Џафери : Дебарскиот конгрес е конгресот на будењето на националната свест на Албанците

Поздравно обраќање на претседателот на Собранието Талат Џафери на Свечената академија по повод 111-годишнината од Дебарскиот конгрес.  

,,Дозволете да го споделам задоволството што денес сум тука помеѓу вас, на одбележувањето на 111-годишнината од Дебарскиот конгрес, конгресот на будењето на националната свест на Албанците за независност каде силата на националното чувство, со сета волја, визија, моќ и храброст на албанските делегати од сите вилаети, успеа да ги стави на маса за дискусија интересите, потребите и правата на Албанците и по шестдневна работа, покрај усвојувањето на мерките кои беа во однос на вкупниот економски и културен развој на вилаетите на Европска Турција, се опфатија и посебни мерки кои беа во однос на Албанците а кои беа поднесени од претставниците на оваа национална албанска струја. И, ако се занимаваме со историските толкувања кои се најразлични, од оние дека барањата беа недоволни, дека малку се доби, и дека всушност овој конгрес е конгрес организиран од младотурските сили, сепак, познат факт е дека истиот се претвори во огнена трибина на поднесување со сила на кардиналните проблеми кои ги тиштеа Албанците. Тука спаѓаа оние економските меѓутоа и културните, како градењето на железници, сушењето на мочуриштата, изучувањето на современите сознанија, отворањето на основните и средните училишта со настава на албански јазик, одделувањето на училиштето од црквата и џамијата, одвивањето на верските церемонии на мајчин јазик, признавањето на законите и на албанскиот јазик од државната власт. И, доколку на овие барања се додаде и одлучувачката тежина што ја даде Дебарскиот конгрес, тогаш овој конгрес со право може да се смета за прв масовен собир на Албанците кој успеа да поднесе барања со нагласено политички карактер и придобивање на конкретни резултати на национален план во рамките на отоманската империја. Покрај ова, одлуките од конгресот, идната година беа објавени со унифицираната азбука на албанскиот јазик која што беше усвоена на Битолскиот конгрес, и дозволете да ја искористам приликата и да изразам срдечни честитки по повод празникот 22 Ноември, и да посакам да прославиме уште многу идни годишнини.

Дозволете да им честитам и на организаторите, Општина Дебар, градоначалникот Хекуран Дука, и Здружението „Дебарски сојуз“ од Тирана, за овој исклучителен настан во олку невообичаени услови. Дебар се справуваше со исклучително тежок здравствен предизвик, меѓутоа го надмина, се надевам дека набрзо сѐ ќе се врати во нормала, тука, во земјава, во регионот и во целиот свет.

Ви посакувам добро здравје и Ви благодарам на вниманието, рече Џафери во Дебар, сооппшти прес службата во Собранието.

Повторено соопштение на ДИЖС за Штип

Предлог за одземање на Б интегрирана дозвола на погон за горење гуми и пластика во ШТИП.

Државниот инспекторат за животна средина изврши вонреден надзор врз „САНС-АГ“ увоз-извоз ДООЕЛ ШТИП на 17.12.2020г., по преставка на Министерството за одбрана поднесена на 11.12.2020г., за да се утврди влијанието врз лицата што престојуваат во воените објекти: стрелиште Пенуш и полигон Криволак. Ова е нивна втора преставка. Првата била поднесена на 30.09.2020г. но никој не презел ништо, ниту информацијата била пренесена до новата ВД Директорка Ана Петровска.

Локацијата на објектот се наоѓа во атарот на градот Штип, во поранешна вoена база на КФОР, на оддалеченост од 8,5 километри од центарот на градот и 2 км од селото Пенуш. На надзорот беше констатирано дека не се применуваат одредбите утврдени со Б интегрираната дозвола број УП I бр.18/17-136 во ниеден аспект од технолошкиот процес, видот на постројката или начинот на складирање на суровините и готовиот производ.

