Десет години се премногу за временото решение на мостот на Гемиџиите

Овие железни шипки, десет години, го потпираат мостот Гемиџии во Велес.

Монтирани се поради оштетување кое се појави токму на спојката на мостот со железничката пруга Скопје - Гевгелија. Тогаш соопштија дека железните потпирачи ќе се користат како времено решение кое ќе го запре пропаѓањето додека мостот не биде реконструиран. Но тоа не се случи до денеска, велат граѓаните.

Мостот Гемиџии е дел од најфрекфентната сообраќајница во градот. Граѓаните минат и под мостот бидејќи таму има улица. На јужната страна на конструкцијата, по цела должина, е закачена цевка низ која мине водата од десната на левата страна во градот. Мостот има пукнатини и на уште неколку други места. Од јавното претпријатие за државни паришта велат дека општината од нив веќе побарала помош. Тие испратиле проектанти и сега се чека да дадат решение .

Стручната проверка на состојбата на мостот Гемиџии ја направиле професори oд машински и градежен факултет од Скопје. Со проектот што тие ќе го подготват ЈП ќе бара пари за реконструкција од државниот буџет.



Средба на премиерот Заев со австрискиот амбасадор Вуцас:

Претседателот на Владата на Република Македонија, Зоран Заев се сретна со Георг Вуцас, амбасадор на Република Австрија во нашата држава.

На состанокот се изразени честитки за изборот на новата Влада и e потврдена поддршката од Австрија за европските интеграции на нашата држава.

Премиерот Заев упати порака до австрискиот канцелар Курц дека и новоизбраната Влада во земјава е целосно посветена на европскиот пат.

На средбата е изразена согласност дека владеењето на правото е една од клучните области за Република Македонија и за интеграциите и притоа е констатирано дека Австрија може да помогне во унапредувањата во оваа област.

„Големи можности се сега пред нас, откако воспоставивме добрососедски односи со сите соседи и со тоа создадовме можности за бенефити за нашите граѓани на домашен план. Тоа се економските можности од значење и за граѓаните и за државата. Владата, со развојот на економијата, е цврсто определена да работи и на владеењето на правото и е подготвена да соработува и со Австрија и со европските институции со цел усогласување на праксите и легислативата", рече премиерот Заев.

Претседателот на Владата, Заев, зборуваше и за насоченоста на Владата кон развој на образованието и на здравствениот систем и се заблагодари за солидарноста од Австрија и државите на ЕУ за време на здравствената криза.

На состанокот е констатирано дека економската соработка помеѓу Република Македонија и Република Австрија е одлична и дека има можности за интензивирање на билатералните односи во следниот период, во областа на инвестициите, здравството, енергетиката, трговијата, културата, земјоделството.

Саниран пожарот на градската депонија „Острец" во Делчево

 Саниран е пожарот на градската депонија чиј густ чад во текот на вчерашниот ден беше видно заблежлив како се шири над градот Делчево. 

Пожарот во моментот е изгаснат, а како што информираа надлежните од комуналното претпријатие, гаснењето траело до доцните вечерни часови.

– Во попладневните часови во текот на вчерашниот ден, беше запалена, односно самозапалена депонијата за комунален отпад „Острец". Од страна на Јавното комунално претпријатие „Брегалница" Делчево веднаш е интервенирано со две градежни машини ровокопачи и камион кипер и до доцните вечерни часови опожарениот простор е саниран со земја и песок, информираа од ЈКП „Брегалница".

Со оглед на тоа дека опожарување на депонијата постојано се случува во попладневни часови за време на викенд, од претпријатието додадоа дека голем е сомнежот дека се работи за намерно запалување на истата, но не е исклучена можноста и од самозапалување.

– Поради ова во текот на денешниот ден до МВР ОВР Делчево ќе биде поднесена кривична пријава против непознат сторител заради испитување на случајот, додадоа од ЈКП „Брегалница".

Според сомнежот на надлежните опожарувањето го вршат лица кои собираат секундарни суровини.

Бектеши: Четвртиот сет на мерки до крајот на неделава

Очекувам до крајот на неделава да биде готов четвртиот сет на мерки за помош на граѓаните и стопанството. 

Со новиот сет на мерки ќе бидат таргетирани најпогодените сектори, но и граѓаните кои имаат најмногу потреба со цел за заеднички да ја пребродиме корона кризата, истакна денеска министерот за економија Крешник Бектеши.

– Како што најави и премиерот Зоран Заев ние веќе имавме неколку состаноци, а одржавме и економски совет. Денеска продолжуваме со состаноците на кои ги правиме сите проекции. Веќе се добиени сите барања од стопанските комори и моментално се прават последните анализи. Како институција ги пративме и нашите предлози имајќи во предвид дека имавме повеќе состоноци со стопанските комори и очекувам дека во текот на неделава ќе излеземе со четвртиот сет на економски мерки со цел да им помогнеме на граѓаните, но истовремено и на стопанството, рече Бектеши во одговор на новинарско прашање на денешната прес-конференција заедно со директорот на ТАВ Алпер Ерсој.

Тој нагласи дека не би можело да се каже дека земјава понудила најмала помош во околината за стопанствотоа ако се има во превид вредноста на првите три сета на економски мерки за справување со последиците од пандемијата со Ковид-19.

притисни ентер