Свет

Џонсон во парламентот за ковид-забавите: Рака на срце, не ве лажев

Борис Џонсон на почетокот на повеќечасовното сослушување пред парламентарната комисија рече дека не го лажел Долниот дом за забавите во резиденцијата на премиерот кои биле против правилата за локдаун.

Одборот за парламентарни привилегии истражува дали Џонсон, кој поднесе оставка како премиер во септември, намерно или непромислено го довел Долниот дом во заблуда со низа изјави за забавите во Даунинг стрит.

Доколку комисијата утврди дека Џонсон намерно го довел во заблуда парламентот, неговиот пратенички мандат може да биде суспендиран. Секое суспендирање подолго од десет дена може да доведе до посебни избори за тоа место. Џонсон рече дека му е жал што ненамерно го довел парламентот во заблуда.

„Се извинувам. Се извинувам што ненамерно го доведов во заблуда овој дом. Но, да се каже дека тоа сум го направил непромислено или намерно е целосно неточно, како што покажуваат доказите“, изјави тој пред собраниската Комисија за привилегии во своја одбрана на рочиштето.

Поранешниот премиер, кој размислуваше повторно да се кандидира за премиер на крајот на минатата година, рече дека не бил предупреден дека настаните ги кршат правилата и го обвини одборот за пристрасност.

„Тука сум да ви кажам: „Рака на срце, не го излажав Долниот дом“, рече Џонсон. „Кога ги дадов тие изјави, ги дадов со добра волја и врз основа на она што навистина го знаев и верував во тоа време“, додаде тој.

Комитетот објави документ од 110 страници претходно денеска во кој се вели дека некои претставници на Даунинг стрит рекле дека Џонсон сигурно знаел дека забавите се одржуваат и покрај неговите негирања.

„Да се ​​доведе до заблуда Долниот дом може да звучи како техничко прашање, но тоа е прашање од големо значење“, рече Хариет Харман, претседателка на комисијата, на почетокот на сослушувањето. „Намерно или непромислено доведување во заблуда, неодговарање или неисправување на грешките го попречува функционирањето на Домот и заслужува осуда“, додаде таа.

Таканаречениот „партигејт скандал“ придонесе за евентуалниот пад на Џонсон, по неколкумесечните медиумски извештаи дека тој, заедно со други високи функционери, присуствувал на бурните забави во Даунинг стрит во 2020 и 2021 година, кога голем дел од остатокот од земјата морал да остане дома.

Поради прозивките и постојаното обвинување за лажење, неколку министри на Џонсон најпрво поднесоа оставки, вклучувајќи го и актуелниот премиер Риши Сунак.

Свет

Остин разговарал со Галант пред извештаите за експлозии во Иран

Американскиот секретар за одбрана Лојд Остин разговараше во четвртокот со израелскиот министер за одбрана Јоав Галант за „регионалните закани и дестабилизирачките дејства на Иран на Блискиот Исток“, соопшти денеска Пентагон.

Повикот е остварен пред Израел, како што пренесуваат медиумите, да изврши напад на територијата на Иран, а во соопштението на Пентагон не се споменува дискусија за плановите на Израел за тој напад, јави Си-Ен-Ен. Неименуван висок американски функционер за Си-Ен-Ен изјави дека Израел во четвртокот ги известил САД дека во наредните денови ќе возврати на нападот на Иран извршен минатиот викенд и дека Вашингтон не ја поддржува таа акција на Тел Авив.

Тензиите меѓу Тел Авив и Техеран се зголемија по нападот на Иран врз Израел на 13 април, со повеќе од 300 беспилотни летала и проектили. Неименуван американски функционер претходно за Си-Ен-Ен изјави дека Израел утринава извршил напад на иранска територија, а иранската државна телевизија објави дека три беспилотни летала биле забележани над небото во Исфахан и биле уништени откако системот за противвоздушна одбрана на земјата бил активиран. /МИА

Свет

САД ставија вето на барањето на Палестинците за полноправно членство во Обединетите нации

Соединетите Американски Држави ставија вето на нацрт-резолуцијата на Советот за безбедност на ОН за „државата Палестина да биде прифатена како членка на Обединетите нации“.

Нацрт-резолуцијата претставена од Алжир, која „препорачува на Генералното собрание државата Палестина да биде примена во членството на ОН“, доби 12 гласа „за“, еден против и два воздржани.

За прием на една земја во ОН, мора прво да добие позитивна препорака од Советот за безбедност (најмалку девет од 15 гласови за него, и без вето од која било постојана членка), а потоа да биде одобрена од Генералното собрание на ОН со двотретинско мнозинство.

Во септември 2011 година, претседателот на палестинската управа, Махмуд Абас, ја покрена процедурата, барајќи „пристапување на државата Палестина во ОН“, но оттогаш постапката не е завршена. И тогаш САД ставија вето.

Во ноември 2012 година, палестинската самоуправа доби статус на „држава набљудувач која не е членка“ на ОН.

Палестинците го ажурираа своето барање за членство во ОН со писмо до Советот за безбедност на ОН на почетокот на април, укажувајќи на израелската офанзива во Газа. /МИА

Култура

Премиера на претставата „Хенгинг Араунд“ во МНТ

Во Македонскиот народен театар  вечер од 20 часот премиерно ќе биде изведена  претставата „Хенгинг Араунд“ по текст на Љупчо Јованов, во режија и адаптација на Бојан Трифуновски.

МНТ соопшти дека дејството во претставата се случува во светот на бајките, а местото и времето се ирелевантни. Главните ликови во приказната 0 (Хенгинг) и 1 (Араунд) се изгубени во светот на бајките и не се знае како влегле во овој свет, но главна цел им е да се вратат во реалноста, во нивните топли огништа.

-Можеби се Дисмас и Гестас, но пред да ги распнат, можеби некако им избегале на Римјаните и продолжиле да го живеат својот динамичен живот, овојпат празен и лишен од средба со Спасителот. Можеби патем решиле да се смират, да создадат семејство со единствена цел, да умрат во длабока старост почитувани од пријателите и сакани и жалени од најблиските. Дали нивниот карактер, судбина, ги натерала повторно да си ја пробаат среќата и да започнат нова авантура, да влезат во нова приказна..., наведува Македонскиот народен театар.

Во претставата играат Сашко Коцев, Александар Михајловски, Стефан Спасов, Гораст Цветковски, Борче Начев, Ана Стојановска, Софиа Насевска-Трифуновска и Нела Павловска.

притисни ентер