Герасимовски: 3.500.000 денари финансиска поддршка на пензионери со пензии до 20.122 денари

Општина Центар распишува Јавен повик за доделување еднократна финансиска поддршка наменета за пензионери со пензии до 20.122 денари, кои се жители на општината. Јавниот повик е отворен од денеска 21.11.2023 година, заклучно до 06.12.2023 година.

Градоначалникот на Општина Центар Горан Герасимовски појасни дека висината на еднократната финансиска поддршка изнесува вкупно 3.500.000 денари односно по 2.000,00 денари од корисник, а исплатата ќе биде по принципот „прв дојден – прв услужен“, се до исцрпување на средствата во Буџетот на Општина Центар, Скопје за 2023 година.

- Во пресрет на претстојните новогодишни празници и семејни слави верувам дека овие средства ќе им помогнат на нашите повозрасни сограѓани да ја збогатат трпезата или да ги олеснат семејните трошоци. Општина Центар втора година по ред обезбедува поддршка за повозрасните граѓани во општината, пензионерите. Искрено верувам дека оваа помош ќе биде добредојдена. Затоа ги повикувам граѓаните кои ги исполнуваат условите да аплицираат на Јавниот повик и станат корисници на мерката, изјави Герасимовски.

За остварување на правото на користење на финансиската поддршка, заинтересираните граѓани треба да бидат корисници на старосна, семејна или инвалидска пензија не повисока од 20.122,00 денари и да бидат жители на Општина Центар-Скопје. Граѓаните кои ги исполнуваат овие услови ќе треба да поднесат: Барање за доделување на финансиска поддршка на пензионери во социјален ризик, копија од лична карта, копија од трансакциска сметка и доказ од последна примена пензија (потврда/чек издаден од Банката во која се прима пензијата, за последните 2 месеци, односно за септември или октомври 2023 година). Барањето за доделување на финансиска поддршка за пензионери во социјален ризик е достапно во просториите на Општина Центар-Скопје (архива на Општина Центар-Скопје, барака 6) и на веб страната на Општина Центар-Скопје https://www.centar.gov.mk/?p=19130. Потребната документација може да се достави секој работен ден во барака 6 (Сала на Совет на Општина Центар – Скопје), од 09.00 до 14.00 часот.

Комисијата за селекција, формирана од Градоначалникот на Општина Центар-Скопје, ќе ги разгледува и ќе одлучува по поднесените барања за остварување на правото за финансиска поддршка. На пензионерите што аплицирале и ги исполниле потребните критериуми, Општина Центар-Скопје ќе изготви Решенија за доделување на финансиска поддршка. Исплатата на предвидениот износ за финансиска поддршка (во висина од 2.000,00 денари), ќе ја изврши Секторот за финансиски прашања на Општина Центар-Скопје, директно на трансакциските сметки кои барателите ги доставиле како потребна документација. Исплатата ќе биде реализирана до крајот на 2023 година.

Општина Центар ги повикува сите пензионери, кои се корисници на старосна, семејна или инвалидска пензија и ги исполнуваат потребните критериуми, да аплицираат и да го остварат правото за доделување на финансиска поддршка.

Општина Центар

Бауш: Неоправдано е поскапувањето на лебот, очекувам заздравување на економијата

Откако за околу 10 % скокна цената на одредени видови леб – експертите велат нема реална причина за растот на цената.

Откако за околу 10 % скокна цената на одредени видови леб – екпертите велат нема реална причина за растот на цената, според познавачите бизнисот го користат вакум периодот на смена на власта, новиот закон за нефер трговски практики, а влијание според професорот Абил Бауш имаат и некогашните владини мерки за замрзанти цени и маржи.

Според Бауш непотребно се создава паника, вели очекува во следниот период заздравување на македонската економија.

„Ако гелдаме на глобално ниво и ако ги читаме резутатите, ни цената на енергенсите не е покачна нешто драматично, ниту цената на нафтените деривати, а не е нешто многу покачена ни цената на житото. Ова сега се се случува во момент кога се очекува да ги даде првите резутати и законот за нелојална конкуренција и таа предонсот од една во друга влада, некој тоа го чека за да направи паника за да се направат тие притисови за покачување на цените,“--изјави Абил Бауш – економски аналитичар.

Според Бауш, како држава имаме цел сет на одлуки со кои може да се контролира инфлацијата и да се заштити стандардот на граѓаните.

„Од Ценатраланата банка, па се до министерстовто за финансии, има централни политики на кои може да се направат среднорочни и долгорочни, кои може да ја зауздаат таа економија, иако кажав дека полседниот кваратал ние може да очекуваме и да бидеме во некој вид на економско оппоравување и да почне да се мисли на економски раст и развој.“-изјави Абил Бауш – економски аналитичар.

