Македонија

Ел Масри по затворот доаѓа во Македонија - доби 60 000, ќе бара уште 50 000 евра!

Македонија веќе е обврзана да му исплати 60 000 евра со пресудата од Европскиот суд за човекови права. Масри ја тужи Македонија и во граѓанскиот суд во Скопје - бара 50 000 евра отштета.

Македонија ќе му ги исплати на Калед Ел Масри 60те илјади евра кои Европскиот суд за човекови права му ги досуди како отштета. Меѓуресорската комисијата составена од првите луѓе во македонското правосудство од денеска да започна со анализа кои мерки да ги преземе за да ја изврши изгубената пресуда во Стразбур. На следниот состанок во јуни се очекува да се дефинираат конкретни мерки и заклучоци- потврди владиниот агент во судот во Стразбур Костадин Богданов

- Стразбур не предлага ништо, остава на самите држави да ги преземат мерките затоа постои и оваа меѓу ресорска комисија, изјави Костадин Богданов, владин агент во Европскиот суд за човекови права.

- Треба да се преземат индивидуални и општи мерки за корегирање на состојбата за сите повреди. Под индивидуални мерки подразбираат да се доведе апликантот во состојбата во која бил претходно, да се репарира на некој начин. Под општи мерки подразбираат мерки за да не се повтори истата и слична ситуација.

Големиот судски совет во Стразбур во декември донесе пресуда со која утврди дека Македонија му ги прекршила човековите права на Ел Масри кога во 2003та го уапсила, задржала и предала на агенти на ЦИА. Според пресудата Македонија извршила тортура врз Масри, му ги попречила правото на слобода, на приватност и семеен живот и правото на постоење на ефикасни правни мерки.

Ова е прва пресуда за тајните активности на ЦИА во која е докажано дека една држава прекршувала човекови права при нелегалните активности на агенцијата

Масри ја тужи државата и во граѓанскиот суд во Скопје каде бара 50 илјади евра отштета. Тој во моментов е во германски затвор каде одлежува казна за физички напад на градоначалникот на Улм.

Според сознанијата на адвокатскиот тим до крајов на месецов би требало да ја одлежи казната по што ќе да дојде во Македонија да сведочи.

Свет

Хаос на аеродромот во Дубаи по поплавите- ќе проработи со полн капацитет за 24 часа (ВИДЕО)

Меѓународниот аеродром во Дубаи ќе се врати со полн капацитет во рок од 24 часа, откако во вторникот беше погоден од најсилните врнежи во последните 75 години во Обединетите Арапски Емирати, соопштија денеска аеродромските власти.

Главниот оперативен директор на аеродромот во Дубаи, Маџед Ал Џокер, истакнува дека, по повторното отворање на терминалите 1 и 3, сообраќајот на аеродромот е постабилен.

„Благодарение на тоа, повеќето авиокомпании престанаа да откажуваат летови и успеаја делумно да го вратат редовниот режим“, рече директорот.

Аеродромот во Дубаи претходно денеска објави дека терминалот 1 продолжил да прима летови, а авиокомпаниите Емирати и ФлајДубаи отворија пријавување за нивните летови на терминалот 3, но распоредот на летови не можел целосно да се врати.

Авиокомпаниите ги предупредија патниците дека треба да дојдат на аеродромот само доколку добијат потврда за резервацијата од авиокомпанијата.

Ал Џокер додаде дека работата на аеродромот сега е обновена на 70 отсто од неговиот капацитет и дека инфраструктурата на аеродромот не претрпела сериозни оштетувања.

„Откако операциите ќе се вратат во нормала, ќе ја процениме штетата и ќе можеме да ги утврдиме загубите“, рече тој.

Меѓународниот аеродром во Дубаи и денеска има оперативни проблеми поради последиците од невремето во вторникот, а патниот сообраќај се уште не е нормализиран, пренесе Ројтерс.

Аеродромот утринава соопшти дека приемот на дојдовните летови продолжил на терминалот што го користат странските авиокомпании, но дека летовите сепак доцнат.

Само една писта била отворена за сообраќај на автопатот низ Дубаи, а главниот пат што го поврзува тој град со Абу Даби е затворен во правец на Абу Даби.

Во Дубаи во вторникот паднаа повеќе од 120 милиметри дожд на метар квадратен во рок од 24 часа, што е рекордна количина на врнежи што вообичаено се забележува во една година.

Технологија

Скандал во Гугл: Отказ за 28 вработени, кои протестирале против потегот на гигантот (ВИДЕО)

Американската технолошка корпорација Гугл отпушти 28 вработени кои активно се спротивставија на големиот договор на компанијата за 1,2 милијарди долари со Владата на Израел.

Вработените во две канцеларии на Google, во Њујорк и Калифорнија, протестираа против „Nimbus Project“, според кој Google, во соработка со Amazon, ќе обезбеди облак услуги за складирање и обработка на податоци за израелската влада, пренесува технолошкиот портал Verge.

Тие рекоа дека договорот ќе им помага на израелските власти, а особено на израелската армија, во „спроведувањето на политиката на геноцид“, мислејќи на тековниот воен конфликт на Израел со палестинското движење Хамас.

Според информациите од интерен меморандум на Google, компанијата отпуштила вработени кои за време на протестот „уништувале канцелариска опрема, ја попречувале работата на другите вработени и им се заканувале на нивната безбедност“.

Поради оние кои одбиле да престанат да се однесуваат така, интервенирала полицијата и тие биле отстранети од канцеларијата, се додава во соопштението.

„Огромното мнозинство од нашите вработени ја прават вистинската работа. Ако сте еден од ретките кои мислат дека ќе го одобриме минатото однесување што ги прекршува нашите политики, размислете повторно“, предупреди шефот за глобална безбедност на Google, Крис Раков.

Македонија

Пендаровски во Чешиново-Облешево: Немаме нови години за губење

Ние немаме уште 20 години да чекаме, туку треба да ги направиме следните чекори, за повеќе да не биде изборно прашање „Дали сте за Европа?“.  

Да сте за Европа значи да сте за подобар живот, порача денеска пред граѓаните на општина Чешиново-Облешево кандидатот за претседател Стево Пендаровски.

„Добро е да се биде членка на ЕУ, кога си земја членка на ЕУ, добиваш огромни средства од европските фондови прво за земјоделство, а потоа и за инфраструктура. ЕУ дава сериозни пари за да се обезбеди рамномерен регионален развој за да не биде некој регион многу богат, а некој многу сиромашен и поради тоа важно ни е да станеме земја-членка на ЕУ“ порача Пендаровски.

Но, додаде тој, опозицијата го блокира патот кон ЕУ, се противи на договорите, со изговор дека ќе направи нови договори, кои наводно ќе биле подобри.

„Тие велат, ова не чини, тоа не чини, ние ќе направиме нови договори. Додека тие ги направат тие договори, под претпоставка дека ќе бидат подобри, што нема да биде случај и оние малку млади што се во државата ќе се иселат од тука“ истакна Пендаровски.

Пендаровски порача дека работите ќе се сменат на подобро само ако сите се посветат на она што е важно за граѓаните и државата и од присутните побара поддршка на изборите на 24 април, соопштуваат од неговиот тим.

притисни ентер