Дополнителни попуштања на рестрикциите ако продолжи стивнувањето на пандемијата

Одлуката за намалување на рестрикциите воопшто не е политичка. Претходно телефонски се консултирав со членовите на Комисијата на заразни болести, кои се согласија за намалување на мерките. 

Во текот на следните денови, односно од почетокот на следната недела, доколку трендовите продолжат во оваа насока, ќе следат и дополнителни попуштања на рестрикциите, изјави министерот за здравство Венко Филипче.

Тој денеска одговарајќи на новинарско прашање во однос на последната одлука за олабавување на мерките посочи дека Комисијата за заразни болести немала официјален состанок поради празникот, но оти имал телефонска консултација со претседателот на Комисијата и со дел од членовите, при што разговарал за попуштање на мерките.

-Во однос на последната одлука, со оглед на тоа што состанокот на Главниот координативен кризен штаб се одржа во понеделникот, јас имав телефонска, консултација со претседателот на Комисијата, и со дел од членовите со кои што разговаравме за предлог попуштање на рестриктивни мерки, притоа разговаравме и за сегашната епидемиолошка ситуација и состојбата во болниците односно дали има можност да се попуштат рестрикциите, додаде Филипче.

Рече дека сите членови се согласиле да има олабавување на мерките заради тоа што епидемиолошката ситуација тоа го дозволува.

Предлогот за намалување на мерките доаѓа од министерот, но тој посочи дека овие предлози никогаш не доаѓаат од Министерството, без претходно да се направи една широка консултација.

Појасни дека во текот на вчерашниот ден имало и официјален состанок на Комисијата на кој што е потврдена согласноста за она што претходно неофицијално го искомуницирале, а министерот го предложил до Владата преку Главниот координативен кризен штаб.

-Донесени се и некои дополнителни одлуки и оттука и препораката за која Владата вчера донесе одлука да се скрати полицискиот час, угостителски објекти до 22:30 часот. Другите барања беа добиени, имаше барања за отворање на теретани или зголемување на бројот на деца во градинките, за тоа Комисијата смета дека е сеуште рано и има препорака за 14 дневен карантин за сите патници кои доаѓаат од Индија и од Бразил, заради тоа што таму се случува еден силен притисок и бран, треба да видиме дали тој сој на вирусот има значајно поразлични каратеристики од овој што беше сега, а тоа е британскиот сој, посочи Филипче.

Министерот појасни дека сите документи и записници во однос на донесените одлуки се јавни уште од почетокот на кризата.

Како што надополни, денеска има околу 300 новодијагностицирани пациенти, меѓутоа веќе се враќаат одделенијата во нормална работа, како што е Одделението за урологија, за пластична хирургија…

-Од денес почнува со работа и Клиниката за кардиологија. Значи, нема веќе таков притисок од пациенти каков што имаше претходно. Во текот на следните денови, во почетокот на следната недела доколку трендовите продолжат во оваа насока ќе следат и дополнителни попуштања на рестрикциите, додаде министерот Филипче.

Реал Мадрид го продава Еден Азар

Еден Азар нема да остане во Реал Мадрид доколку шпанскиот клуб добие понуда со која ќе бидат задоволни.

Белгискиот фудбалер беше дочекан пред две години како голема sвезда,а 50.000 луѓе дојдоа да го поздрават на презентацијата, додека неговиот трансфер од Челси беше платен повеќе од 100 милиони евра, а сега може да си замине.

Сето ова му го наведува шпанска Марка и пишуваат дека во клубот го изгубиле трпението со играч кој е склон на повреди и кој не го покажал очекуваниот квалитет кога бил подготвен. Исто така потсетува на забавата на теренот со неговите поранешни соиграчи по натпреварот во кој Реал Мадрид беше запрен во полуфиналето од Лигата на шампионите, а Челси тргна кон борбата за титулата.

На преостанатите првенствени игри, клубот очекувал Азар да придонесе во борбата за титулата во Шпанија, но тоа нема да влијае на статусот на Азар во клубот. Ниту смеата во друштво на играчите на Челси немале ефект, бидејќи одлуката да го напушти, тврди шпанскиот спортски дневен весник, е донесена пред неколку недели.

Тој го загуби статусот во соблекувалната и довербата на врвот на клубот, па затоа во иднина повеќе не се смета, туку се бара купувач. Кога дојде во Реал Мадрид, Трансфермаркт ја процени неговата вредност на 150 милиони евра. Денес изнесува 40 милиони.

Азар има договор со Реал Мадрид до 30 јуни 2024 година.

ВМРО ДПМНЕ е за нов Клинички центар кој би се градел наспроти ,, Жан Митрев Клиника“

Многу е едноставно, ВМРО-ДПМНЕ е за нов Клинички центар, но само со изготвен проект, а не со физибилити студија од 35 страни.

Филипче треба да изработи проект, а потоа со истиот да бара пари, односно заем за реализација на вака сериозен капитален проект. Сега Филипче сака да се изгласа закон за заем од 503 милиони евра за проект кој е само во неговата глава, се наведува во соопштението од ВМРО ДПМНЕ

ВМРО-ДПМНЕ има многу јасен предлог. Предлогот е, комплетно реновирање на Клиничкиот центар „Мајка Тереза“ кое би чинело околу 100 милиони евра како и изградба на ургентен клинички центар кој би бил наспроти „Жан Митрев Клиника“ и со кој би се поврзале Поликлиниката „Букурешт“ и ГОБ „8-ми Септември“. Освен ова решение, треба да се изградат уште три универзитетски клинички болници во Тетово, Штип и Битола кои би чинеле по десетина милиони евра, се наведува во соопштението на ВМРО ДПМНЕ

СЗО ја одобри кинеската вакцина „Синофарм“ за итна употреба

Светската здравствена организација ја одобри за итна употреба вакцината против Ковид-19 на кинескиот производител Синофарм.

Вакцината, една од двете кинески вакцини што веќе се дадени на стотици милиони луѓе во Кина и во странство, е исто така и првата вакцина против коронавирус одобрена од СЗО, која не е развиена на Запад.

Исто така, СЗО за првпат одобри за итна употреба на кинеска вакцина против заразна болест.

Фактот дека вакцината на Синофарм е на списокот на СЗО на итни вакцини е сигнал до националните регулатори дека е ефикасна и безбедна и ќе овозможи да се вклучи во системот Ковакс, глобална програма за сиромашните земји.

СЗО досега одобри итна употреба на вакцините против Ковид-19 кои ги развија Фајзер/Бионтек, Астра Зенека, Џонсон и Џонсон и Модерна.

притисни ентер