Еврото се намали во однос на доларот, биткоинот на најниско ниво во изминатите шест месеци

На крипто-пазарот, биткоинот се тргува блиску до шестмесечен минимум, што е дополнителен знак на паника меѓу инвеститорите.

Доларот денеска благо зајакна во однос на водечките валути, бидејќи еврото се намали при трговијата во Азија, откако берзите се во паника поради тензиите во Украина и можниот поагресивен раст на референтната стапка на Федералните резерви (ФЕД) оваа недела.

На крипто-пазарот, биткоинот се тргува блиску до шестмесечен минимум, што е дополнителен знак на паника меѓу инвеститорите.

Индексот на доларот, кој ја мери вредноста на американската валута во однос на кошницата од шест главни ривали, се зголеми за 0,11 отсто, а еврото има пад за 0,19 отсто достигнувајќи 1,1319 долари.

Доларот зајакна во однос на јапонскиот јен за 0,1 отсто и изнесува 113,8 јени.

На пазарите на криптовалути, биткоинот изгуби 3,4 проценти од својата вредност и се тргуваше за околу 35.000 долари, откако во саботата го достигна најниското ниво од јули 2014 година од 34.000 долари. Цената на најголемата криптовалута во светот двојно се намали од највисоката вредност од 69.000 долари, достигната во ноември минатата година.

Распродажбата им наштети на повеќето дигитални валути, при што Ether, втората по големина виртуелна валута во светот, забележа пад до 2.440 долари во саботата, што е најниско ниво од јули минатата година.

Претставничкиот дом на САД одобри нацрт-закон за справување со домашен тероризам

Претставничкиот дом на САД одобри нацрт-закон за зајакнување на националните капацитети за справување со домашен тероризам

Претставничкиот дом на САД го одобри нацрт-законот за зголемување на федералните ресурси за борба против домашниот тероризам.

Мерката доаѓа како одговор на расистичкиот напад во Бафало каде што во саботата 18-годишен белец застрела десет афроамериканци.

Нацрт-законот е одобрен со мнозинство гласови – 222 претставници во Долниот дом на Конгресот го поддржаа текстот, а 203 беа „против". Единствениот републиканец кој гласаше за иницијавата на демократите беше Адам Кисинџер, член на конгресната комисија што го истражува нападот на Капитол на 6 јануари.

Иницијативата за зајакнување на државните ресурси за справување со домашен тероризам не е нова. Во 2020 година Претставничкиот дом одобри сличен нацрт-закон, но тој беше отфрлен во тогашниот Сенат во кој доминираа републиканците. Оттогаш американските законодавци не успеаја да извршат притисок за воведување мерки за ограничување на огненото оружје, затоа демократите се фокусираат врз федералната борба против домашниот тероризам.

Според сегашниот закон, три федерални агенции ќе работат на истрага, спречување и кривичен прогон на дела оценети како внатрешен тероризам. Новиот предлог-закон предвидува секоја владина агенција да отвори свој оддел за борба против домашниот тероризам.

Канцеларијата за буџет на Конгресот проценува дека ако новиот закон биде усвоен, тој ќе ја чини државната каса околу 105 милиони долари во текот на пет години, а најголемиот дел од парите ќе бидат наменети за ангажирање персонал.

Захарова:Над 900 украински борци од Азовстал се одведени во казнена колонија под руска контрола

 Повеќе од 900 украински борци од челичарницата Азовстал во Мариупол се одведени во казнена колонија на територијата контролирана од Русија, изјави портпаролката на руското Министерство за надворешни работи Марија Захарова.

Таа додаде дека на 17 мај се предале 959 припадници на украинската армија, од кои 51 се на лекување, додека другите се испратени во поранешната казнена колонија во градот Оленивка, во областа Доњецк, што е под контрола на Русија.

Министерството за одбрана на Украина соопшти дека се надева на „размена за да можат украинските херои да се вратат во својата татковина што е можно поскоро".

ВМРО-ДПМНЕ: Пациенти болни од рак оставени без терапија

Пациенти болни од рак оставени без терапија, владата и министерот загрозуваат десетици животи.

90 пациенти на кои им е потребна биолошка терапија за колоректален, оваријален и цервикален карцином цел месец не можат да ја примат потребната терапија.

Пациентите немаат примено терапија затоа што МЗ не распишало тендер за набавка на лековите.

Под ризик се и пациентите со рак на бели дробови, бубрег и дојка, за кои во наредните неколку месеци ќе се исцрпи потребната терапија.

Министерството за здравство да не си игра со животите на луѓето и веднаш да распише оглас за набавка на сите потребни терапии.

Дали власта сфаќа дека нивната неспособност убива луѓе?

Неспособноста и во здравството е една од причините зошто мора да има избори. Народот не смее да пати и страда заради криминогеноста и неспособноста на СДСМ и нивните коалициони партнери.

Со почит,

Центар за комуникации на ВМРО-ДПМНЕ

притисни ентер