Активностите се реализираат во соработка со Царинската управа.

Станува збор за контроли кои имаат суштинско значење за здравјето на луѓето и на животните, како и за безбедноста на храната која се движи низ граничните премини, се согласија на денешното отворање директорите на АХВ, Оливер Миланов и на Царинската управа, Бобан Николовски. Тие пред царинските службеници истакнаа дека координацијата е многу важна во зголемување на ефективноста на двете институции.

-Обуките кои ќе ги реализираме во наредниов период се основа за јакнење на капацитетите на теренските служби на двете институции и за градење на систем кој навреме ги препознава ризиците. Со оваа иницијатива го приближуваме нашето работење до европските стандарди и создаваме институционална координација која не се темели само на работа со документи, туку на реална, практична соработка на терен. Прекуграничниот сообраќај на луѓе, животни и производи е во постојан пораст и затоа од исклучителна важност е да имаме силна, стручна и координирана активност која навремено ќе ги препознае и ќе се справува со ризиците – истакна Миланов.

Првиот човек на Царинската управа, Бобан Николовски ја поздрави иницијативата за реализација на обуките, потенцирајќи дека директор на Царинската управа се залага за континуирано учење и професионален развој на царинските службеници, како темел за една модерна и ефективна царинска служба. Законите, процедурите и предизвиците постојано се менуваат, при што, додаде тој, обуките треба да бидат приспособени на реални сценарија, се со цел истите да бидат ефикасни.

Со обуките, заклучи Миланов, ќе ги зајакнеме вештините на царинските службеници и ќе ги подобриме процедурите за контрола на ризиците кои произлегуваат од движењето на луѓе, животни и стоки како основа за унапредување на системот кој е транспарентен, ефективен и брз во одговорите, соопштувбаат од АХВ.

Но, како што појасни станува збор за одлука која може веднаш да се изгласа, па оттука доколку пристигне на почетокот на идната недела точката ќе може веднаш да биде ставена на дневен ред, со што би се запазиле роковите.

„Се работи за одлука која може веднаш да се изгласа, значи ако дојде до 20ти – 19ти можеме таа одлука седницата да ја надополниме со таа точка....Се уште немаме најава и предлог. Штом ќе имаме прво ќе бидете известени а потоа ќе пристапиме и кон одлука во пленумот...“- изјави Африм Гаши – претседател на Собарние.

Имиња официјално и натаму не се откриваат но во јавноста за иден гуверен се споменуваат актуеланата Анита Ангеловска Бежоска, поранешниот министер за финансии Зоран Ставрески, неговиот претходник и актуелен претседател на Советот на град Скопје Трајко Славески, понарешанта вицегувернерка Маја Кадиевска Војновиќ, и универзитетскиот професор Борче Треновски. На што денеска преку соопштение реагираа од опозициската ДУИ. Велат во потесниот круг каде се четвроица кандидати, нема ниту еден Албанец, што според нив, не го одразувало мултиетничкиот карактер на државата.

„Без разлика што за изборот постои јасна уставна и законска процедура, која минува низ филтерот на Претседателката, а потоа и собранискиот филтер, политичките претставници на Албанците во рамките на парламентарното мнозинство требаше да обезбедат барем учество во потесниот избор на еден од врвните економски експерти – Албанци кои ги има оваа земја.“ , се вели во партиското соопштение.

7 годишниот мандат на актуелната истекува на 22 ти мај, според најавите за нов гувернер ќе се гласа во вторник идната недела. Вчера премиерот Мицкоски рече дека сите кандидати кои се разгледуваат се вонсериски искусни и дека е убеден дека кој и да седне на столчето во НБРМ ќе ја оддржи макроекономската стабилност.

Во случај да не се запазат роковите, од Народната банка велат, согласно законот, гувернерот и по истекот на мандатот до именување на нов ги има истите овластувања, па оттука нема простор за загриженост дека би се довела во прашање работењето на институцијата.

Наместо во судница, судската одлука ја слушнал во лифт.. Александар Цветковски, чија сопруга беше смртно прегазена пред две години, за Канал 5 вели дека се уште е шокиран од односот на судијката Цветанка Никодиновска која случајно ја сретнал во лифтот во основниот суд во Битола, каде и му кажала, дека сторителот Димитар Петковски добил 9 години затвор за случајот. Вели дека е разочаран од односот на една таква институција и очекува поголема сериозност од Апелација.

-На прашањето во лифтот за каде сте, јас реков на 4ти, за кај вас, и таа ме погледна и рече, а да за кај мене, ме погледна и рече девет години, тоа е. Викам, како девет години? Девет години, толку е затвор осуде. Викам не ве разбирам. Викам, не ве разбирам. Тоа е тоа, нема што тоа е. И реков, ние идеме денеска, зедовме ден од работа за соопштување на одлуката. Нема соопштување, нема потреба никој да иде еве сега јас ви соопштувам. Јас бев во голем шок. Пред да излеземе од лифтот и кажав на судиката, дека подобар момент и подобро време за соопштување на таква одлука отколку во лифт не сте можеле да одберете.-Александар Цветковски – Сопруг.

Од Основниот суд во Битола пак велат дека на закажаното рочиште за објава на пресудата биле присутни од семејството на загината, на кои им било усно соопштена пресудата.

-На закажаното рочиште за објава, на ден 14.05.2025 година во 13 часот на објавувањето не беа присутни странките на постапката, беа присутни само од семејството на оштетената (покојната) и нив им беше усно јавно објавена пресудата,- Татјана Петровска – Претседател основен суд Битола.

Цветковски вели дека како семејство се незадоволни и од висината на казната поради отежнителните околоности и за тоа ќе се жалат до повисокиот суд. Како што кажа, Петковски, кој ја прегазил неговата сопруга, надвор од коловозна лента, избегал од местото и не и понудил помош. Вината како што кажа се обидел да ја преземе неговиот татко, за сепак по 24 часа, Петковски кој е сообраќаен полицаец да оди да се пријави, но било доцна за алко-тест по еден изминат ден.