Денеска се регистрирани 200 нови случаи на ковид 19

Починати се 4 лица, пациент од Скопје (70г.), пациент од Гостивар (58г.), пациент од Куманово (51г.) и пациент од Македонски Брод (66г.). Два пациенти се починати во болнички услови, два се починати вонболнички.

Министерството за здравство информира дека во последните 24 часа се направени 1828 тестирања, а регистрирани се 200 нови случаи на ковид-19 во: Скопје-65, Куманово-14, Дебар-6, Штип-21, Прилеп-3, Тетово-12, Струга-5, Велес-12, Битола-7, Охрид-4, Кавадарци-7, Гостивар-14, Струмица-1, Крива Паланка-1, Радовиш-4, Кочани-5, Пробиштип-3, Демир Хисар-2, Македонски Брод-4, Свети Николе-3, Кичево-6, Неготино-1.

Денеска Институтот за јавно здравје регистрира 15 оздравени пациенти од: Велес-2, Битола-6, Демир Хисар-1, Македонски Брод-1, Кичево-3, Ресен-2.

Починати се 4 лица, пациент од Скопје (70г.), пациент од Гостивар (58г.), пациент од Куманово (51г.) и пациент од Македонски Брод (66г.). Два пациенти се починати во болнички услови, два се починати вонболнички.

Вкупната бројка на ковид дијагностицирани во нашата земја од почетокот на епидемијата изнесува 11754, бројката на оздравени пациенти е 7622, на починати е 523, а во моментов бројот на активни случаи во земјата изнесува 3609. Во моментов дистрибуцијата по градови е следна:

• Скопје 5116, активни 1305

• Куманово 1139, активни 267

• Дебар 216, активни 125

• Штип 944, активни 392

• Прилеп 344, активни 48

• Тетово 1093, активни 208

• Струга 478, активни 195

• Велес 239, активни 30

• Битола 161, активни 71

• Охрид 298, активни 90

• Кавадарци 104, активни 82

• Гостивар 549, активни 313

• Гевгелија 24, активни 13 (*7 лица од ПЕ Гевгелија се жители на Дојран, 3 на Богданци)

• Струмица 40, активни 24

• Крива Паланка 26, активни 12

• Радовиш 33, активни 10

• Крушево 16, активни 7

• Кочани 113, активни 25

• Пробиштип 62, активни 20

• Демир Хисар 42, активни 31

• Македонски Брод 51, активни 40

• Пехчево 6, активни 0

• Берово 8, активни 4

• Валандово 7, активни 1

• Виница 28, активни 24

• Делчево 5, активни 4 (*4 лица од ПЕ Делчево се од Македонска Каменица)

• Кратово 14, активни 4

• Свети Николе 233, активни 121

• Кичево 188, активни 115

• Ресен 146, активни 17

• Неготино 31, активни 11 (*10 лица од ПЕ Неготино се жители на Демир Капија)

Направените 1828 теста се преку: ИЈЗ-868, ЦЈЗ Скопје-20, Авицена-162, Биотек-141, МАНУ -95, Жан Митрев (Филип Втори)-315, Систина со PCR метода -148, Судска медицина -0, ЦЈЗ Битола-61, Инфективна клиника-8, ГАК-10. Досега во земјата се направени вкупно 113619 тестирања на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 4 пациенти. Вкупно се хоспитализирани 80 пациенти. На кислородна поддршка се 37 пациенти, нема на механичка вентилација.

Во болницата во Козле се хоспитализирани 14 возрасни пациенти позитивни на ковид-19 и 4 деца позитивни на вирусот, а 3 пациенти суспектни на вирусот.

Во ГОБ „8 Септември" примени се 9 нови, вкупно хоспитализирани се 74 пациенти. На респираторна машина се 5 пациенти.

Во болницата во Битола се хоспитализирани 28, а во болницата во Штип се хоспитализирани 46 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 123 пациенти - позитивни и сомнителни на ковид-19.

Парис Хилтон:Јас сум многу интелигентна,само се преправам дека сум глупава(ВИДЕО)

Парис Хилтон, која на луѓето им е позната не само како богата наследничка, туку и по улогите во неколку филмови во кои главно играше ликови на „глупави русокоси“, откри во интервју за „Санрајс“ дека цело време само се преправала дека е таква.

Парис пред камерата откри како навистина звучи нејзиниот глас.

„За сето ова време јас всушност се преправав каква што не сум во реалниот живот и луѓето никогаш немале шанса да ме запознаат подобро“, рече таа.

"Јас сум всушност многу интелигентна и воопшто не сум глупава. Јас сум навистина добра во тоа да се преправам", признала таа.

