Свет

Ерупција на вулкан на островот Јава, нема жртви(ВИДЕО)

Повеќе од 550 жители ги напуштиле селата поради вулканска ерупција во источниот дел на островот Јава, објави денеска агенцијата за управување со итни случаи.

Предупредувањето е издадено само на ниво повисоко од нормалното иако вулканот еруптира, изјавил портпаролот на агенцијата Радитаја Џати.Нема извештаи за жртви, но на евакуираното население итно им се потребни маски и храна, соопшти агенцијата.

„Јавната кујна се подготвува, а здравствените власти делат маски, со помош на армијата и полицијата“, се наведува.

Семеру е вториот индонезиски вулкан што се разбуди во последните неколку дена.Во неделата, властите издадоа портокалово предупредување за вулканот Леватоло на островот Лембата по серијата ерупции.

Како резултат, 2.782 жители кои живееле во близина на вулканот морале да бидат евакуирани, а аеродромот Вонопито бил затворен по ерупциите.

Индонезија лежи на Пацифичкиот огнен прстен, област позната по сеизмичка активност и има 128 активни вулкани.

Регион

Пратеник од БиХ слушал турбо фолк за време на онлајн седница: Намали ја армониката (ВИДЕО)

Поради пандемијата, седниците на Претставничкиот дом на Парламентот на Босна и Херцеговина се одржуваат преку Интернет. За време на денешната сесија се случила невообичаена ситуација.

Имено, за време на гласањето за Предлог законот за „Швајцарец“, пратеникот Ифран Дуриќ гласно слушал музиката во позадина, односно песна од Халид Бешлиќ „Кога срцето бие од мерак”.

„Го молам Дуриќ да ја исклучи хармониката“, му рекол претседателот Мирсад Заимовиќ, што ги насмеало другите пратеници.

Инаку, ова не е прв пат политичарите во БиХ да не се однесуваат соодветно за време на онлајн сесиите. Така минатата година, пратеникот на СДА, Суад Какњо, заспа за време на седница.

Шоу биз

Салма Хајек во бикини на 55 години доби половина милион лајкови за еден час (ФОТО)

Актерката Салма Хајек објави на Инстаграм две фотографии на кои позира во бикини, и покажа толку совршено тело што е тешко да се поверува дека е длабоко во педесеттите години.

На првата фотографија актерката позира во плитко миејќи си го лицето, а на втората медитира на песок.

„Треба да го зачуваме мирот“, напишала таа во описот.

Фотографиите добија скоро половина милион лајкови за помалку од еден час, а фановите ја опсипаа со комплименти.

„Божица“, „Убава како и секогаш“, „Ти си толку секси“, „Убавица“, беа некои од коментарите.

Инаку, Салма ќе наполни 55 години во септември оваа година.

Живот

Бербер бесплатно средил бездомник, никој не го препознава (ВИДЕО)

Барбер од Франција бесплатно ишишал и избричил бездомник, а неговиот нов изглед воодушеви многу корисници на социјалните мрежи.

Видеото објавено на TikTok од францускиот славен фризер Давид Кодат покажува маж пред и по неговото средување.

Снимката доби илјадници лајкови, а многумина коментираа дека човекот изгледа непрепознатливо.„Косата и брадата менуваат сè“, е еден од коментарите.„Ова толку многу го подмлади“, напишал друг.

Давид Кодат е познат француски фризер ,кој е сопственик на салон во Стразбур.

притисни ентер