Европските лидери на мака како да го решат ветото на Кипар и да воведат санкции кон Белорусија

Лидерите на земјите-членки на ЕУ на самитот во Брисел се обидуваат да го решат прашањето со блокадата на Кипар за воведување санкции против белорускиот режим.

Претседателот на Европскиот совет Шарл Мишел ја смени агендата непосредно пред почетокот на самитот, што започна денеска, со ставање на состојбата во источен Медитеран како прва точка. Според првичниот план, прво требаше да се разговара за односите со Кина, додека на работната вечера беше закажана дискусијата за односите со Турција.

Кипар го блокира воведувањето санкции против одговорните за изборни измами, репресии и насилство врз демонстрантите во Белорусија. Никозија ги условува санкциите против белорускиот режим со воведување санкции кон Турција, која ја обвинува за вршење истражувања на гас во кипарската економска зона на Медитеранот.

Ситуацијата е крајно напната затоа што Кипар ја има поддршката од Грција, која, како и Турција, е членка на НАТО.

Генералниот секретар на НАТО, Јенс Столтенберг, објави дека Грција и Турција постигнале договор за воспоставување механизам за избегнување случајни конфликти на истокот на Медитеранот.

Ова може да им помогне на дипломатските напори предводени од Германците за разбивање на тензиите и да се избегне можен конфликт околу енергетските ресурси.

Германската канцеларка Ангела Меркел и францускиот претседател Емануел Макрон по пристигнувањето на самитот изјавија дека мора да се најде дипломатско решение за спорот меѓу Турција и Грција и Кипар.

Турција е исклучително важен партнер на Европската унија за ублажување на притисокот од мигрантите.

Прашањето за воведување санкции против белорускиот режим уште еднаш го привлече вниманието кон правилото на едногласност во Европската унија. Неколку земји-членки бараат укинување на правилото за консензус кога станува збор за воведување санкции за кршење на демократските принципи и вредности во трети земји.

Критичарите предупредуваат дека ЕУ затоа го губи кредибилитетот кога, поради интересите на една земја-членка, не е во можност да одлучува за санкции против трета земја, иако двете ситуации во никој случај не се поврзани.

Европските лидери вечерва ќе разговараат за конфликтот во Нагорно Карабах. Единствениот пазар, дигитализацијата и индустриската политика се утре на дневен ред.

Најдено новороденче на аеродром,сите патнички завршиле во притвор (ВИДЕО)

Катарските власти ги информирале властите во Австралија дека извадиле тринаесет патнички од авион на аеродромот во Доха, каде што им бил извршен детален преглед за да се утврди дали се поврзани со оставањето на новороденче на аеродромот.

Австралија денеска ги осуди катарските власти за соблекување и пребарување на 13 патнички на летот кон Сиднеј кои биле подложени на детален преглед за да се утврди дали се поврзани со раѓањето на тоа бебе.

Патничките на „Катар ервејс“ на летот 908 до Сиднеј биле подложени на детален медицински преглед на аеродромот „Хамад“ во Доха и затоа летот бил одложен.

Еден од патниците рекол дека во авионот слушнале порака во која жените биле повикани да го напуштат авионот.

Австралиското Министерство за надворешни работи ги опиша постапките на катарските власти како несоодветни.

"Инцидентот е многу вознемирувачки и насилен. Никогаш не сум чул за сличен случај во мојот живот. Ние недвосмислено им го пренесовме нашиот став на катарските власти", изјави австралискиот министер за надворешни работи Мариз Пејн, потврдувајќи дека очекува детален извештај од катарските власти оваа недела, за да донесе одлука за следните чекори, објави АП.

По враќањето во Австралија, патничките од Катар заминале во карантин, каде ја добиле целата неопходна медицинска нега и психијатриска помош.

Новороденчето, патем, сè уште не е идентификувано, но е предадено на надлежните медицински и социјални служби, објавиле властите на аеродромот во Доха.

Манекенката Деми Роуз избега од Британија и се сонча на Малдивите (ФОТО)

Кралицата на минијатурните костими за капење, британска манекенка и сензација на Инстаграм, 25-годишната Деми Роуз ужива во топлите зраци на сонцето на Малдивите , откако избега од вечно дождливиот Лондон.

„Полека се навикнувам на островскиот живот“, напиша Деми позирајќи во минијатурно бикини со животински принт, заземајќи стратешка поза (нога пред нога додека стои на прстите) за да изгледа повисоко, а нозете подолги.

Heaven on Earth✨ @lolo_creativ

A post shared by Demi 🌹 (@demirose) on

Сите 15 милиони нејзини следбеници на Инстаграм последниве денови уживаат во објавите на бујната инфлуенсерка Деми Роуз, која се прослави единствено со нејзиниот секси изглед, а влезе во светот на шоу-бизнисот со фактот дека е поранешна девојка на раперот Тајџ, поранешно момче на познатата Кајли Џенер.

- Рајот е состојба на умот! Ве има 15 милиони. Јас сум воодушевена. Никогаш не можев да помислам кога започнав со Инстаграм и кога почнав да позирам на 18 години дека ќе имам таква неверојатна база на обожаватели како што имам сега. Ве ценам и сакам сите. Благодарна сум за вашата поддршка - напиша пресреќната Деми, почестувајќи ги придружниците со фотографии во црно боди од чипка, додека зад неа се гледа бескрајниот океан.

- Вие сте нашиот ангел - е само еден од коментарите на воодушевените обожаватели.

Деми не се обидува да ги сокрие своите бујни облини. Покрај тоа, таа гордо ги покажува во исклучително минијатурните костуми за капење, а понекогаш и без нив.

- Верувам дека сме најубави кога ќе го отфрлиме нашето старо „јас“ и ќе се свртиме кон новото светло - напиша Деми на романтичната фотографија од плажа.

Поголемиот дел од деновите ги поминува на плажа, пловејќи на јахти или релаксирајќи се на отворените базени во одморалиштето Амила на Малдивите, кои се опкружени со природни ресурси и ја кријат од љубопитните погледи.

Таа е секогаш во костим за капење, изложена на сонце, на што му го должи својот тен дури и во средината на есента.

Во сториите на Инстаграм, Деми призна дека овој островски живот ја оставил „без трепки“, алудирајќи дека престанала да става вештачки трепки и дека ужива во годишниот одмор и природата.

Министерот Спасовски е позитивен на коронавирус,има благи симптоми

И покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19, напиша на ФБ министерот Оливер Спасовски.

Почитувани, би сакал да ве информирам дека и покрај строгото почитување на мерките коишто ги превземам за моја лична и заштита на луѓето околу мене од почетокот на пандемијата, вечерва добив позитивен резултат за Ковид 19.

Клиничката слика ми е добра, со благи симптоми и веќе сум во домашна самоизолација.

Чувајте сепорача министерот за внатрешни работи во објавата на Фејсбук.

притисни ентер