Филипче: Ги укинавме квотите за лекови, го унапредуваме здравствениот систем, на прав пат сме

Како одговорна политичка партија докажавме дека грижата за пациентите е нашиот врвен приоритет, водејќи вистински политики во интерес на сите граѓани. Official facebook: https://www.facebook.com/Kanal5Televizija/ Web: http://kanal5.mk/ Copyright: OnAir Media Group

Во Србија пристигнаа милион кинески вакцини (ВИДЕО)

Претседателот на Србија, Александар Вучиќ, го пречека авионот „Ер Србија“, кој од Кина достави на Србија милион дози од вакцината „Синофарм“.

„Ова е неверојатна работа, не знам дали луѓето го разбираат тоа“, рече српскиот претседател Александар Вучиќ.

Вучиќ рече дека Србија е првата земја во Европа што примила толку големо количество кинески вакцини. Како што вели, тоа е значаен доказ за соработката и пријателството меѓу Србија и Кина.

Кинеската амбасадорка во Србија, Чен Бо, изјави дека за неа е голема чест да ги прими вакцините од кинеската компанија со претседателот на Србија.

"Кина е првата земја во светот што ветува дека нејзината вакцина ќе биде глобално јавно добро. Вакцината е одобрена на 30 декември минатата година и веќе пристигна во Србија. Се надевам дека пристигнувањето на кинеската вакцина ќе помогне да се сузбие епидемијата во Србија", рече таа.

Претседателот на Србија рече дека ова е одличен ден во борбата против коронавирусот.

„Бев толку дрзок, бидејќи кинеската вакцина е скапа , го молев претседателот на Кина да ни помогне “, рече Вучиќ.

Тој најави дека во понеделник ќе пристигнат уште околу 20 000 дози вакцини од Фајзер, проследено со 250 000 дози вакцина Спутник V.

"Србија е една од ретките земји што може да се пофали со толку голем број вакцини. За нас е важно да ги добиеме овие дози на вакцини затоа што треба да ја вакцинираме армијата, но и работниците кои работат во продавниците. Ќе ставиме и новинари на списокот, т.е. тоа беше барање на Здружението на новинарите на Србија. Од понеделник, тие исто така ќе можат да се вакцинираат “, нагласи Вучиќ.

Како што истакна, илјадници животи ќе бидат спасени и тоа е неговата најважна мисија.

ВМРО-ДПМНЕ:Власта со однапред договорени бројки фингира попис

Пописот кој власта на сила го турка среде пандемија нема за цел да биде статистичка операција, туку фингиран попис кој ќе биде резултат на политички пазарења на СДСМ и ДУИ, се наведува во реакцијата на ВМРО-ДПМНЕ на соопштението на СДСМ.

Во ниту една демократска земја не постои попишување без докази, само со диктирање на матични броеви и два врзани потписи, но тоа ќе го има во Македонија затоа што Зоран Заев има таков договор со ДУИ за бројка на одредени етнички заедници која однапред е договорена.

Токму затоа и власта ги одби сите амандмани кои имаа за цел да се спречи пописниот фалсификат на власта, а токму затоа и не сакаат попис со отисок од прст, затоа што само така може да се знае реалната статистика која на СДСМ и ДУИ не им влегува во пазарот.

Од ваквото силување на пописот, нема да имаат корист ниту државата ниту граѓаните туку само двете партии на власт. Затоа и се уште не ја објавуваат методологијата за пописот бидејќи се зафатени со креирање на лажни бројки и лажна слика за населението во Македонија.

Нормален попис треба да ги даде реалните бројки според кои ќе се крои секоја државна стратегија, но за жал Македонија ги има СДСМ и ДУИ кои не ги интересира државата, туку ги интересираат сопствените бизнис интереси.

ВМРО-ДПМНЕ бара повлекување на овој закон и носење нов со консензус кој ќе биде од корист на Република Македонија и граѓаните, а не на одредени политички партии, конкретно парламентарното мнозинство.

Доколку го изгласа на сила СДСМ, ние ќе собираме потписи од граѓаните за да го поништиме овој закон и да донесеме сите заедно нов закон.

Центар за комуникации на ВМРО-ДПМНЕ

Пендаровски :Во НАТО нема снаоѓање, досега реветингот не го поминаа две лица

Повеќе од половина од лицата кои се подложени на реветинг процесот, кој се спроведува согласно НАТО стандардите за сите оние кои имаат допир со НАТО класифицирани информации досега го поминале тестот. 

Процесот се уште трае, на проверки се подложени околу 150 лица од највисоките политички, разузнавачки и одбранбени ешалони. Досега само за двајца има негативни оценки, меѓу нив е и нашиот кандидат за воен претставник во НАТО.

