Македонија

ДИК го затвори избирачкиот список и го промовира избирачкото ливче

Точно 1.814.263 лица ќе имаат право на глас на изборите на 15 јули, откако државната изборна комисија денеска го заклучи списокот.

Најголем број на гласачи има во Куманово или 93 илјади, а најмалку во Вевчани, Кривогаштани и Крушево. Во списокот се содржани и лицата кои до денот на изборите ќе наполнат 18 години, како и сите државјани кои доколку допатуваат во земјата на денот на гласањето ќе можат да гласаат. На овие избори нема да се организира гласање на дијаспората, бидејќи нема доволно пријавени гласачи.

Заклучувањето на избирачкиот список и неговото ажурирање со оглед на кратките рокови, членот на комисијата Борис Кондарко го нарече доказ дека сепак според него, не биле потребни 40 до 50 дена за да се заврши работата. На ова реагираше претседателот на ДИК Оливер Дерковски, кој кажа дека според него, се уште имало многу да се направи, а нормалната постапка ги опфаќала тие рокови.

Интересно е и тоа што на 90 избирачки места во земјава, има помалку од 10 гласачи, што е под законскиот минимум, најголемиот дел од нив во Македонски Брод, Кратово, Пробиштип и Прилеп. Тие ќе можат своето избирачко право да го остварат на најблиското избирачко место, во посебна гласачка кутија.

Вообичаено, на паралментарните избори излезноста е околу 60%, но стравувањата годинава се дека таа ќе биде далеку помала, поради епидемијата и високите температури. Сепак, цензус нема, па гласовите на тие што ќе излезат според пропорционалниот модел ќе бидат распредлени на партиите учеснички на изборите.

Свет

Петмина мигранти, меѓу кои и дете, се удавија при обид да го преминат Ламанш

Најмалку пет мигранти загинаа, меѓу кои и едно дете, додека се обиделе да го преминат Ла Манш и да стигнат до Англија во близина на брегот на Вимеру.

Несреќата се случила утрово околу 5 часот и 30 минути, изјавил градоначалникот на Вимеру, пренесува БФМ ТВ.

Според градоначалникот, спасени се 48 лица, спасувачите се уште трагаат по чамецот, а плажата Вимеру е затворена.

Локалните власти соопштија дека во бродот имало 110 луѓе.

Претходно, во ноќта меѓу 13 и 14 јануари пет лица загинаа на брегот на Вимеру додека се обидуваа да заминат за Британија.

Околу 36.000 мигранти се обиделе да стигнат до Англија преку Ла Манш минатата година.

Живот

Прва објава на Кејт Мидлтон, откако откри дека има рак- има посебен повод (ФОТО)

Инстаграм профилот на Кенсингтонската палата објави фотографија од најмладиот син на Кејт Мидлтон и принцот Вилијам, принцот Луис, по повод неговиот 6-ти роденден.

Фотографијата ја направила неговата мајка.

На фотографијата е насмеаниот принц Луис, кој денес полни 6 години.

„Среќен 6-ти роденден, принц Луис. Ви благодариме на сите за убавите желби“, пишува на фотографијата.

Ова е прво јавно појавување на војвотката од Велс по долго време откако таа се повлече од јавниот живот откако објави дека боледува од рак. Фотографијата на младиот принц ја направила Кејт, која досега многупати фотографирала детски портрети.

Според Sky news, фотографијата е направена во последните неколку дена во Виндзор и се верува дека е немонтирана.

Медиумите пишуваат дека Вилијам и Кејт ја објавиле фотографијата за да им се заблагодарат на сите што им испратиле честитки, а во исто време ја штитат нивната приватност.

Изминатите неколку месеци беа предизвик за семејството откако Кејт објави дека боледува од рак.

Иако се зборуваше дека таа најверојатно ќе се врати на кралските обврски по Велигден, тоа се уште не се случило.

Свет

Вооружените сили на Хондурас заплениле 2,7 тони кокаин, наменет за американскиот пазар

Вооружените сили на Хондурас соопштија дека заплениле 2,7 тони кокаин скриен во два глисери.

Запленети се вкупно 2.760 пакувања со дрога, тешки по еден килограм“, потврдил портпаролот на вооружените сили на Хондурас, Сантос Ноласко, пренесува парискиот весник „Фигаро“.

Дел од дрогата бил закопан на плажа на Карибите, а потрагата продолжува за да се најдат други пакети скриени во областа, рече Ноласко.

На 24 март, поморските сили на малата централноамериканска земја заплениле повеќе од 1,3 тони кокаин и уапсиле 10 осомничени шверцери на дрога кои дејствувале во регионот на Карибите.

Од 1970-тите, Хондурас е транзитна рута за кокаин од земјите производители во Јужна Америка до САД, но во јануари 2022 година, по доаѓањето на власт, новиот претседател Ксиомара Кастро вети дека ќе се бори против трговијата со дрога.

Неговиот претходник, Хуан Орландо Хернандез, беше екстрадиран и приведен во САД набргу откако тој ја напушти претседателската функција.

На крајот од историското судење, федералната порота во Њујорк на 8 март го прогласи Хернандез за виновен за олеснување на увозот на 500 тони кокаин во Соединетите држави помеѓу 2004 и 2022 година.

Хуан Ернандез ќе биде осуден на 26 јуни и се соочува со доживотен затвор.

притисни ентер