Дваесет лица од истокот не го почитувале полицискиот час

Во општините од источниот регион полицискиот час кој од вчера почна од 16 часот не го почитувале вкупно 20 граѓани.

СВР-Штип преку соопштение информира дека десет лица се приведени од кои едно малолетно лице и едно над 67 години. Поднесени се осум кривични пријави по чл.206 од КЗ. Контролирани се вкупно 152 објекти. Во државен карантин спроведени се две лица.

На подрачјето на СВР Штип во текот на изминатото деноноќие на шест лица им се издадени решенија за изолација, а 15 потпишале изјави за самоизолација.

Во билтенот на СВР-Штип се нотира дека полицискиот час не го почитувал и 37-годишен жител на штипското село Стар Карорман, кој направил и сообраќајна несреќа со возило на полицијата.

-Синоќа во 20.42 часот на крстосницата од ул. „Стево Теодосиевски", „Димитар Влахов" и „Страшо Пинџур" во Кочани се случила сообраќајна незгода помеѓу патничко возило „мерцедес", со штипски регистарски ознаки, управувано од В.Н. (37) од с. Стар Караорман, штипско, и полициско возило „шкода јети", управувано од полициски службеник. Во незгодата со телесни повреди се здобил возачот на полициското возило. Увид на местото извршила екипа на Полициската станица Кочани, инспектор од Секторот за внатрешна контрола професинални стандарди од МВР и Јавен обвинител, се наведува во сооопштението на СВР-Штип. /МИА

Средба на Пецаков со претставниците на УНЕСКО, О.Охрид посветена на задржување на статусот

 Градоначалникот на Општина Охрид, Кирил Пецаков со неговиот тим оствари работна средба со претставниците на реактивната мониторинг-мисија на УНЕСКО што престојува во работна посета на земјава.

Пецаков пред членови на Центарот за светско наследство, на Меѓународниот совет за споменици и локалитети и Меѓународната унија за заштита на природата, како и на Националниот координативен тим од Македонија ја истакнал силната посветеност на Општина Охрид за зачувување на природното наследство во Охридскиот регион.

„Детално ги инфомирав за сите чекори кои како Локална самоуправа ги преземаме и со временските рамки за реализација на истите. Силно сме посветени и не отстапуваме во спроведувањето на веќе пропишаните правила за зачувување на статусот од УНЕСКО“, вели Пецаков.

Мисијата на УНЕСКО во Охрид ќе биде неколку дена, а како што посочи претходно министерката за култура Бисера Костадиновска Стојчевска, претставниците на Светската организација се тука за да ја утврдат фактичката состојба околу заштитата на Охридскиот регион на терен,со средби со претставници на сите засегнати институции и субјекти. Од мисијата на УНЕСКО ќе произлезат заклучоци според кои државата е треба да постапува во насока на заштита на Охридскиот регион и неговиот статус во УНЕСКО.

МВР: 34 санкции за прекршоци на возила кои вршат јавен превоз на патници

 Во текот на вчерашниот ден во периодот од 08.00 до 12.00 часот спроведена е акциска контрола на територијата на Република Македонија за санкционирање на прекршоци на возила со кои се врши јавен превоз на патници.

При контролата санкционирани се 34 прекршоци, од кои 23 поради неисправен уред за запирање, соопшти МВР.

Упатени на вонреден технички преглед биле 181 автобус и други возила кои вршат јавен превоз на патници. За време на контролата констатирани и законски санкционирани се и 159 други видови на сообраќајни прекршоци.

Од МВР апелираат до сите учесници во сообраќајот да ги почитуваат сообраќајните правила и прописи, навремено да се проверува техничката исправност на возилата и навремено да бидат отстранети евентуалните недостатоци.

Јокиќ со нов рекорд во НБА

Српскиот кошаркар Никола Јокиќ продолжи да ги поместува границите во НБА и постави нов рекорд. 

Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција.

притисни ентер