Aко Уставниот суд правилно ги прочита Законот и Уставот ќе се унапреди употребата на албанскиот јазик во Македонија, вели собранискиот спиекр Гаши во интервју за весникот„Лајм“, во пресрет на седницата на Уставен, кој на почетокот на октомври, треба да ги разгледа иницијативите со кои се оспорува уставноста на Законот за употребата на јазиците. Гаши посочува дека не стравува од одлуката на судот и очекува уставните судии да донесат објективна одлука.

„ Уставниот суд постои за да ја оценува уставноста на законите. Ние како Албанци треба да бидеме опуштени, верувам дека петтиот амандман на Уставот, кој беше напишан и договорен со меѓународни експерти по конфликтот и вооружената војна во 2001, секако е добро осмислен, добро анализиран и сите знаеме дека идејата на амандманот беше албанскиот да биде официјален со македонскиот јазик. Јас длабоко верувам дека правилното читање на Уставниот суд ќе ја унапреди употребата на албанскиот јазик на ниво на службен јазик. Идејата на Охридскиот договор беше албанскиот јазик да биде официјален на државно ниво и затоа сум опуштен како ќе се толкува“., посочува Гаши во интервјуто, во кое доадава и дека употреба на албанскиот јазик во земјава не била на посакуваното ниво и дека е потребно целосно изедначување на албанскиот со македонскиот јазик..

На прашањето на Канал 5, пак за појаснување на ставовите околу одлуката на Уставен, Гаши порача дека се ширела загрижувачка хистерија околу Законот за јазиците. Кратко ни посочи дека верува во интитуците на државата и дека одлуката е во рацете на Уставниот суд. Ставот по ова прашање на премиерот Мицкоски е дека одлуката на Уставен мора да се почитува, додека вицепремеирот Меџити порача дека таквата одлуката би можела да наруши важни процеси во држвата.

Вкупно 13 иницијативи за оценување на уставноста на Законот за употреба на јазиците се поднесени до Уставениот суд, од страна на политички партии, граѓански здруженија и универзитетски професори и по цели пет години од донесувањето на Законот ќе бидат разгледани од уставните судии.