Ова во интерју за МИА го изјави претседателот на државата Стево Пендаровски, кој формално бил првиот кој бил ставен на проверка и пред неколку месеци добил НАТО сертификат за допир со класифицирани информации.

Сите функционери, но и сите вработени чии работни обврски подразбираат работа со НАТО класифицирани информации треба да поседуваат НАТО безбедносен сертификат. Како земја партнер Македонија и порано разменуваше класифицирани информации со НАТО и одреден број функционери и вработени и порано имаа пристап до НАТО сетификати, но само до определен степен на тајност. До пред официјалниот влез сите функционери кои имаа контакт со класифицирани информации беше потребен т.н. национален сертификат за пристап до нив, но, од март лани е неопходен НАТО сертификат за пристап до класифицирани информации.

Четири се степените на тајност на информациите, а највисокиот топ сикрет се очекува да го има само државниот врз – претседателот, премиерот, министерката за одбрана, началникот на Генералштабот.

– До овој момент можам да ви кажам грубо некои бројки, неколку збора околу статистиката затоа што слушам различни шпекулации и најголемиот број од нив не се точни. Делумно затоа што тоа е многу сензитивен процес и вистинските бројки, прецизни, а не па имиња и презимиња веројатно никогаш нема да излезат во јавност бидејќи не треба да излезат во јавност. Меѓутоа, станува збор за проверките што досега се прават за околу 150 лица од највисоките политички, разузнавачки и одбранбени ешалони и досега проверката е завршена за повеќе од половина од таа бројка – позитивно. Значи, повеќе од половина, вели Пендаровски.

Досега се одбиени две барања, очекува дека ќе бидат одбиени и други, но, како што нагласи смета дека таа бројка нема да надмине 15 лица.

– До овој момент имаме само две, вие барате да добиете сертификат, а тоа формално правно е барањето ви е одбиено. Значи, имаме само две негативни барања, две лица се одбиени. Едниот е веќе познат во јавноста, а нашиот кандидат што требаше да биде главен воен претставник во Алијансата во седиштето во НАТО и второто лице сè уште не е познато во јавноста, меѓутоа не би сакал да шпекулирам, не е од сферата на политиката за кој интересот во јавноста е најголем. Меѓутоа, имаме досега многу мал број одбиени луѓе. Само двајца формално до овој момент. Можеби ќе има уште неколку, меѓутоа јас не очекувам дека тие ќе бидат повеќе од дузина, 10-15 максимум, нагласува претседателот во интервјуто за МИА.

Оваа проверка се врши од 27 март, откако Северна Македонија и официјално стана земја-членка и се спроведува по две основи.

– Проверуваат по две основи. Едната е дали имате контакти со тие ги нарекуваат малигни државни, ентитети и поединци, преведено во наш јазик дали имате некакви сознанија за тоа и тоа лице дека евентуално е блиску до некои шпионски канали или комуникации, а втората е висока корупција. И кога ги прашував луѓето од НАТО зошто висока корупција, тоа би требало да биде надвор од оваа организација, која се бави со безбедност и со разузнавање, исто така вели ако е некој склон, тоа не се докази повторувам, дека некој е корумпиран или не е доказ дека некој е шпион на друга држава, меѓутоа ако некој е склон, вели, тој збор го употребуваат, ако некој инклинира кон висока корупција може да биде лесна цел и за шпионажа. Значи, тоа се тие две главни основи, по кои тие ги проверуваат. Нè проверуваат сите нас, нагласува шефот на државата.

Претседателот вели дека оваа проверка не познава партија, во неа не важи – ако некој е од спротивниот политички табор е криминалец, ако е од твоите се снашол. Додава во НАТО нема снаоѓање.

Реветингот го водат домашните органи, кај нас формално тоа го спроведува Дирекција за безбедност на класифицирани информации, а вклучени се сите други агенции, разузнавачки, контраразузнавачки, кои даваат свое мислење.

-Меѓутоа импутот од НАТО, однадвор, значи формално правно ние го водиме целиот процес, секаде било така, меѓутоа импутот од НАТО, бидејќи е огромна организација, во која членуваат најсилните разузнавачки системи, најсилните армии, најмоќните држави, импутот е сериозен, додава тој.

Во процесот се вклучени тројца или четворица неформални советници на НАТО, кои го мониторираат реветингот, слично на набљудувачите на ОБСЕ, кои ги следат судските процеси.

-На крајот наш судија во наша постапка домашна ја носи пресудата, меѓутоа ОБСЕ дава извештај и вели беше во согласност со законите, беше во согласност нели со меѓународни стандарди или не беше. Таква е слична улогата консултативна на луѓето од НАТО, кои велат ова е навистина направено по сите нишани или според сите ваши интерни прописи или не е направено. Затоа е поголема одговорноста и свеста додека го правите тој процес, посочува шефот на државата.

притисни ентер