Дислокација на зелениот пазар и бараките кај Автобуската станица во Кочани

Тротоарот на булеварот „Тодосија Паунов", во близина на Автобуската станица во Кочани, ќе се ослободи од пазарските тезги и бараките. Сите времено поставени објекти се дислоцираат и просторот ќе биде максимално функционален во својата намена.

Од Општина Кочани оценуваат дека со реконструкцијата на булеварот се наметнало прашањето за обезбедување што поголема проодност на пешачките површини. Притоа, целата локација ќе ги задржи истите содржини, но со правилен распоред, подеднаква достапност и подобра организираност, со што движењето на пешаците по тротоарите нема да биде отежнато или невозможно.

– Надгледувајќи ја целокупната состојба во тој дел на градот и хаосот со којшто се соочуваме секојдневно, планираме дислокација на бараките што се наоѓаат на јавно-прометните површини. Тие ќе бидат преместени на локацијата каде што сега е зелениот пазар, а тој пак ќе се врати на поранешната локација, педесетина метри погоре зад сегашните бараки. Со тоа ќе се создаде нов изглед и нова фукција на овој дел од градот. Граѓаните ќе можат да пазарат подалеку од улицата и правот, подалеку од чадот на автомобилите. Тие што ќе сакаат да пазарат со автомобил, ќе имаат можност се исклучат од булеварот за да не прават застој на коловозната лента, истакна градоначалникот на Кочани, Николчо Илијев.

На средба со сопствениците на бараките, идејата за дислокација наишла на разбирање и поддршка, по што ќе се пристапи кон нејзина реализација. Старо-новиот простор за зелен пазар на „Тодосија Паунов" ќе се облагороди со зеленило, дрвца и урбана опрема, а целиот потег ќе добие и дополнителни содржини.

Градоначалникот ги повика сите учесници во сообраќајот да се однесуваат совесно, возачите да не паркираат на несоодветни места, а тротарите да бидат слободни за непречено движење на пешаците.

Вокер неизвесен за дербито со Арсенал

 Манчестер сити би можел да остане без дефанзивецот Кајл Вокер за неделниот натпревар од Премиер лигата против Арсенал.

Според „Sky Sports“, Вокер ќе биде подложен на проценка на тетивата. Првично се мислеше дека проблемот не е премногу сериозен, но се чини дека тоа не е така.

Во Сити исто така не се сигурни дали Џон Стоунс и Мануел Аканџи ќе бидат способни да играат.

Манчестер Сити ќе му гостува на Арсенал на 31 март во натпреварот од 29. коло на Премиер лигата.

Арсенал е лидер на табелата со 64 бодови, исто толку има и второпласираниот Ливерпул, Манчестер сити е трет со 63.

Почнува пријавувањето за 20. издание на Виз Ер Скопски Маратон

Пријавувањето за 20. јубилејно издание на Виз Ер Скопски Маратон почнува утрово во 9 часот и ќе трае до 20 септември до 23:59 часот. Право на учество имаат сите македонски и странски државјани. 

- Трката има ограничен број на учесници и пријавувањето може да се затвори, доколку се пополни предвидениот број на бројот на учесници, затоа побрзајте и пријавете се уште денеска, апелира организаторот на манифестацијата Сојузот на спортови на Скопје

Маратонот ќе се одржи 6 октомври со почеток во 8 часот.

Учесниците на маратон и полумаратон на стартот ќе бидат распоредени во четири стартни боксови според времето кое ќе го одберат при процесот на

пријавување, додека учесниците во штафетниот маратон и трката на 5км ќе бидат распоредени во стартни зони кои ќе бидат означени во зоната на старт со името на трката.

Трката има сертификат од Асоцијацијата за улични трки (AIMS) и се одвива според правила на Светска Атлетика (WA), и АФСМ.

Секој учесник што ќе стартува на Виз Ер Скопски Маратон ќе добие вредносен ваучер од 20 ЕУР од насловниот спонзор на трката, Виз Ер. Во стартниот пакет за сите трки е вклучена и маица, но ја добиваат само оние кои ќе се регистрираат до 29 август 2024.

Концерт „Татковина“ во Филхармонија

Филхармонијата вечер ќе одржи концерт насловен „Татковина“ под диригентство на Сашо Татарчевски, на кој ќе настапи виолинистот Бојан Илкоски.

На програмата ќе бидат изведени виртуозниот Концерт за виолина и оркестар бр.1 од Николо Паганини (1782-1840) и Симфонија бр. 4 во де-мол, оп.120 од Роберт Шуман (1810-1856)

Дирирентот Татарчевски дипломирал и магистрирал на Факултетот за музичка уметност во Скопје, на катедрите за хорско и оркестарско диригирање, а посетувал и мајсторски курсеви во Њујорк, Рим, Москва, Берлин, Фиренца, Санкт Петербург и Сартеано. Настапувал со различни ансамбли и на голем број фестивали на кои има освоено награди.

Редовен член е на неколку жири-комисии на интернационални хорски натпревари и раководител на меѓународниот хорски форум во Струга.

Во моментов работи како професор на ФМУ по група предмети од областа на диригирањето и диригент е на симфонискиот оркестар и мешаниот хор „Драган Шуплевски“, како и уметнички раководител на Женскиот младински хор при МКЦ и професионалниот мешан хор „Про Арс“.

Виолинистот Бојан Илкоски дипломирал на Факултетот за музичка уметност во Скопје, во класата на проф.Олег Кондратенко. Досега остварил бројни настапи во земјата и во странство.

Во 2009 година го одржал својот прв самостоен целовечерен концерт во Даут-пашиниот амам. Неговото досегашно искуство како виолинист, вбројува и неколку соло рецитали без пијано придружба.

Илкоски е член на Меѓународниот младински камерен оркестар на Музичка младина, а од неодамна е редовен член на Симфонискиот оркестар при Македонската филхармонија, како и член на оркестарот за филмска музика „Фејмс“.

-Бојан Илкоски (1992) е еден од најпосветените музички уметници кај нас, кој постојано настапува во различни ансамбли. Неодамна, токму со изведба на Концертот за виолина и оркестар бр. 1 од Паганини, настапи како солист во Софија со оркестарот „Симфониета Софија“ и маестро Свилен Симеонов, соопшти Филхармонијата.

притисни ентер