Дами и господа, вечерва во Само Интервју ќе гостува претседателот на СДСМ Венко Филипче.

Сегашната или претходната - која власт е одговорна за фијаското во ЕП?

Бугарија покажа дека не може да се помири со македонски јазик и идентитет - жив ли е воопшто Договорот за добрососедство или време е да биде преиспитан?

Ќе си подадат ли рака со Мицкоски за национален консензус за евроинтеграциите или поимот и натаму ќе остане мисловна именка во земјава?

Кос го пофали планот за раст, ќе бидеме ли најдобриот ученик во одделението како што ветува премиерот?

Дали Стратешките партнерства може да бидат замена за ЕУ?

Локалните избори се ближат - кој ќе му се спротивстави на Орце Георгиевски во Скопје, ќе биде ли Костадинов новиот Максим и дали е можна повторна соработка со ДУИ?

Вечерва во Само Интервју кај Гоце Михајлоски, гостува Венко Филипче, веднаш по централните вести.

Брзината е клучна, за секое прашање имате 5 секунди.

Во денешно време, кога на социјалните мрежи има бројни тестови на личност, квизови на знаење и брзи задачи, се покажува дека луѓето се почесто ги проверуваат своите ментални способности. Без оглед дали сакаат да си докажат себеси дека се бистри и проникливи или да се пофалат пред пријателите, овие мали загатки претставуваат забавен начин да си поиграме со сопствената логика.

Меѓутоа, некогаш и најдобрите потфрлаат на едноставни прашања, зашто мозокот знае да се „сплетка“ во обидот да даде точен одговор. Токму затоа и настана овој краток и брз тест на интелигенција од само 5 наизглед едноставни прашања, но доволно лукави да ве залажат.

Правилото е јасно, одговарате за 5 секунди. Брзината е клучна, зашто само тогаш вашиот инстинкт доаѓа до израз, а резултатите се искрени и меродавни.

Ако сте подготвени да го тестирате својот ум и да проверите дали навистина сте толку паметни, пробајте!

Прашање 1

Учествувате во трка, го престигнувате вториот, на кое место сте?

Прашање 2

Ако во текот на трката ја престигнете последната личност, тогаш сте...

Прашање 3

Без дигитрон и молив, пресметајте набрзина:

1.000 + 40 + 1.000 + 30 + 1.000 + 20 + 1.000 + 10 = ?

Прашање 4

Таткото на Марија има 5 ќерки: Нана, Нене, Нини, Ноно и?

Прашање 5

Нема личност сака да купи четка за заби, имитира движења од миење заби за да му објасни на продавачот што сака. Ако слеп човек сака да купи очила за сонце, како ќе го објасни тоа?

Одговори:

Ако како повеќето луѓе веднаш одговоривте „прв“, се лажете! Ако го престигнувате вториот, вие го заземате неговото место, значи, втори сте. Оваа класична замка покажува колку лесно го прескокнуваме логичниот редослед кога се обидуваме да бидеме брзи.

На прв поглед звучи едноставно, но всушност е трик прашање. Како може да го престигнете последниот? Не можете. Зашто тој веќе е последен во редот. Ако одговоривте „претпоследен“, повторно се фативте во замката.

Повеќето луѓе веднаш ќе кажат „5.000“, но точниот одговор е 4.100. Мозокот има тенденција да заокружува на 1.000 и да не ги согледа помалите броеви кога е под притисок да пресметува брзо.

Многумина веднаш одговараат „Нуну“, следејќи го шаблонот, но вистинскиот одговор се крие во самото прашање. Марија е петтата ќерка.

Звучи комплицирано, а всушност е многу едноставно. Со зборови. Слепиот човек нема проблем со говорот и може да каже што сака, за разлика од немиот купувач кој мора да се потпре на гестикулацијата.

Дали успеавте да одговорите точно за 5 секунди? На прв поглед делува едноставно, но всушност ваквите квизови му помагаат на мозокот да тренира брзи реакции и логично расудување. Когнитивните психолози велат дека ваквите игри се идеални за „загревање“ на мозокот, бидејќи ни помагаат да реагираме побрзо во секојдневниот живот и да се фокусираме пред да донесеме вистинска одлука.

Пробајте го овој тест со пријателите штопирајќи го времето за да ја подигнете забавата на повисоко ниво и гледајте кој ќе „падне во замката“, а кој ќе успее да остане присебен и логичен.

Ако „паднавте“ на неколку прашања, не грижете се, интелигенцијата не е само давање брзи одговори, туку и способност да научите нешто од грешките.

Оваа билка може да се користи во комбинација со мед, а во продолжение прочитајте го деталниот рецепт за тоа како да ја подготвите оваа лековита комбинација.

Растението чувар-куќа потекнува од европското тло, таа е зелјеста долгодишна билка која успева во разни услови, особено на неплодни и карпести суви предели. Нејзината способност да преживее во тешки услови ја прави исклучиво популарна, па честопати може да се види и покрај камени ѕидови и огради. Исто така, ова растение се одгледува и во саксии во затворени простории.

Билката чувар-куќа се карактеризира со месести листови кои формираат розета, додека нејзинта висина достигнува 20-30 см, не сметајќи ги цветовите кои може да бидат и повисоки. Цветовите на ова растение, кои се во жолти и црвенкасти нијанси формираат „грозд“ во различни облици. Ова растение поради својата голема виталност успева да ја задржи зелената боја во најтешки услови, одолевајќи и на мраз и на силно сонце.

Исто така, оваа билка има многубројни здравствени ефекти. Една од најпознатите нејзини примени е елиминирање на маснотијата од ушниот канал. Многумина, кога ќе се соочат со проблеми со ушите, се потпираат на оваа билка. Таа исто така се користи и при повреда на кожата или кожни заболувања. Растението чувар-куќа помага при чиреви, расекотини и изгореници.

Некои сокот од чувар-куќа го користат како прва помош при „волчјо око“ и брадавици. Ова растение е популарно и кај оние што сакаат да се ослободат од пеги настанати како резултат на прекумерна изложеност на сонце.

Се покажало дека растението чувар-куќа е особено делотворно ако се комбинира со мед, и тоа при зајакнување на имунитетот, цисти, лошо варење, а особено е делотворно кај запек. Многумина секое утро ја консумираат следнава комбинација од чувар-куќа и мед:

300 гр. свежи листови чувар-куќа

500 гр. мед

200 мл свеж лимонов сок

Листовите од чувар-куќа измијте ги и сомелете ги во блендер, додајте го лимоновиот сок и медот и добро измешајте. Смесата истурете ја во стаклена тегла и чувајте ја во фрижидер. Се зема секое утро по една лажица на празен стомак.

Во денешно време, грижата за здравјето е од суштинско значење, а подобрувањето на имунитетот и зајакнувањето на организмот е клучно.