Според научните сознанија и резултатите добиени од институтите низ ЕУ , утврдено е дека вакцината на АстраЗенека е ефикасна и безбедна и може да се користи во справување со пандемијата.
Иако се појавиле случаи на згрутчување на крвта во некои земји на ЕУ , тие се пониски отколку просечниот број на појава на тромбоемболија. Иако има нејасни појави , сепак овие појави се ретки и не е докажано дека се поврзани со примањето на вакцината на АстраЗенека.
Пријавени се 25 вакви случаи меѓу 20 милиони вакцинирани со АстраЗенека.
"Продолживме со истрагата за AstraZeneca. Ќе ве информираме за нашите откритија", рече Емер Кук, извршен директор на Европската агенција за лекови.
"Дојдовме до заклучок. Ова е безбедна и ефикасна вакцина. Сведоци сме на помалку случаи на згрутчување на крвта по вакцинирањето. Вакцината не е поврзана со зголемен ризик од тромбоемболиски инцидент, но сè уште не можеме тоа да го исклучиме. Комитетот препорача зголемена претпазливост за такви случаи “, беше речено.
"Препорачуваме можните несакани ефекти да бидат појасно истакнати и започнуваме дополнителни истраги за овие ретки случаи. Околу 7 милиони луѓе се вакцинирани во ЕУ, 11 милиони во Велика Британија, односно вбкупно околу 20 милиони ", беше речено на прес конференцијата.
„Оваа вакцина е безбедна и ефикасна, тоа е нашето научно гледиште“, заклучиле од ЕМА. „Свесни сме дека некои држави ја прекинаа вакцинацијата и мораше детално да ги проучиме сите докази. Нашите експерти проучија сè “.
"Кога вакцинирате милиони луѓе, некои сериозни несакани ефекти се неизбежни. Наша задача е да ги истражиме. Ние сме посветени на истражување на сите можни докази и документи веднаш. Денешниот заклучок ни овозможува да ја продолжиме кампањата за вакцинација и да ги држиме граѓаните на ЕУ секогаш информирани за сè “, беше речено.
Д-р Сабине Штраус од Комитетот за фармакологија и проценка на ризик на ЕМА рече дека истрагата на ЕМА е детална и сеопфатна.
„Придобивките од вакцините се многу поголеми од негативните несакани ефекти“, рече Штраус.
"Бројот на тромбоемболични настани е помал отколку што се очекуваше кај општата популација. Ковид е една од причините за тромбоемболиските настани. Постојат некои невообичаени случаи. Во некои, згрутчување на крвта се појавило неколку дена по вакцинацијата. Имаше и случаи на згрутчување на крвта Овие случаи ќе продолжиме да ги истражуваме, но ова се многу ретки случаи. Имаше само 25 такви случаи, кои се пријавени во клиничките испитувања “, додаде таа.
„Забележуваме дека е важно секој што се вакцинира да биде свесен дека може да се појават такви случаи. Затоа, бараме овие информации да бидат достапни за секој што ја прима вакцината, како и за здравствените работници“, вели таа.
-Дали земјите ќе ја тргнат блокадата?
„Владите на овие земји ни рекоа дека тие ќе ја донесат својата одлука по и врз основа на нашата одлука. Сметаме дека тие ќе го сторат тоа“.
-Што може да ги предизвика сериозните несакани ефекти ако не е вакцина?
"Имаме многу хипотези за да го откриеме одговорот на тоа прашање. Ковид може да биде причина за тромбоза на аортата, ако е постковиден синдром. Но, гледаме доволно докази дека треба да се вклучат дополнителни предупредувања при вакцинирањето. Нашата истрага сè уште трае."
"Треба да продолжиме со истрагата и да се водиме со науката. Ќе се консултираме со други експерти и епидемиолошки истражувања за да откриеме колкава е тромбозата кај пациентите", беше одговорот на бројните новинарски прашања на прес конференцијата на првите луѓе на ЕМА.