Дигиталната наставна платформа E-училница достапна за учениците

Дигиталната платформа Е-училница со видеонастава и активности за учење преку игра  попладнево е достапна на интернет-адресата: www.eduino.gov.mk. 

Оваа национална платформа за далечинско учење се става во функција за да овозможи продолжување на воспитно-образовниот процес за основците и средношколците во услови кога поради КОВИД-19 редовната настава е во прекин.

Платформата е изработена и се организира преку соработка на министерствата за образование и наука и труд и социјална политика, Бирото за развој на образованието и УНИЦЕФ.

Наставниците преку Е-учлницата добиваат алатки за поддршка на учењето од далечина за децата кои привремено не одат на училиште. Од Канцеларијата на УНИЦЕФ посочуваат дека платформата веќе била планирана да се пушти кон крајот на оваа година, но по затворањето на училиштата на 10 март, УНИЦЕФ и партнерите ги мобилизирале сите достапни ресурси за платформата веднаш да ја стават на располагање, додавајќи дополнителни функции, заедно со видеа на предавања од наставници.

Иако првично наменета за предучилишна возраст и ученици од основно училиште, опфатот на платформата сега е проширен на основно и средно образование. Материјалот што се поставува во моментов е фокусиран на материјалот што треба да се опфати до крајот на учебната година. Понудени се видеолекции односно разработка не методски единици за сите одделенија и сите задолжителни предмети, кои траат 15-ина минути и се придружени со презентација, нарација и објаснување од наставник.

-Нашите тимови деноноќно работеа во изминативе две недели за да изнајдат решенија со кои ќе се овозможи да не се наруши правото на образование на децата поради новововедената мерка за спречување на ширењето на корона вирусот во земјата. Степенот на солидарност кај сите што работат во образовниот сектор заедно со наставниците кои волонтираа за да ја поддржат иницијативата е доказ дека во време на криза луѓето се обединуваат, изјави Патриција ди Џовани, претставничка на УНИЦЕФ во земјава.

Повеќе од илјада наставници од целата земја одговориле на повикот на Министерството за образование и наука и УНИЦЕФ да волонтираат при снимањето наставни часови на сите наставни јазици, вклучувајќи македонски, албански, турски, босански и српски. Досега се добиени над 400 видеочасови и секојдневно се поставуваат на платформата.

Министерот Арбер Адеми денеска на прес-конференција соопштувајќи за националната дигитална платформа за едукација соопшти дека е голем интересот за пријавување виделекции, тие се разгледуваат внимателно по содржини за тематски да не се повторуваат.

– Имаме пријави за над 1000 лекции, а пристигнати се досега околу 400 лекции. Секако очекуваме бројката драстично да расте во следните денови, а во меѓувреме апелираме на трпеливост до целосно пополнување со содржини за сите одделенија и по сите предмети, рече Адеми, кој истакна дека очекува од утре платформата да биде достапна и да се применува од училиштата за онлајн-едукација на учениците.

Овој начин на образование додека трае кризниот период станува формален и од наученото ќе зависи исходот со кој секој ученик ќе ја заврши учебната година.

Од УНИЦЕФ посочуваат дека првично платформата била замислена да служи како простор каде што наставниците, воспитувачите и родителите ќе најдат идеи за спроведување нови начини за учење преку игра и креативни алатки со кои се поттикнува социоемоционалниот развој на децата од 3 до 10 години.

Освен видеочасовите, на платформата Е-училница наскоро ќе бидат ставени на располагање сите планирани ресурси и функционалности, вклучувајќи наставни активности преку игра изработени од просветните работници низ повеќе континуирани краудсорсинг-настани.

Платформата ќе биде дел од ресурсите на Бирото за развој на образованието во поддршка на наставната програма и професионалниот развој на наставниците и по привременото затворање на училиштата.

Е-училница ја надополнува иницијатива за ТВ-училница што почна една недела по затворањето на училиштата и која се емитува на МРТ, како и другите алатки во кои спаѓаат разновидни дигитални платформи и апликации за учење дома кои МОН веќе ги препорача.

Е-училница е дел од иницијативата на УНИЦЕФ, финансирана од Владата на Обединетото Кралство преку Британската амбасада во Скопје, во соработка со Министерството за труд и социјална политика, Министерството за образование и наука и Бирото за развој на образованието, а ја имплементира СмартАп-Лабораторија за социјални иновации.

Шевролет Нива од сега е Лада Нива

Руската компанија „GM-AvtoVAZ“ го преименува моделот Шевролет Нива во Лада Нива.

Во минатото оваа компанија беше поделена во сопственост на Руси и Американци, но изгледа дека „AvtoVaz“ го презема водството во компанијата.

На почетокот на декември минатата година е соопштено дека „AvtoVaz“ откупил 50 % од акциите на компанијата „GM-AvtoVAZ“ од американскиот Џенерал Моторс.

Така да од сега автомобилот под име Шевролет Нива, ќе започне да се произведува како Лада Нива.

Автомобилот е инаку достапен со 1.7 литарски мотор од 80 коњски сили.

Николоски: Бордот на директори на ТЕЦ Неготино земале плата од над 2.500 евра

Е такви бандити и криминалци Заев става на функција.

