Финска од денеска и официјално 31 земја членка на НАТО

НАТО и кажа добредојде на 31-та земја членка. 

НАТО и кажа добредојде на 31-та земја членка. Финска од денеска се приклучува на Алијансата, откако доби зелено светло од Турција по 11 месеци од апликацијата. Церемонијата во Брисел попладнево има причина за двојно славје, зашто се совапаѓа и со 74-годишнината од основањето на НАТО. Генералниот секретар Столтенберг порача дека од денеска Финска е побезбедна земја.

-Кога Путин ја донесе одлуката за инвазија врз Украина, сакаше помалку НАТО на границите. Сакаше да ја затвори вратата на НАТО за да нема повеќе членство во НАТО за други земји во Европа. Но, се случи токму спротивното. , изјави Јенс Столтенберг, генерален секретар на НАТО.

Со членството на Финска сериозно се менува и безбедносниот пејсаж кон Русија. 1.300 километри долгата финска граница со Русија ќе ја удвои границата на НАТО кон Москва, која сега од север ќе се протега се до југ до Турција. Москва предупреди дека приемот на нејзината западна сосетка е напад врз безбедноста на Русија, што ќе повлече контрамерки, без да се наведе какви.

-Наскоро Финска станува членка на Алијансата. Се разбира, тоа создава ризик за значително проширување на конфликтот, но тоа нема да влијае на исходот на специјалната операција. , изјави Сергеј Шојгу, министер за одбрана на Русија.

Во Брисел е и шефот на македонската дипломатија Османи, а хибридните и сајбер закани со кои се соочува Македонија во изминатиот период беа тема на синоќешната прес-конференција на Столтенберг. Тој изјави дека при неодамнешната посетата на тимот НАТО експерти во Скопје, биле договорени краткорочни и долгорочни мерки.

-Поддршката што НАТО и сојузниците се подготвени да ја обезбедат за Македонија, се состои од техничка поддршка и посилна соработка во борбата со дезинформациите. Воедно би сакал да ја пофалам македонската влада за брзата и детална работа во развивањето на програмата за соработка што ја договоривме. , изјави синоќа Јенс Столтенберг, генерален секретар на НАТО.

Влез во НАТО чека и Шведска, чие членството засега го блокира Анкара која го обвинува Стокхолм дека им пружа засолниште на членови на Курдската работничка партија.

Младенци дошле во Европа на меден месец, па им се случила трагедија- невестата одеднаш починала

Австралијка, која неодамна се омажила, починала во прегратките на својот сопруг откако доживеала мозочна аневризма додека биле на меден месец во Европа.

Медисон Норона од Нов Јужен Велс колабирала додека шетала во Амстердам со својот сопруг, откако доживеала мозочно крварење.

Нејзиниот сопруг Кајл со скршено срце изјавил дека била оперирана за да се намали притисокот од крварењето и „се борела до самиот крај“.

„Лекарите не можеа да поверуваат колку е голема аневризмата и не можеа ништо да направат за да ја спречат или спасат“, напишал тој на Интернет.

Рече дека Меди се борела како и секогаш до самиот крај, пренесува Daily Mail.

„Таа почина во моите раце опкружена со нејзините најблиски во 22.59 часот во Амстердам. Не можам да поверувам што се случи, скршен сум на милион парчиња.“

„Секогаш и засекогаш, душо“, напишал скршениот сопруг.

Десетици луѓе му испратија пораки со поддршка и сочувство по страшната вест.

Медисон и Кајл се венчале на 21 април.

Поставена е страница GoFundMe за да се соберат пари за да се врати Медисон дома во Австралија.

Пијан малолетник во Индија со Порше прегази две лица, доби казна- да напише есеј

Гневот расте во Индија откако на тинејџер кој наводно уби две лица додека возел пијан, му било наредено да напише есеј како казна, а многумина повикаа на построга казна и го обвинија судството за попустливост.

Несреќата се случила минатиот викенд, а 17-годишникот со Порше со голема брзина се движел низ градот Пуна пред да удри во мотоцикл, при што загинале две лица. Малолетникот бил приведен, а подоцна изведен пред Судот за малолетници, каде бил пуштен со кауција и 15 дена општествено корисна работа.

Тој, исто така, бил казнет да напише есеј за безбедноста на патиштата, рече заменик-главниот министер на Махараштра, Девендри Фаднавис.

„Гневот порасна после ова. Според полициските информации, момчето има 17 години и 8 месеци. Ова е грозоморно злосторство“, им рече тој на новинарите, посочувајќи на промените во индиските закони за малолетници од 2015 година кои дозволуваат на децата над 16 години да им се суди како на полнолетни лица доколку извршиле „грозоморно“ кривично дело.

„Ова беше изненадувачка наредба донесена од Одборот за малолетничка правда“, рече Фаднавис.

CNN се обиде да дојде до адвокатот на наводниот возач, Прашант Патил, за коментар.

Фаднавис додаде дека градската полиција на Пуна го истражува малолетникот за наводно убиство кое не значело убиство. Тие, исто така, побарале од судот за малолетници да ја разгледа одлуката за кауција, рече тој.

На снимката од надзорната камера, неколку моменти пред несреќата, се гледа бело Порше кое брзо се спушта по главната сообраќајница. Се гледаат луѓе како брзаат кон местото на несреќата.

Таткото на малолетникот е уапсен бидејќи наводно му дозволил на својот син да вози иако бил малолетен, објави полицискиот комесар на градот Пуна, Амитеш Кумар. Законската возраст за возење во Индија е 18 години.

Уапсени се и три лица кои служеле алкохол на малолетници, додаде Кумар.

„Ние го усвоивме најстрогиот можен пристап и ќе направиме сѐ што е во наша моќ за да обезбедиме двата млади изгубени животи да добијат правда и обвинетиот да биде соодветно казнет“, рече тој.

Инцидентот е на насловните страници во индиските медиуми и предизвика гнев кај пошироката јавност, а многумина на социјалните мрежи ги осудуваат условите за кауција на момчето.

Суреш Кошта, чија 24-годишна ќерка загина во несреќата, ги повика властите да преземат построги мерки против наводниот возач.

„Беше погрешно да се дозволи малолетник да вози“, им рече тој на новинарите надвор од својот дом, задржувајќи ги солзите. „Прво треба да знаете да возите.“

Рахул Ганди, лидер на главната опозициска партија во Индија, Индискиот национален конгрес, праша дали возач на автобус или таксист ќе бидат подеднакво казнети.

„17-годишен син на богато семејство вози Порше под дејство на алкохол е фатен и барано е да напише есеј“, рече Ганди во видеото објавено на X. „Тогаш зошто есеи не им се доделени на возачи на камиони или возачи на автобуси?"

Мечка влезе во ресторан и учтиво седна на маса- келнерите не се појавија (ВИДЕО)

Видеото е снимено на 16 мај во планинско одморалиште во градот Гетлинберг (Тенеси), а видеото стана вирално на мрежите.

Имено, шумската ѕверка сакала да се „интегрира во општеството“, па учтиво влегла во ресторан, седнала на стол и се послужила со остатоците.

Кој знае, можеби мечката сакала да порача нешто од менито, но од келнерот нема ни трага ни глас.

Останува нејасно како животното било избркано, бидејќи снимањето е прекинато, а во позадина се слуша глас кој ги предупредува гостите „да се преместат на безбедно растојание“.

притисни ентер