На прашањето зошто токму сега решила да му го открие на светот своето вистинско јас, таа одговори дека смета дека е вистинско време за овој потег.

"Поминав толку многу и сакам да ги разбијам предрасудите што се појавија во врска со мене. Исто така, важно ми е луѓето да ме паметат по она што го постигнав , а не за моето наследство. Сакам да ме паметат како успешна деловна жена, а не како некоја будала", додаде таа.

Со цел луѓето да имаат подобар увид во животот на оваа славна 39-годишна девојка, Парис реши да сними документарец за сопствениот живот, кој наскоро ќе биде достапен за сите бесплатно на YouTube.

Во документарецот, ќе се види како Парис го снима гласот и се обидува да го направи што е можно поиритирачки.

Ердоган е подготвен за средба со Мицотакис поради спорот во Медитеранот

Турскиот претседател Реџеп Таип Ердоган изјави денеска дека е подготвен да се сретне со грчкиот премиер Киријакос Мицотакис, доколку тој покаже „добра волја“ во кризата што изби меѓу двете земји поради источниот Медитеран.

Изјавата на Ердоган доаѓа во време кога тензиите меѓу двете земји се на врвот среде истражувањето на полиња со гас во водите за кои тврдат дека се на нивна територија и Турција и Грција.

Спорот денеска влезе во нова фаза кога Министерството за надворешни работи во Анкара го повика грчкиот амбасадор во Турција, откако грчкиот весник „Демократија“ објави наслов за Ердоган на турски јазик и му напиша „губи се“.

"Грчкиот весник излезе денес со грд наслов кој се однесува на претседателот Ердоган. Го поканивме грчкиот амбасадор", изјави пред новинарите турскиот министер за надворешни работи Мевлут Чавушоглу.

Ердоган претходно денеска рече дека „нема проблем да се состане со грчкиот премиер Мицотакис“.

„Но, важно е да знаеме за што ќе разговараме и во колкава мера“, додаде тој, условувајќи го таквиот состанок со покажување на „добра волја“ од Атина.

Турскиот претседател исто така рече дека враќањето на Оруч Реис во неделата, истражувачки брод испратен од Анкара кон источен Медитеран, кој ги разгоре тензиите со Грција, „ќе и даде шанса на дипломатијата“.

Очигледно повикувајќи се на неодамнешната посета на грчкиот претседател на островот Кастелориз во близина на турската граница, Ердоган ја повика Атина да не „покажува сила“. „Во спротивно можеме да покажеме уште повеќе.

Грчкиот министер за надворешни работи, Никос Дендиас, кој е во посета на Прага, рече дека неговата земја е подготвена за дијалог со Турција доколку таа „престане да провоцира во регионот“.

Тензиите меѓу Турција и Грција ескалираа кон крајот на август кога двете земји организираа ривалски воени вежби.

Кризата е на агендата на Европскиот самит на 24 и 25 септември во Брисел.

Дендиас денеска ја повика ЕУ да состави список со санкции „што би можеле да и бидат наметнати на Турција ако не ги запре своите незаконски активности“.

Италија со најголем дневен број новозаразени со корона од почетокот на мај

Италија регистрира 1.907 нови случаи со коронавирус во последните 24 часа, најголемо дневно зголемување од почетокот на мај, соопшти денеска Министерството за здравство.

Уште десет лица починале од ефектите на вирусот.

Последен пат слично зголемување на дневниот број на инфекции е забележано на 1 мај, кога имало 1965 нови случаи.

Од почетокот на пандемијата, Италија забележа 294.392 заболени и 35.668 смртни случаи.

Бројот на заразени е во пораст во последните шест недели, според италијанските здравствени власти, иако не е толку голем како во Шпанија или Франција.

Расте стравот од втор бран неконтролирана епидемија во Италија, која беше сериозно погодена од коронавирусот во февруари.

Зголемувањето делумно се должи на повторното отворање на училиштата во понеделникот по пауза од шест месеци.

Големите сили сè уште не успеваат да ги здружат силите за борба против пандемијата, изјави денеска лидерот на СЗО, Тедрос Аданом Гебреизус, во време кога бројот на заразени луѓе во светот надмина 30 милиони.

„Големите сили не работат заедно“, рече Тедрос на брифинг со новинарите во Женева, образложувајќи ја својата главна порака до светските лидери додека се подготвуваат за годишното Генерално собрание на ООН што започнува следната недела.

Тедрос рече дека исто така ќе ги повика лидерите на Генералното собрание да ги соберат потребните 35 милијарди американски долари за забрзување на развојот на лековите и вакцините против ковид-19.

притисни ентер