Договорите ги одразуваат различните стратегии на овие водечки глобални производители на лекови кога станува збор за одговорност за можните последици од вакцините насочени кон ставање крај на пандемијата.
Британската компанија AstraZeneca доби поддршка од Европската унија на таен договор, бидејќи барале пониска цена за нивната потенцијална вакцина, изјавило официјалното лице.
„Ако некоја компанија побара повисока цена, ние не даваме еднакви услови“, изјавило службеното лице кое учествувало во преговорите, но не сакало да биде именувано бидејќи договорите се тајни.
Неочекувани несакани ефекти откако лекот ќе добие регулаторно одобрување се ретки, но поради брзината со која се развива вакцината против Ковид-19, ризиците се поголеми.
Договорот со AstraZenecа, со кој што се префрла дел од ризикот на вакцините кај даночните обврзници, е договорен со Европската комисија во август, но одредбите за одговорност досега не се познати.
Според договорот, AstraZeneca ќе плаќа судски трошоци само до одредена граница, рече официјалното лице. Тој не сакал да каже како остатокот од трошоците ќе се подели со одделни земји-членки или колку ќе биде ограничувањето.
Финансискиот „штит“ ќе ги покрие судските трошоци и можната отштета, потенцијално многу поголема сума во случај нешто да тргне наопаку.
Француската компанија „Санофа“, која соработува со „ГлаксоСмитКлајн“ во развојот на вакцината, не се согласи за ваквите услови затоа што барале повисока цена.
Портпаролите на АстраЗенека, Санофи и Европската комисија одбиле да ги коментираат деталите за договорот.
Запрашан за релативно ниската цена на вакцината, портпаролот на АстраЗенека го повтори ветувањето на компанијата дека нивната вакцина ќе биде широко достапна и дека не планира да оствари профит од неа во време на пандемијата.
Според договорот со компанијата, земјите-членки на ЕУ се согласиле да плаќаат 2,5 евра по доза, додека Санофа се договорила за цена од околу 10 евра, рече официјалното лице.
Ова се единствените договори за вакцините против Ковид-19 што Брисел досега ги потпишал.
Според договорот, ЕУ и платил неповратен депозит од 336 милиони евра на АстраЗенека за 400 милиони дози, и 324 милиони евра на Санофа за 300 милиони дози.
Европски официјален претставник за Ројтерс изјави дека договорот со АстраЗенека вклучува тесна дефиниција на несакани ефекти, што може да ја ограничи можноста за отштета, иако компанијата останува одговорна за својата вакцина.
Договорот е договорен пред компанијата да ги паузира клиничките испитувања во доцната фаза на нејзината потенцијална вакцина овој месец, откако британски волонтер разви некои невролошки симптоми. Тестовите во меѓувреме продолжија во Британија, но не и во САД.
Европските влади би ги споделиле трошоците за компензација само доколку се појават неочекувани несакани ефекти по одобрувањето на вакцината.
Одговорноста за вакцината е клучното прашање во преговорите со производителите на вакцини против Ковид-19 затоа што компаниите се плашат да ризикуваат повеќе судски трошоци отколку кога развојот на вакцините трае многу подолго.
Производителите на лекови ги повикаа европските регулатори да воспостават европска шема за компензација, додека организациите за пациенти бараат европски фонд за финансирање на фармацевтски компании и исплата на компензација за неочекувани несакани ефекти.
САД ги ослободиле производителите од одговорност за вакцините против Ковид-19 кои добиваат регулаторно одобрување.
Русија најави дека ќе преземе дел од одговорноста за вакцината изработена од московскиот институт Гамалеја доколку се појават проблеми.
Европските закони се многу строги и обвинителите мора да ја докажат врската помеѓу болеста и вакцината што наводно ја предизвикала.