Опозицијата смета дека ова е последниот уставен рок во кој треба да се изберат новите градоначланици, бидејќи веќе на 18 октормви завршува мандатот на актуелните.
Премиерот Заев вчера рече дека ова може да се уреди со измени на изборниот законик, како што се правело и во минатото, но Антонио Милошоски од ВМРо-ДПМНЕ вели дека датумот не може да се определува според личната желба на политичарите..
-Уставниот и законски термин за локалните избори е 17 октомври, првиот круг./(Блиц) Се друго би било не уставно и би можело да го загрози целиот изборен процес како незаконит и незаконито да им се продолжи мандатот на градоначалниците на кои што им истекува мандатот и советите на општините, вели пратеникот на ВМРО-ДМПНЕ Милошоски.
Дебатата за датумот на изборите се отвори поради стравот дека е можно да се поклопи кампањата со одржувањето на пописот, закажан од 5 до 30 сепмври.. Поради ова Заев и Мицкоски на лидерската средба во март се договорија тие да се пролонгираат за втората половина од октомрви, но не дефинираа точен датум..
Градоначалникот на Скопје, Петре Шилегов смета дека опозицијата сега се обдиува само да бара алиби..
-Мислам дека повеќе станува збор за изговори со обид да се проблематизираат локалните избори, имајќи во предвид дека и на ДПМНЕ му јасно, особено во Скопје, дека нема што да бара на изборите. Две недели не менуваат ништо на скопјани, истакна Петре Шилегов
Директорот на државниот завод за статистика Апостол Симовски, како компромис го нуди 24 окомври, со оглед дека камапњата трае 20 дена, и во таков случај би почнала по завршувањето на пописот..
Сега, одлуката е во рацете на собранискиот претседател Талат Џафери, кој ја има надлежноста да ги закаже изборите.. Неодмана тој најави дека за ова ќе се консултира со ДИК, а денеска од неговиот кабинет велат дека датумот ќе го соопшти на 30 јули, пред летниот колективен одмор на Собранието...