Ердоган: Невозможно е да ги поддржиме Финска и Шведска во НАТО, таму имаше терористи

Турскиот претседател Тајип Ердоган рече дека не е можно Турција, членката на НАТО да ги поддржи плановите на Шведска и Финска за пристапување во Алијансата, додавајќи дека нордиските земји биле „дом на многу терористички организации“.

Планот на Финска да аплицира за членство во НАТО, објавен во четвртокот, и очекувањата дека Шведска ќе го стори истото, ќе доведе до проширување на западната воена алијанса, на што се противи рускиот претседател Владимир Путин.

„Ги следиме развојот на настаните за Шведска и Финска, но немаме позитивни ставови“, изјави Ердоган за новинарите во Истанбул, додавајќи дека е грешка што Грција била прифатена како членка на НАТО во минатото.

Турција официјално го поддржува проширувањето откако влезе во НАТО пред 70 години.

Секоја одлука за проширување мора да биде донесена со едногласна поддршка од сите земји-членки.

„Како Турција, ние не сакаме да повторуваме слични грешки. Покрај тоа, скандинавските земји се дом на терористички организации“, рече Ердоган.

„Во некои земји има дури и затапници. Не е можно тоа да го поддржиме“, додаде тој.

Шведското Министерство за надворешни работи не ја коментираше веднаш изјавата на Ердоган.

НАТО вели дека членството е отворено за секоја „европска земја во позиција да ги промовира принципите на Договорот и да придонесе за безбедноста на северноатлантската област“, пренесе Индекс.хр.

Кина: Регистрирани инфекции на Ковид-19 од непознато потекло на границата со С. Кореја

Регистрирани инфекции на Ковид-19 од непознато потекло во близина на границата со Северна Кореја.

Кинеското Министерство за здравство денеска соопшти дека во северноисточната провинција Џилин што се граничи со Северна Кореја се регистрирани локални трансмисии на Ковид-19 од непознато потекло.

Жариштето почнало да се шири од пограничните области кон внатрешноста на покраината, изјави претставникот на државната Национална здравствена комисија, Леи Женглонг.

Покраината, исто така, во мал дел се граничи и со Русија, но Леи не прецизира на кој дел од границата се појавило жариштето и колку случаи се регистрирани.

Овој месец Северна Кореја ги објави првите случаи на коронавирус од почетокот на пандемијата, прогласувајќи вонредна состојба и воведувајќи затворање.

Агенциите пренесуваат дека бројот на дневни пациенти во Џилин претходните пет дена е едноцифрен, а најголем број случаи се пријавени на места во близина на Северна Кореја.

Провинциските власти не потврдија дека во изминатиот период има зголемен број пациенти кај меѓународните патници.

Провинцијата Џилин пред неколку седмици го укина „локдаунот" откако беше сузбиено и последното жариште на коронавирусот.

Од минатиот месец во прекин е товарниот сообраќај меѓу Кина и Северна Кореја поради Ковид-19.

Ковачевски за Отворен Балкан: Бариерите паѓаат, а ние се поврзуваме побрзо

Со Отворен Балкан ги отстрануваме работните дозволи и ги признаваме дипломите. Бариерите паѓаат, а ние се поврзуваме побрзо, истакна премиерот на Република Македонија, Димитар Ковачевски.

По денешниота видео-конференциски состанок со српскиот претседател, Александар Вучиќ и премиерот на Албанија, Еди Рама, Ковачевски на својот Фејсбук профил напиша дека разговарале за забрзување на имплементацијата на проектите во рамките на Отворен Балкан.

– На самитот во Охрид на 7 и 8 јуни фокусот ќе биде насочен на туризмот и културата, најави премиерот.

Вучиќ, пак, по средбата на својот Инстаграм профил напиша дека Отворен Балкан е најдобрата иницијатива за народите на Балканот.

– Подготвуваме големи работи за граѓаните на Србија, Албанија и Македонија, порача Вучиќ на Инстаграм профилот „будучностсрбијеав", заедно со фотографии од видео-конференцијата.

На средбата присуствувале и српскиот министер за финансии, Синиша Мали, министерката за трговија, Татјана Матиќ и претседателот на Стопанската комора на Србија (ПКС), Марко Чадеж.

На почетокот на јуни во Охрид се очекува средба во рамки на иницијативата „Отворен Балкан", на која ќе присуствува и премиерот на Црна Гора, Дритан Абазовиќ.

Реакција на СДСМ на изнесени ставови на Христијан Мицкоски

Мицкоски да не бега туку да одговори дали знае каде завршиле парите од „Криминалните парцели", дали во ВМРО-ДПМНЕ?

Христијан Мицкоски наместо да бега од одговори и да ја замајува јавноста глумејќи жртва, да каже јасно пред граѓаните дали украдените пари од сметката на ЕВН Електрани завршила за финасирање на неговата партија ВМРО-ДПМНЕ? Или пак во чии џебови завршиле 1,6 милиони евра од „Криминалните парцели"?

Како што веќе објавија медиумите дури шестмина од седумте осомничени за малверзации со ниви во Делчево се директно поврзани со ВМРО-ДПМНЕ и Христијан Мицкоски.

Како прв човек во ВМРО-ДПМНЕ Мицкоски треба да одговори дали по негови инструкции работеле осомничените, за ЕВН да плати 50 пати поскапо земјиште за соларни централи?

Прашуваме дали Мицкоски ја искористил познатата шема на неговиот претходник Никола Груевски и преку својот телохранител ги затскривал трагите за испумпување на пари од ЕВН?

Прашањата се јасни и едноставни, Мицкоски треба да одговори.

СДСМ

притисни ентер