ЕУ има нов план за замена на рускиот гас

Европската комисија сака да се откаже од правилата на ЕУ за конкуренција за да им дозволи на владите да ги ограничат потрошувачките цени во случај на намалување на испораките на руски гас, пишува германскиот весник „Велт ам Зонтаг“.

Весникот се повикува на документ на Комисијата за „краткорочни интервенции на пазарот на енергија“.

Според документот, на земјите-членки на ЕУ треба да им се дозволи да ги регулираат потрошувачките цени за време на периодот на транзиција за да ги заштитат од скокови и пред акутниот недостиг, пишува Велт.

Тие цитираат од документот дека „за финансирање на оваа интервенција потребни се значителни суми“.

Европската комисија овој месец треба да претстави детален план за прекин на употребата на руските фосилни горива до 2027 година, како одговор на руската инвазија на Украина.

Вечерва во Само Интервју ќе гостува Стевчо Јакимовски.

Дами и господа вечерва во Само Интервју ќе гостува лидерот на Гром и градоначалник на општина Карпош Стевчо Јакимовски.

Во каква кондиција е коалицијата ГРОМ – ВМРО-ДПМНЕ и дали ќе излезе на анти-владиниот протест на 18 јуни?

предвремени или редовни - какви избори се подобро решение за кризни времиња?

Зошто Јакимовски би им ставил вето на Шведска и Финска за влез во НАТО? Ќе биде ли јуни се или ништо за евроинтеграциите?

Зошто во Карпош свети секоја втора бандера, на кого му треба зонско и што ќе прават отпишаните деца од градинките?

Вечерва во Само Интервју Гоце Михајлоски ќе прашува, Стевчо Јакимовски ќе одговара, а вие гледајте Канал 5 Телевизија.

АВМУ: Новинарите не смеат да бидат неосновано повикувани на службен полициски разговор

Повикување на информтаивен разговор за неемитувана вест, негативно ќе се одрази на слободата на медиумите.

Во врска со повикувањето на информативен разговор на уредничката на ТВ Телма од страна на МВР за вест што не е емитувана на програмата на телевизијата, Агенцијата за аудио и аудиовизуелни медиумски услуги (АВМУ) посочува дека ваквите дејствија можат негативно да се одразат на слободата на медиумите.

– Новинарите и останатите медиумски работници не смеат да бидат неосновано повикувани на службени полициски разговори, имајќи превид дека имаат заплашувачки ефект и во иднина можат да водат кон самоцензура. Ваквите постапки на истражните органи кон медиумските работници претставуваат притисок врз медиумите и нивно слободно работење, се наведува во соопштението од АВМУ.

ТВ Телма соопшти вчера дека уредничка од телевизијата била повикана на информативен разговор за необјавена вест.

ЈСП Скопје: Возрасните лица имаат право на бесплатен превоз на Жичарницата

Оодредени категории лица имаат право на бесплатно користење на Жичарницата, информираат од Јавното сообраќајно претпријатије Скопје. 

-Право на превоз без надомест, секој работен ден на Жичарницата, имаат возрасните лица (жени над 62 год, мажи над 64 год) со приложување на лична карта или пасош, деца без родители и родителска грижа до 18 год, како и деца до 6 години.

Освен посочените категории лица, право на бесплатен превоз по еден ден во неделата е дозволен за средношколците, учениците во задолжително средно образование и тоа во среда, а неопходно е да се легитимираат со ученичка книшка.

И студентите имаат право на бесплатен превоз, во четврток, со приложување на индекс или студентска легитимација.

На децата без родители над 18 год, им следува 50 отсто попуст на редовната цена на билетот.

Жичарницата работи секој ден освен понеделник и секој последен вторник во месецот, од 10 до 20 часот.

Во период од 19-19.30 часот е последно возење од долу кон врвот, односно во 19.45 часот е последно возење од врвот надолу.

притисни ентер