ФИТР и УНДП потпишаа договор за дигитализација на општините – пилот фаза

Фондот за иновации и технолошки развој и УНДП (Програма за развој на Обединетите Нации) ќе работат на дигитализација на услугите што ги нудат општините за граѓаните. 

Проектот ќе се реализира со финансиски средства на УНПД во износ од околу 4 милиони денари, со користење на процедурите и капацитетите на ФИТР.

Со проектот ќе се изработат дигитални алатки за: Воспоставување на електронски систем за наплата на давачките кон општината (даноци и парафискални давачки), Воспоставување на систем за електронско плаќање на сметки кон јавните претпријатија, Електронски систем на волонтери и Онлајн платформа за општински форум.

Овие дигитални алатки ќе се имплементираат во 5 пилот општини: Центар Жупа, Боговиње, Свети Николе, Прилеп и Куманово. Дигиталните решенија е предвидено да бидат оперативни и на располагање на граѓаните од овие општини до крајот на 2020 година.

Деталите на проектот се опфатени со проектен документ, што денес го потпишаа директорот на ФИТР, Јован Деспотовски и постојаната претставничка на УНДП во Македонија, Нарине Сахакиан.

„Со овој проект граѓаните од 5 општини ќе добијат и побрзи и поквалитетни услуги. Очекувам дигитализацијата да се прошири и во сите останати општини, за што денес зборувавме и за подолгорочна соработка со УНДП и други меѓународни партнери. Овој процес треба да донесе и поголема транспареност во работењето, а со тоа и намалување на ризиците од нерегуларности и корупција при давањето на јавни услуги. Соработката со УНДП говори и за довербата на меѓународните институции во интегритетот, процедурите и капацитетите на ФИТР".

Јавниот повик како што најави Деспотовски, ќе биде објавен веќе во следните денови и ќе биде отворен за сите домашни микро, мали и средни компании. Критериумите за избор на најдобро решение ќе бидат објавени однапред, согласно воспоставената практика на Фондот. Заедничката соработка на УНДП и ФИТР освен во делот на заедничко креирање на условите на повикот, ќе опфаќа спроведување, избор на најдобри решенија како и мониторинг на развојот на решенијата до нивната имплементација.

„Во глобални рамки, УНДП е посветен на поддржување на брзо иновирање и дигитализација низ различни сектори како начин за справување со предизвиците од пандемијата. Не сакаме само да се вратиме назад во „нормала", туку да изградиме нешто подобро преку воведување на поодржливи и отпорни начини за доставување на јавни услуги. Затоа, УНДП и ФИТР здружија сили со цел да ги зајакнат иновациските активности во земјата, со посебен нагласок на јавните услоги. Целта на овие заеднички напори е да се поттикнат општините да прифатат нов, иновативни алатки и начини на работа за доставувањето на јавните услуги, како и да се зајакне нивната соработка со приватниот сектор." изјави Нарине Сахакјан, Постојана претставничка на УНДП.

Избраните општини се дел од тековните проектни активности на Програмата за развој на Обединетите Нации (УНДП) насочени кон поддршка на државата за справување со ефектите од КОВИД-19, како и спроведување на брза и сеопфатна социо-економска анализа за ефектите од пандемијата и утврдување на можности за побрзо опоравување на локално ниво.

Во моментот на селекција на општините беа земени повеќе критериуми за избор: распространетост на КОВИД-19 на локално ниво (број на заразени лица/број на активни случаи во моментот); број на жители и етничка структура; застапеност на урбани/рурални општини; географска застапеност во согласност со територијалната организација на земјата (застапеност по плански региони).

Фото: Карлеуша во секси фустан со шпенагли

Нов провокативен стајлинг на српската пејачка Јелена Карлеуша.

Атрактивната пејачка на секое снимање на шоуто „Ѕвездите на Гранд“ како да сака да се појавува во што по провокативен стајлинг од претходниот.

Русокосата Карлеуша сега се прошета во секси сребрен фустан со шпенагли, кој повеќе открива отколку што покрива.

Првиот впечаток е дека шпенаглите всушнот и го „држат“ овој фустан.

Царовска: Годинава училишни екскурзии не се дозволени

Министерката за образование и наука Мила Царовска денеска изјави дека оваа година не може да се организраат училишни екскурзии.

– Испратени се упатства од Бирото за развој на образование. Може до пет километри да имаат прошетка, движење учениците заедно со наставниците за да може да имаме социјализација. Но, од друга страна она што се случувало минатата година, зошто агенциите не ги вратиле парите сметам дека има уредби. Министерството за економија имаше препораки да се дадат ваучери коишто ќе може да се користат во наредниот период и тоа сигурно се случило, рече Царовска, одговарајќи на новинарско прашање во општина Кочани.

Министерката Царовска ги повика директорите на училиштата кои се одговорни за организација на екскурзиите, да ги викнат родителите и да најдат заеднички јазик на кој начин тие пари коишто биле од минатата година ќе им се вратат. Но, оваа година, како што потенцира, екскурзии не се дозволени.

На новинарско прашање за затоплувањето на училиштата, министерката Царовска рече дека тоа е еден дел од обезбедувањето услови во училница за да се одржи настава и тоа, како што рече, е обврска.

– Но, разговараме дека со рационализација на средства можеме да постигнеме повеќе инвестиции во инфраструктура, во ИТ опрема наместо да ги расфрламе финансиските средства само за загревање на цела училница само за еден наставник, но тоа се процеси на дискутирање. Важно беше наставата да почне од училница, да ги видиме наставниците на своите работни места заради тоа што минатата година имаше многу дилеми во јавноста дека наставниците не одат на работа, земаат цела плата, не се држи настава. Но, сега наставниците држат настава, ја држат од училница, рече Царовска.

Министерката за образование и наука рече дека навистина нема потреба од тоа да расфрламе средства и најави дека може да се донесат одлуки наставниците понатаму да работат од дома.

– Но, велам тоа го носиме заеднички со градоначалниците заради тоа што имаме наставници коишто одат со физичко присуство заради тоа што тоа Комисијата тоа го дозволила и ќе оставиме на ниво на колектив да одлучат на кој начин понатаму согласно грејната сезона ќе се одвива наставата во училиштето. Мислам дека тоа ќе биде најправедниот модел, но кога ќе го донесеме ќе биде известена јавноста, потенцира Царовска.

Одговарајќи на новинарско училиште, Царовска рече дека во ова училиште и во сите училишта во државата каде што се обезбедени ИТ уреди и интернет се одвива онлајн настава. Посочи дека наставата се одвива преку двонасочна комуникација наставници – ученици.

– Во државата првпат сите ученици и сите наставници имаат спуштено лозинки и акаунти за користење на платформа за двонасочна комуникација. 88 проценти од наставата се одвива онлајн без никакви пречки, нагласи Царовска.

Прашана за барањето на родителите од Македонска Каменица за присуство на учениците во училиштата, Царовска рече дека бојкотот на наставата е само неконструктивен начин на искажување незадоволство од пандемијата.

– Пандемијата не е нешто која што ние денеска одлучуваме го сакаме или не го сакаме во нашата држава. Тоа не снајде и ние мораме да живееме со него. Во моментот кога бојкотираме настава само учениците губат од часовите, додека наша обврска како Влада, секако и обврска на општините, е да го штитат здравјето на граѓаните. Здравјето не е флоскула, здравјето на граѓаните се живот на нашите баби, дедовци, мајки, тактовци заради тоа што младите може да пренесат. И ако одлучила Комисијата за заразни болести дека навистина на овој начин е најдобро за заштита на здравјето јас ги повикувам сите ученици и сите наставници да се придружат на овој начин на изведување на настава согласно препораките на Комисијата за физичко присуство и Комисијата за заразни болести, рече Царовска.

Министерката Царовска денеска е во Општина Кочани, каде ќе посети повеќе основни и средни училишта.

Асфалтиран патот од Долна до Горна Бошава во Поткожувјето

Ангажираната оператива на Агенцијата за патишта денеска завршува со реализација на проектот за асфалтирање на делница од регионалниот пат Демир Капија-Мушов гроб, информираат од кабинетот на градоначалникот Митко Јанчев.

-Се работи за асфалтирање на 850 должни метри со широчина на коловозот од четири метри, на дел од патот кој ги поврзува селата Долна Бошава со Горна Бошава. Согласно проектот, асфалтна подлога се постави на излезот од селото Долна Бошава до спојот со бехатон плочите на влезот под село Горна Бошава, соопштија од градоначалничкиот кабинет.

Оттаму нагласија дека сега од Кавадарци до Горна Бошава се патува по целосно асфалтиран пат, кој овозможува побрза и побезбедна комуникација како за жителите, така и за стопанските субјекти од тој регион.

-Со реализацијата на овој проект значајно се подобри сообраќајната инфраструктура на територијата на општина Кавадарци во комуникација со селата од подкожувјето, информираат од кабинетот на Јанчев

Во наредниот период останува да се асфалтираат преостанатите пет километри од овој регионален пат помеѓу селата Горна Бошава и Конопиште.

притисни ентер