Дума: Да нема притисок врз вештаците, јавноста сака одговори, но мора да има трпение

Не е потребен никаков притисок врз вештаците во случајот со убиството на 14 годишната Вања Ѓорчевска и 74 годишниот Панче Жежовски.

Секоја предвремено објавена информација може да предизвика сериозно комплицирање на постапката. Јавноста сака одговори, но мора трпение, објаснува за Канал 5 професрот Алексеј Дума кој 41 година работеше во судската медицина и криминалистика. Институтот за судска медицина е единствено обврзан наодот од обдукцијата да го достави само до Јавното обвинителство, вели Дума.

„Предистражните дејствија се апсолутни дискретни. Тоа е фаза кога се поставува основите кои треба да се напишат со завршувањето на предистражната и почнување на истражните дејствија. Засега истражните дејствија и оперативните десјтвија на полицијата се максимално ефикасни“, вели Дума за Канал 5.

И по четири децении поминати со обдукции, а денеска во пензија за професорот Дума истрагите за убиства поврзани со убиено дете секогаш се најгорки. Темелната истрага треба да го покаже мотивот и профилот на овие осомничтените.

Правилно водена истрага може да предизвика раскопување и на други кривични дејствија поврзани со овие осомничени, потенцира професорот по судска медицина.

„Не се знае што понатака ќе произлезе од целата истрага. Дали ќе излезат други работи знаете едно кога ќе се раскопа излегува друго“, вели Дума.

Според Дума нема една иста форезинка со други поврзани случаи на убиства, нема еден ист шаблон. Секој добиен нов податок треба да заврши прво во обвинителството. Еден примерок останува во архивата на Судска Медицина и во Јавното обвинителство.

Млада Албанка го убила татко си, зашто сакал да ја омажи за човек кого не го сакала

Полицијата во Албанија уапсила девојка (19), која е осомничена дека го убила нејзиниот татко Д.М.

Грозоморното злосторство се случило на 13 февруари, а полицијата дури денеска ја приведе ќерката на убиениот, објави Топ Ченал.

"Го убив затоа што сакаше да ме сврши. Немав излез, па зедов пиштол и го застрелав. Сѐ направив сама", наводно рекла ќерката.

Деталите за ова бизарно злосторство ја шокираа Албанија и регионот. На веста за страшната смрт ѝ претходела потрага по Д.М. Имено, неговиот син Х.М.(25) на 13 февруари околу 22.30 часот се јавил во полиција и рекол дека неговиот татко излегол од станот и дека оттогаш не може да стапи во контакт со него. Четири дена подоцна, на 17 февруари, автомобилот на Д.М., бил пронајден доста далеку од местото на живеење. Набрзо било утврдено дека бил убиен.

Медиумите пишуваат дека телото на Д.М., било пронајдено во неговиот стан, а доказите почнале да укажуваат на неговата 19-годишна ќерка. По апсењето изјавила дека направила сѐ затоа што татко ѝ сакал да ја натера да се омажи, но дека претходно имале несогласувања по бројни прашања.

Истрагата за целиот случај се уште е во тек.

Илјадници граѓани од Плимут се евакуирани поради транспорт на неексплодирана бомба (ВИДЕО)

Повеќе од 10.000 луѓе се евакуирани од станови, куќи и работни места поради отстранување на бомба од Втората светска војна во Плимут, Англија.

Парковите се расчистени од полицијата, фериботите престанаа да сообраќаат, возовите беа запрени, училиштата беа затворени и имало, како што сликовито опишува Гардијан, колективно задржување на здивот додека воен конвој многу бавно ја пренесуваше бомбата од 500 килограми низ скалестите улици што водат до реката Тамар.

Одлуката за преместување на бомбата им била соопштена на сите во областа преку нивните мобилни телефони со помош на владиниот систем за предупредување за итни случаи, што се верува дека е првпат да се користи за вистински итен случај.

Луѓето излегле од своите куќи и влегле во нивните автомобили. Работниците на бродоградилиштето се спакувале и си заминале. „Тоа потсетува како оние евакуации што ги гледате во филм за катастрофа“, рече Стив Џонс додека ја напушта продавницата каде што работел.

Министерството за одбрана соопштило дека тоа е една од најголемите евакуации на цивили во Обединетото Кралство од крајот на Втората светска војна.

Личните предмети на Елтон Џон се продадени на аукција за речиси 8 милиони долари

Скоро 100.000 долари за сребрените монограмски чизми на Елтон Џон и околу 2 милиони долари за триптихот на уличниот уметник Бенкси од неговата колекција: Личните предмети на музичката икона се продадени на аукција во Њујорк за речиси 8 милиони долари.

Аукциската куќа Кристи спроведува серија од осум продажби до 28 февруари, лично и преку Интернет, на колекцијата на 76-годишниот музичар, вклучително и глам-рок комбинезон во боја на слонова коска и злато од раните 1970-ти дизајнирани од Ени Риви, продаден за 12.600 долари.

Додека ентузијастичките колекционери наддаваа во средата, клавирот на Џон достигна цена од повеќе од 200.000 долари, а очилата за сонце, клучен елемент на препознатливиот изглед на пејачот, најдоа купувач за 22.680 долари, десет пати повеќе од нивната првична проценка.

Повеќето од предметите доаѓаат од неговиот луксузен дом во Атланта, Џорџија, кој му служел како домашна база за американските турнеи, што неодамна го продал.

Со дела од уметниците Кит Харинг, Енди Ворхол, Роберт Меплторп и Ричард Аведон, колекцијата што ја собрал со својот сопруг Дејвид Фурниш го демонстрира вкусот на парот за современа уметност.

Легендарниот музичар, познат по хитовите како Your Song, Rocket Man и Sacrifice, раскошните костими и посветеноста на борбата против ХИВ/СИДА, ја заврши својата проштална турнеја минатата година.

Личните колекции на иконите на поп културата станаа редовна карактеристика на врвните светски аукциски куќи.

Минатиот септември, илјадници предмети на починатиот фронтмен на Квин, Фреди Меркјури, беа продадени за 40 милиони фунти (50,4 милиони долари), објави Sotheby's.

притисни ентер