Мојот опонент, мојот против кандидат Зоран Заев нема ден да не се потсетиме на некоја од неговите големи афери, не се добројуваат. Да земам сега тука да ги бројам, до утре ќе треба да останеме, за жал. Ќе набројам неколку. Мојот против кандидат е човекот кој што бараше евро за брат му ама не едно, туку помножено по 200.000 и кажа уште кој се друг платил во штедилницата кај брат му. Мојот против кандидат е човек чие што најтесно семејство вози автомобил кои вие ниту во живот, а ниту јас сме видели и кои што чинат повеќе од вкупната заработка на сите вас за 5 години заедно, вели потпретседателот на ВМРО-ДПМНЕ и носител на листа во изборна единица 4, Александар Николоски денеска на средба пред граѓаните на Кавадарци.

Мојот против кандидат е човек кој што краде каде што ќе стигне. Мојот против кандидат е човек кој што лаже каде ќе стигне. Мојот против кандидат е човек кој што поставува директори на јавни институции кои што пари ставаат во торба. Мојот против кандидат е човек кој што организираше рекет во Република Македонија и е на врвот на пирамидата, „капо ди тути капи“ на сите криминалци во оваа држава и кој што организираше многу бизнисмени да бидат изрекетирани во вредност од преку 20 милиони евра. Мојот против кандидат е човек кој што ги искористува луѓето и ги пушта низ вода и ситните риби ги тера да одговараат за него, за тој да може да биде заштити. Мојот против кандидат е човек кој што го промени името на оваа држава, што воведе двојазичност и што тргува со историјата, рече Николоски.

Николоски, од Кавадарци порача да се внимава со маката и трудот на земјоделците, порачувајќи да се внимава што прават со цената на грозјето бидејќи после 15 јули со ВМРО-ДПМНЕ ќе си имаат работа, односно како што рече тој, грозјето мора да се откупи цело по праведна цена и мора навреме да се плати.

Сакам збор два да кажам за уште две работи. Едната се маките народни и на земјоделците и втората њ криминалот и корупцијата. За маките народни, слушаме одредени големци и олигарси кои што ни ја искрадоа државата во 90тите години си ги добија фабриките на тацна станаа милионери ама не станаа милионери затоа што мобилен телефон измислија или компјутер, или некоја ракета, туку за тоа што покрадоа. И сега истите тие оваа година сакале грозјето за 6, 7 денари. Да им порачам од овде да внимаваат што прават со ВМРО-ДПМНЕ ќе имаат работа после 15 јули, вели Николоски.

Николоски посочи посочи дека секој што се огрешил пред законот после 15 јули ќе мора да одговара, додавајќи дека не е само директорот на Тутунскиот комбинат кој зема енормно висока плата, туку откри дека и директорот на ТЕЦ Неготино и бордот на директори земале високи плати, укажувајќи такви бандити и криминалци Зоран Заев става на функции, вели Николоски.

Околу криминалот и корупцијата, каде и да отидете секаде бандити. Еве две работи сакам да споделам со вас. Бев претходно во Неготино и кажуваат луѓето ТЕЦ Неготино кога работи кога не работи, главно не работи. Си се собрале таму директори си се ставиле си поделиле плата каква што вие не можете да сонувате. Јас мислев дека само во Прилеп е така, таму на пример директорот на Тутунскиот комбинат прима ако не сте знаеле 3.500 евра нето месечна плата, односно 5.500 евра бруто месечна плата. Значи зема 5.500 евра месечна плата, само за споредба цело семејство во Прилеп кое што сади тутун за една година заработува од 5.000 до 7.000 евра. За една година цело семејство, а овој сам за еден месец 5.500 евра. Ама такви херои имало и тука во Неготино и ќе ги кажам по име, затоа што мене тој ми е стилот, директорот на ТЕЦ Неготино зема верувале или не 100.000 денари нето плата, 150.000 денари бруто плата, преведено 2.500 евра плата, името на тој директор е Небојша Стојановиќ и веројатно никој не го знае и никој не го видел, ама мангупот зема 2.500 евра плата.

Па тие пајташите околу него, зошто нели треба да има борд да директори, земаат некаде околу две до 2.300 евра плата, еве да ги кажам нивните имиња. Игор Бојаџиев, Јане Стојменов, Никола Ангеловски, Билјана Митева. Сите овие си земаат по 2.000 до 2.300 евра бруто плата. Такви бандити и криминалци Зоран Заев става на функција, да ги поздравам од овде и сите ќе одговараат од прв до последен после 15 јули за да не ја цицаат маката на луѓето, да има одговорност и во Неготино, и тука во Кавадарци, порача Николоски.

Николоски побара масовна поддршка од кавадарчани за убедлива победа и во Кавадарци, и во цела четврта изборна единица и на ниво на Македонија за заеднички да ја градат Македонија.

Да победиме убедливо во четворката, да излеземе масовно во Кавадарци и да победиме во четвртата изборна единица со 12, 8 и да имаме преку 60 пратеници на ниво на Македонија, и заеднички да ја градиме Македонија.

Центар за комуникации на ВМРО-ДПМНЕ

Протести во Софија, приврзаниците на Радев бараат оставка од Борисов

Пред зградата на Министерскиот совет се приврзаниците на Румен Радев и бараат оставка од премиерот Бојко Борисов.

Два митинга вечерва се одржаа во Софија, едниот со подржувачи на владејачката партија Граѓани за европски развој на Бугарија (ГЕРБ) на премиерот Бојко Борисов, а другиот за поддршка на бугарскиот претседател Румен Радев.

Пред зградата на Министерскиот совет се приврзаниците на Румен Радев и бараат оставка од премиерот Бојко Борисов.

ГЕРБ соопшти дека после завршувањето на митингот, автобусите со нивни приврзаници биле нападнати, но дека немало повредени лица. Тие за нападот ги обвинија приврзаниците на Румен Радев и побараа од претседателот да ги отповика платените провокатори.

притисни ентер