ЕУ одобри два вида инсекти за човечка исхрана

Вчера Европската Унија одобри продажба на ларви од инсектот mealybug и домашната буба за исхрана на луѓето.

Уште осум барања чекаат одобрување. Ларвите ќе бидат достапни за продажба замрзнати, сушени, во форма на прав или паста, а ларвите како делумно обезмастен прав. На многу Европејци не им е привлечна помислата да јадат инсекти, но тие се сметаат за деликатес во многу ресторани ширум светот и се дел од исхраната во многу земји, од Мексико до Тајланд.

Најголем дел од загадувањето што ја загрева нашата планета доаѓа од одгледувањето храна, односно од месната и млечната индустрија. Кравите и овците го испуштаат стакленичкиот гас метан, а фармерите уништуваат шуми за да направат пасишта и да одгледуваат соја, од кои три четвртини се храна за добитокот.

Ако салатите со пржени ракчиња и пржени црви ги заменат стековите и хамбургерите, тие би можеле да бидат позитивен чекор во запирање на исчезнувањето на видовите и борбата против климатските промени. Во Германија, на пример, околу половина од населението планира да јаде помалку месо, додека во САД луѓето јадат повеќе месо, но го заменуваат говедското со помалку „загадувачко“ како пилешко, пишува DW.

Протеините од инсекти би можеле да послужат како евтина алтернатива - особено во преработената храна. Имено, помеѓу 35% и 60% од сувата тежина на инсектите се состои од протеини. Инсектите поефикасно ги претвораат калориите од внесот на храна во телесни калории отколку добитокот. Тие исто така брзо се размножуваат и брзо добиваат тежина.

„Никој нема да биде принуден да јаде инсекти“, објави Европската комисија на Твитер минатата недела.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер