Доделени признанија на наставниците од 8 средни училишта во Скопје

Доделени признанија на наставниците од 8 средни училишта во Скопје во рамки на проектот за меѓуетничка интеграција.

Шеесет и двајца наставници од осум градски средни училишта денеска добија признанија и награди од Градот Скопје за нивниот придонес и активно учество во унапредувањето на меѓуетничката интеграција во образованието преку редовна реализација на заеднички наставни часови со ученици кои учат на различни наставни јазици. Признанијата и наградите им ги додели градоначалничката Данела Арсовска.

Арсовска информираше дека во средните училишта на Град Скопје „Арсени Јовков“, „Здраво Цветковски“, „Браќа Миладиновци“, „Боро Петрушевски“, „Димитар Влахов“, „Јосип Броз Тито“, „Владо Тасевски“ и „Д-р Панче Караѓозов“ во текот на учебната 2021/22 година беа реализирани вкупно 1.308 заеднички часови со кои беа опфатени 54 паралелки кои наставата ја следеа на македонски, албански и на турски наставен јазик.

-Одржувањето заеднички часови придонесува за подобрување на меѓуетничката кохезија меѓу младите, преку подобро запознавање едни со други и градење граѓански и демократски вредности. Тоа е она кон кое се стремиме како општество и на кое треба да работиме за на нашите деца да им обезбедиме сигурна и безбедна иднина, во заедништво, рече Арсовска на денешното доделување на признанијата и наградите.

Во рамки на Програмата за активности на Град Скопје од областа на средното образование за 2022 година и со Стратегијата за меѓуетничка интеграција во образованието и граѓанска вклученост се предвидува поддршка на училиштата за реализација на активности за меѓуетничка интеграција.

Овој проект е дел од националниот проект на УСАИД за унапредување на меѓуетничката интеграција на младите во образованието, а беше поддржан и од Македонскиот центар за граѓанско образование и Мисијата на ОБСЕ во Скопје.

Град Скопје информира дека во рамки на своите заложби за унапредување на меѓуетничката интеграција во образованието организира и бесплатни тримесечни обуки за изучување на македонскиот, албанскиот и турскиот јазик наменети за ученици и наставници од средните училишта на Градот. Во третиот циклус обуки кој беше реализиран во второто полугодие од учебната 2021/22 година беа опфатени вкупно 594 наставници и ученици, дел од нив следеа почетни обуки, а дел продолжителни.

-Курсевите ги држеа 14-тина наставници вработени во средните училишта и истите се логистички и финансиски поддржани од страна на Град Скопје. Со посетување на обуките младите имаат можност да стекнат основни познавања на јазикот на кој зборуваат нивните соученици, што ќе придонесе за нивна полесна јазична социјализација. Проектот има за цел да ги стимулира училишните заедници да градат и развиваат позитивни интеракции меѓу учениците и наставниците од различни етнички заедници, се наведува во соопштението на градските власти.

Поранешниот сопруг на Меган Фокс доби син и го откри неговото необично име (ФОТО)

Брајан Остин Грин доби син со неговата нова девојка Шарна Бурџис.

48-годишникот, среќната вест ја сподели на Инстаграм. Откри дека момчето се вика Зејн Вокер Грин, а е роден на 28 јуни во 12 часот и 12 минути.

Бурџис ја објави фотографијата и напиша: „Моето срце сега е засекогаш надвор од моето тело“.

Грин има три деца со Меган Фокс - Џорни Ривер (5), Боди Рансом (8) и Ноа Шенон (9), додека со Ванеса Марсил има 20-годишен син Касиус.

Ѕвездата од Беверли Хилс 90210 изјави за People претходно овој месец: „Бебето доаѓа во топол дом и семејство и ќе биде опкружено со љубов. Многу сме возбудени“.

Двојката почна да се забавува пет месеци откако Грин го потврди разводот од Фокс по 10 години брак. Во октомври минатата година прославија една година од нивната врска, а во февруари годинава објавија дека чекаат дете.

Американец пукал од дома и убил двајца полицајци и нивното куче (ВИДЕО)

Американцот Ленс Сторц од Кентаки завршил во притвор откако убил двајца и повредил неколку полицајци. Мажот се забарикадирал во куќата и почнал да пука.

Како што пренесува ABC, пукањето се случило во округот Флојд вчера околу 6:44 часот по локално време. Според извештајот од апсењето, Сторц бил вооружен со пушка и испукал повеќе куршуми кон полицајците од неговиот дом, при што убил двајца полицајци и едно полициско куче. Полицијата дошла во куќата на Сторц поради пријава за семејно насилство.

Ранети се петмина полицајци и директорот на Управата за вонредни состојби. Идентитетот на убиените полицајци сѐ уште не е соопштен. Гувернерот на Кентаки, Енди Бишер, на Твитер напиша дека округот Флојд претрпел страшна загуба и го повика целиот Кентаки да се моли. „Ова е тешко утро за нашата заедница“, напишал Бишер на Твитер.

Сторц е во притвор по повеќе обвиненија, вклучително и убиство на полицаец и обид за убиство на полицаец. Тој се изјаснил за невин и е задржан со кауција од 10 милиони долари. Американецот се враќа на суд на 11 јули.

Поради салмонела, запрено е производството во најголемата фабрика за чоколади во светот

Производството во најголемата фабрика за чоколади во светот, управувана од швајцарскиот гигант Бери Калебо во белгискиот град Визе, е запрено откако е откриена контаминација со салмонела, соопшти компанијата.

Портпаролот на Бери Калебо изјави за АФП дека производството е запрено во фабриката, која произведува течно чоколадо во серии на големо за 73 клиенти на кондиторски производи.

Засега нема информации дали потрошувачите се заразиле со салмонела, која предизвикува салмонелоза, болест придружена со дијареја и треска.

„Бери Калебо моментално ги контактира сите клиенти кои можеби добиле контаминирани производи. Производството на чоколадо во Визе е суспендирано до понатамошно известување“, додаде Ворлоп, објаснувајќи како компанијата контактирала со сите свои клиенти и ги замолила да не испраќаат производи направени со чоколадо, направена од 25 јуни во фабриката Wieze, лоцирана во Фландрија, северозападно од Брисел.

Известена е и белгиската агенција за безбедност на храна AFSCA, а портпаролот изјави за AFP дека е покрената истрага.

Фабриката „Визе“ не произведува чоколадо за директна продажба на потрошувачите, туку продава суровини за понатамошна обработка на компаниите од таа индустрија, а тие сметаат дека контаминираните производи на нивните клиенти сѐ уште не стигнале до полиците на продавниците.

Бери Калебо продава какао и чоколадо на голем број познати производители на слатки во светот, како Херши, Монделез, Нестле и Унилевер.

Инаку, годишната продажба на Barry Callebaut лани изнесувала 2,2 милиони тони, а во тој период оствариле нето добивка од 384,5 милиони швајцарски франци, со промет од 7,2 милијарди франци. Групата вработува повеќе од 13 илјади луѓе и има повеќе од 60 производствени погони ширум светот.

притисни ентер