Со дозволата се предвидува отпадна гума и пластика да се горат во затворен процес со пиролиза на 450-550оС, при што доаѓа до хемиско раложување и добивање течна фракција – нафта и цврст остаток, а не се врши емисија во воздухот, поради применет систем за ладење (базен и ладилна кула). Била предвидена постројка што спаѓа во најдобри достапни техники, со систем за автоматска декомпресија, автоматско празнење на талог и безопасни и незагадувачки продукти.

При надзорот беше утврдено дека инсталацијата не е целосно изведена, процесот не е затворен, а емисиите од согорувањето на гуми и пластика слободно се испуштаат во атмосферата. При такви процеси вообичаено се испуштаат канцерогени гасови (фурани и диоксини), кои делуваат на повеќе органи и предизвикуваат трајни последици.

На локацијата беше видливо дека складирањето на готовиот производ и суровините не се врши на соодветен начин. Течното гориво добиено од горење на гумите се чуваше во цистерни на пелети, наместо да се чува на водонепропусна подлога, што истовремено ќе обезбеди доволен волумен за собирање на потенцијално излеана течност. Пепел од согорувањето, што потенцијално содржи токсични материи, беше собран во џамбо вреќи и складиран на земја во локацијата. Управиителот на објектот информираше дека локацијата на која се врши складирањето на суровини и отпад е во процес на легализација.

Поради сите утврдени пропусти, Државниот инспекторат за животна средина даде Предлог до општина Штип (која ја издала дозволата) за одземање на Б интегрирана дозвола на погонот за горење гуми и пластика „САНС-АГ“ увоз-извоз ДООЕЛ ШТИП.

Државен инспекторат за животна средина

Видео: Автомобилски гуми со кои може да се поминат скоро 130.000 километри

Тоа е километража за која произведувачот дава гаранција.

Фински „Nokian“, познат по зимските гуми, претстави нови гуми под името „One“ кои можат да се пофалат со неверојатна долготрајност, дознава американски „Car and Driver“.

Станува збор за универзални, гуми за сите сезони, што значи дека со нив можете да возите во текот на целата година.

Како што тврдат од компанијата, гаранција за животниот век на овие гуми е речиси 130.000 километри, поточно 128.750 километри.

Гумите веќе се произведуваат во американската држава Тенесе, но и некои фабрики низ Европа, иако гумата е развивана за северноамериканскиот пазар.

Нивната тајна е во материјалите, поточно во влакната кои ја зајакнуваат структурата на пневматикот и овозможуваат поголема отпорност особено на оштетување кои се предизвикани од дупки на патиштата и слично.

Финскиот произведувач подготви и видео.

Проштална порака на Меланија Трамп: Како ја чував Белата куќа

Во текот на 2020 година, нашата земја претрпе поразителна и неочекувана загуба на животи поради пандемијата на Ковид-19, рече Меланија.

Сè уште актуелната прва дама на САД, Меланија Трамп, ќе ја напушти Белата куќа за само два дена.

Таа по тој повод и се обрати на нацијата. Меланија посочи неколку проекти што ги реализирало семејството Трамп во текот на последните четири години, кога станува збор за обнова и одржување на Белата куќа.

- Во 2018 година го завршивме првото комплетно реновирање на кралската бања од 1950-тите. Го реновиравме и претседателскиот лифт. Една година подоцна, започнавме со неколкумесечно реновирање на подот на Источната соба. Кугланата исто така претрпе целосно реновирање во 2019 година и се надевам дека во иднина ќе биде простор во кој ќе уживаат сите што го користат - нагласи Меланија.

Исто така, се осврна и на пандемијата на коронавирусите, но и на реновирањето на Цветната и Детската градина.

- Во текот на 2020 година, нашата земја претрпе поразителна и неочекувана загуба на живот поради пандемијата Ковид-19. Бидејќи ова поглавје се приближува кон крајот, важно е да се препознаат многу луѓе и оддели без кои мојата улога како прва дама не е можна - рече Меланија, заблагодарувајќи им се на сите вработени во Белата куќа кои и помогнаа за време на проектите за кои работеше.

притисни ентер