Димковски: Буџетот за 2022 е развоен и со фокус на капитални водостопански инвестиции

Буџетот за земјоделството за 2022 година има развојна компонента со фокус на капитални водостопански инвестиции.

Вупниот буџет, кој опфаќа неколку институции, изнесува 9,13 милијарди денари наменети за основните буџети на МЗШВ, Платежната агенција, Агенција за поттикнување и развојот на земјоделство, Агенција за храна и ветеринарство, Државниот инспекторат за земјоделство, Државниот инспекторат за шумарство и ловство и Управтаа за хидрометереолошки работи.

Заменик-министерот Трајан Димковски денеска на прес-конференција соопшти дека најголема сума во износ од 1,27 милијарда денари од буџетот на МЗШВ е наменет за Управата за водостопанство затоа што, рече, веќе неколку години го потенцираме значењето на обезбедување услови за развој на стабилно, конкурентно и модерно земјоделско производство.

-Тоа не е можно без вода. Затоа и во 2022 година продолжуваме со инвестиции во водостопанството кои опфаќаат продолжувње на започнатите проекти и изградба на нови системи. Буџетот на МЗШВ за 2022 година споредено со 2021 е зголемен за 255,7 милиони денари и овие средства се главно насочени во водостопанството, односно 165,5 милиони денари од зголемената сума во буџетот за 2022 година се наменети за проекти за водостопански капитални инвестиции. Ова е логичен чекор креиран од потребата за стабилно наводнување и во насока на намалување на влијанието на климатските промени. Институции кои функционираат со сопствен буџет продолжуваат и во 2022 година со истиот буџет како и за 2021, истакна Димковски.

Основниот буџет на МЗШВ за 2022 година е проектиран на 2,025 милијарди денари кои, како што рече, ќе овозможат континуитет во реализирање на мерките и политиките за развојот на земјоделскиот сектор.

Останатите средства од буџетот на МЗШВ се наменети за инвестиции во земјоделство и руралниот развој, во износ од 279 милиони денари, потоа во шумарскиот сектор во износ од 223 милиони денари, од кои 197 милиони денари за шумската полиција, 28 милиони денари за програма за шумарство и ловство.

Како и секоја година, најголем дел од средствата од буџетот на секторот земјоделство се алоцирани во Агенцијата за финансиска поддршка на земјоделството и руралниот развој.

За капиталните инвестиции за руралниот развој се издвоени 1,15 милијарди денари, кои ќе бидат распоредени со цел континуирано реализирање на Програмата за финансиска поддршка за руралниот развој.

Новина што го разликува овој буџет од буџетот за 2021 година, посочи Димковски, се средствата за отпочнување мали бизниси стартап проекти со грантови до 10.000 евра, дуплиран износ за мерката „Рурална жена" од 3.000 на 6.000 евра неповратен грант и демаркација на средствата од ИПАРД-програмата за вредност од 351 милион денари насочени за зголемување на националното кофинансирање за примарното производство од 10.000 евра.

-Буџетот е креиран домаќински, без непотребни трошоци и со силен стимулативен ефект за развој и заштита на земјоделството производство и приближување до европските земјоделски политики, Искрено се надевам дека и во услови на светска здравтсвена и економска криза ќе успееме да продолжиме да го развиваме земјодлскиот сектор, рече Димковски. /MИА

Тајван тврди дека воените вежби на Кина се подготовка за инвазија

Министерот за надворешни работи на Тајван денеска изјави дека Кина ги користи воените вежби предизвикани од посетата на претседателката на Претставничкиот дом на САД, Ненси Пелоси, за подготовка за инвазија на Тајван.

Џозеф Ву, кој не понуди временска рамка за можната инвазија, вели дека Тајван нема да биде заплашен без оглед на континуираните воени маневри и кршењето на неофицијалната линија за одвојување во Тајванскиот теснец.

„Кина користи воени вежби за да се подготви за инвазија на Тајван“, рече Ву, истакнувајќи дека Кина не само што спроведува воени вежби и лансира проектили, туку користи и сајбер напади, дезинформации и економски притисок за да го ослаби јавниот морал во Тајван.

По завршувањето на вежбите, продолжи Ву, Кина би можела рутински да продолжи со своите акции за да го наруши статус квото од другата страна на Тајванскиот теснец. Ву оценува дека овие потези ја загрозуваат регионалната безбедност и покажуваат дека Кина има геостратешки амбиции кои се протегаат и надвор од Тајван.