Во меѓувреме се крои и новата цена на струјата за домаќинствата. Според неофицијални информации минатата недела на затворена владина седница било прифатено државните електрани да ја продаваат произведената струја на универазлниот снабдувач по повисока цена, односно наместо досегашните 57 цената да изнесува 60 евра за мегават. Но какви сметки од 1 јули ќе плаќаат граѓаните ќе се знае конечно за околу 15 тина дена, во меѓувреме треба да помине и аукцијата на тендерот за набавка на струја.

Граѓаните стравуваат од нов ценовен шок.

„Скапо е скапо е претерано. Пензионерскиот живот е тежок... со 16 илјади денари каде ќе одиш.... се потешко и потешко е ... сиромаштија.... “

„Би било лудо сега струјата да се покачува кога ни зима видовме, и се штеди и не се троши многу струја, ете се направија таму тие групи скапа евтина и оние што трошат повеќе ќе си платат повеќе, тоа можда беше логично нешто направено... ајде лебот 1 2 денари не е нешто страшно... “

„Нема да се издржи, треба ли да јадат овие деца, треба струја да се пплати, а ти викаплати тоа, плати ова со што да платам.. кредити, кратички.... треба да се качат, најмалку 500 евра....кога ќе имаш пари ќе можеш да платиш и струја и вода и се и ќе има и за јадење....“

За основните трошоци за живот на едно четири члено семејство, месечно потребни му се минимум 1000 евра, покажуваат последните пресметки на синдикатите, износ кој е еднаков на две ипол минимлани плати. Предупредуваат дека ако има раст на цената на струјата тоа ќе биде нов удар врз џебот на граѓаните. Од ССМ во повеќе наврати најавија дека ќе бараат од новата влада, минимална плата од минимум 450 евра.

Бесмира Ејупи заминува на неколкумесечна испомош во конзулатот во Бон,потврдија од МНР

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германиј.

Иако пред две години не успеа да стане конзул во Њујорк, поради притисокот од јавноста, поранешната ТВ презентерка Бесмира Ејупи сепак доби шанса да замине во странство, овој пат на испомош во дипломатско конзуларното претставништво во Бон, Германија, потврдуваат од МНР за Канал 5. Министерот Бујар Османи пред напуштање на владиниот кабинет, освен за Бесмира Ејупи, потпишал решенија за испраќање и на други вработени во министерството на неколкумесечна испомош во ДКП-ата каде во летните месеци имало зголемен обем на конзуларни услуги.

„ Во текот на летните месеци во конзуларните претставништва каде има зголемен обем на работа поради тоа што нашата дијаспора патува дома се праќаат вработени од МНР на неколку месеци испомош за да се олесни издавањето на документи на шалтерите на конзуларните претставништва. “ – велат од МНР.

Освен решенија за испраќање на лица за испомош во ДКП-ата, пред напуштање на владиниот кабинет, министерот Османи пред две недели распишал и интерени конкурси за испраќање на околу 15-тина нови дипломати во дипломатско – конзуларните претставништва на Македонија ширум светот. Од МНР за ова велат дека станува збор за редовни административни циклуси, а дали ќе завршеле конкурсите зависело од новиот шеф на дипломатијата.

Ваквата одлука на Османи наиде на критика од Македонскиот дипломатски синдикат, од каде веднаш по распишувањето на огласот за Канал 5 изјавија дека процедурата за избор на нови дипломати во нормални услови трае од 1 до месец и половина, така што некоректно е, сега да се распишува конкурс во време кога за десетина дена очекуваат нов министер.

„Сметаме дека е некоректно и према колегите но и политички некоректно на 10 дена пред доаѓање на нов министер, министерот во заминување да носи одлука за тоа кој диполмати се соодветни за одредени места.-изјави Веле Трпевски – претседател на МДС .

Во меѓувреме, техничкиот премиер Талат Џафери на Фејсбук се пофали дека во галеријата уметнички слики на досегашните премиери во Владата ќе стои и негов портрет а објави и заедничка фотографија со авторот на портретот, на лпгп му се заблагодари на како што пишува маестралното сликање на неговиот премиерски портрет ..

Џафери е третиот технички премиер и согласно договорот од Пржино со владата ќе раководи до изборот на новиот владин кабинет што треба да се случи за една недела

Мареј по петти пат на Олимписки игри

Двократниот олимписки првак, од Лондон 2012 и Рио де Женеиро 2016, британскиот тенисер Анди Мареј ќе настапи ова лето во Париз на своите петти Олимписки игри, објави попладнево британскиот олимписки Комитет.

Мареј, кој се очекува да се збогува со професионалниот тенис по Игрите во Париз, во моментов е рангиран на 97 место на АТП листата.

Во машкиот тим на Велика Британија за олимпискиот турнир се и капитенот Иан Бејтс и тенисерите Џек Дрејпер, Камерон Нори и Ден Еванс. Кејти Болтер ќе биде единствената британска тенисерка во Париз.

За Велика Британија во машки двојки ќе играат Џо Салесбери и Нил Скупски.

Олимпискиот тениски турнир на програмата е од 27 јули до 4 август.

притисни ентер