговина, Фадил Новалиќ е позитивен на коронавирусот, јавуваат босанските медиуми.

Новалиќ ги почувствувал првите симптоми на неодамнешното одбележување на 25-годишнината од геноцидот во Сребреница со Мировен марш, а денеска имал треска, болки во мускулите и гадење.

Според медиумите, самиот Новалиќ побарал да биде тестиран.

БиХ денес има 90 нови случаи и ова е прв пат по подолго време бројот на ново заразени во таа земја да се спушти под 100. Пред два дена имало дури 316, што е највисоко од почетокот на епидемијата во таа земја.

Тој сега е во изолација, како и луѓето со кои комуницирал. Не се знае точно колку лица се во прашање, пишува Аваз. Ќе бидат тестирани и министрите со кои бил во врска последниве денови затоа што тој се приклучил на Мировниот марш по владината седница на ФБиХ.

Роналдо има проблеми поради видеото објавено од сестра му (ВИДЕО)

Аргентинскиот весник  Оле пишува дека Кристијано Роналдо ќе биде казнет со парична казна поради неговиот син Кристијано Роналдо Џуниор кој нелегално вози џет-ски во Мадеира, Португалија.

Не би било откриено толку лесно ако сестрата на Кристијано, Елма Авеиро, не објавила видео во кое 10-годишното дете вози џет-ски. Јасно е, споменатото видео наскоро исчезна од сите социјални мрежи.

„Дејли мирор“ пишува дека полицијата испитува кој е сопственик на спорниот џет-ски, а доколку се покаже дека Португалецот е сопственик, тој би можел да добие сериозна казна.

Шефот на крајбрежната полиција во Португалија, Гереиро Кардозо изјави дека е покрената истрага и дека е свесен за сè што се случило, со објавување на парична казна на ѕвездата на Јувентус.

Патем, Роналдо, игра во топ форма за Јувентус. 35-годишниот играч има постигнато 32 гола на 40 натпревари, а клубот од Торино се доближува до новата италијанска титула.

притисни ентер