Експертите сметаат дека растот на минималецот нема да го загрози стопанството

Повисок минималец нема да го загорзи стопанството, сметаат експертите. 

Анализа подготвена од неколку универзитетски професори меѓу кои и поранешниот министер за финансии Драган Тевдовски покажува дека ниту најголемиот скок на минималната плата во 2017тата година немала никакво негативно влијание врз работата на фирмите, туку напротив се зголемила продуктивноста на работниците.

За синдикалците оваа анализа е аргумент плус - час поскоро да се донесат измените во законот за минимална плата и таа да изнесува 60% од просечната, а скалесто да пораснат и останатите плати. Доколку тоа не се случи најавија протести.

„Средбата на 31.01. докажува дека социјалниот фактор во случај Влада работи на тоа што го бараме. Сметките на 1ви февруари доаѓаат ние нема со што да ги платиме, ако плати останат како што се денеска. Минимална плата 15 200, а останатите не се усогласени согласно колективни договори. Она што го велат одредени министри дека платата ќе се зголеми во месец април или јуни тоа е невозможно.“ изјави Дарко Димовски, претседател на ССМ

На презентацијата присуствуваше и министерката за труд Јована Тренчевска која посочи дека е на страната на работниците. На прес конференција во Владата пак одговарајќи на прашања посочи дека заложба и на Владата е минималецот да скокне на 18 илјади денари, но не прецизираше рок кога тоа би се случило.

Синдикалците в понеделник се на средба со Владата, и тогаш ќе се крои „судбината“ на минималецот.

Израел соопшти дека во Ал Шифа се убиени повеќе од 200 борци на Хамас

Израелските одбранбени сили (ИДФ) соопштија дека повеќе од 200 вооружени лица биле убиени за време на операцијата против Хамас во болницата Ал-Шифа во градот Газа.

Во текот на изминатиот ден, напаѓачите на Хамас излегле од собата за итни случаи во Ал Шифа, каде што се криеле и отвориле оган врз израелските војници, тврди ИДФ, додавајќи дека неколку слични инциденти се случиле во последните денови.

За време на борбите што се во тек, армијата вели дека војниците евакуирале цивили, пациенти и медицински персонал во друг дел од болницата „кој ИДФ го подготви и го воспостави за да овозможи продолжување на соодветниот медицински третман“, пишува „Тајмс оф Израел“.

Истовремено, ИДФ тврди дека уште десетици оперативци на Хамас биле убиени за време на операциите во изминатиот ден во градот Ал-Карара во јужниот дел на Газа и во квартот Ал-Амал во Кан Јунис.

Војниците кои дејствуваа во јужниот дел на Газа, исто така, лоцирале и уништиле складишта со оружје, а во централниот дел на Појасот, ИДФ соопшти дека неколку непријателски оперативци биле убиени во текот на изминатиот ден од војниците на бригадата Нахал и во воздушни напади.

МВР: 173 санкции за брзо возење

Министерството за внатрешни работи во текот на вчерашниот ден спроведе акциска контрола на територијата на Република Македонија за санкционирање на возила кои се движат со брзина поголема од дозволената, при што санкционирани се 173 возачи.

Од нив пет возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 60 возила ја пречекориле брзината во населено место, а 113 надвор од населено место, соопшти МВР.

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

притисни ентер