Кина никогаш не ја отфрли можноста за преземање на Тајван на сила

Кина никогаш не ја отфрли можноста за насилно преземање на Тајван, а портпаролот на Министерството за надворешни работи Ванг Венбин во понеделникот рече дека Кина спроведува нормални воени вежби „во нејзините води“ на отворен, транспарентен и професионален начин, додавајќи дека Тајван е дел од Кина.

Портпаролот на Министерството за одбрана, Ву Чиан, во понеделникот рече дека вежбите се „неопходно предупредување“ за Соединетите држави и Тајван, опишувајќи ги како „целосно разумен и соодветен“ одговор на нивните неодамнешни „провокации“.

Кинеското раководство ги отфрла официјалните контакти на други земји со Тајпеј бидејќи го смета островот за дел од своето копно. Тајван, од друга страна, долго време се смета за независен. Тајван не го признава суверенитетот на Пекинг и вели дека иднината на таа островска држава ќе одлучува исклучиво од тајванскиот народ.

Официјален Пентагон во понеделникот рече дека оценката на Вашингтон е дека Кина нема да се обиде да го нападне Тајван во следните две години, пренесе Индекс.хр.

Од утре до недела променливо време, со дожд и пад на температурите

Под влијание на влажна и нестабилна воздушна маса од утре до недела ќе преовладува променливо облачно време, на повеќе места нестабилно со пороен дожд, грмежи и засилен ветер, најавуваат од Управата за хидрометеоролошки работи.

Локално процесите ќе бидат во форма на краткотрајно невреме со интензивен пороен дожд, силен ветер, електрични празнења и град. Температурите ќе бидат во постепено опаѓање.

Во Скопската Котлина ќе преовладува променливо облачно и нестабилно време со повремен пороен дожд, грмежи и засилен ветер. Во делови од котлината во текот на овој период ќе има појава на краткотрајно невреме со интензивен пороен дожд, силен ветер, електрични празнења и град.

Нови вработувања, проекти и инвестиции во „Брако“

Новите проекти и инвестиции во „Брако“ ја продолжуваат тенденцијата на отворање нови работни места и тоа во услови на дестабилизирани економски текови во светски рамки. 

Од почетокот на годинава до јули, „Брако“ вработи 74 нови лица со што во моментов компанијата брои над 600 вработени. Додека вкупниот број на вработени во Групацијата „Фероинвест“, од која што дел е и “Брако“, ја надмина бројката од 1.000. Интензивните повеќемилионски инвестиции во нови производствени хали со најсофистицирана технологија која моментално постои во светот ја одржуваат динамиката на компанијата и производствениот континуитет. Изградената нова хала од 2.200 метри квадратни за производство на топло цинкувана жица како и планираната изградба на нов погон за технолошки најсовремените „Грин Машинс“ возила на површина од 4.200 метри квадратни и целосно реновираната производствена хала од 1.000 метри квадратни со нов машински парк за производство на опружна жица се дел од стратегијата на „Брако“ за континуирани инвестиции во својот развој. Преку отворањето нови работни места, „Брако“ директно влијае на намалување на трендот на иселување и на намалување на невработеноста, со што многу млади инженери и техничари од машинската струка ја наоѓаат својата перспектива тука и започнуваат или продолжуваат да ја градат својата кариера.

Новите проекти и инвестиции во „Брако“ ја продолжуваат тенденцијата на отворање нови работни места и тоа во услови на дестабилизирани економски текови во светски рамки.

Од почетокот на годинава до јули, „Брако“ вработи 74 нови лица со што во моментов компанијата брои над 600 вработени. Додека вкупниот број на вработени во Групацијата „Фероинвест“, од која што дел е и “Брако“, ја надмина бројката од 1.000.

Интензивните повеќемилионски инвестиции во нови производствени хали со најсофистицирана технологија која моментално постои во светот ја одржуваат динамиката на компанијата и производствениот континуитет.

Изградената нова хала од 2.200 метри квадратни за производство на топло цинкувана жица како и планираната изградба на нов погон за технолошки најсовремените „Грин Машинс“ возила на површина од 4.200 метри квадратни и целосно реновираната производствена хала од 1.000 метри квадратни со нов машински парк за производство на опружна жица се дел од стратегијата на „Брако“ за континуирани инвестиции во својот развој.

Преку отворањето нови работни места, „Брако“ директно влијае на намалување на трендот на иселување и на намалување на невработеноста, со што многу млади инженери и техничари од машинската струка ја наоѓаат својата перспектива тука и започнуваат или продолжуваат да ја градат својата кариера.

притисни ентер