Демократи од Сенатот бараат учество на САД во истрагата за убиството на новинарката

Демократи од Сенатот бараат учество на САД во истрагата за убиството на новинарката на Ал Џазира.

Речиси половина од членовите на Демократската партија во Сенатот на САД, ја повикаа администрацијата на претседателот Џо Бајден, директно да учествува во истрагата за убиството на палестинската новинарка Ширин Абу Аклех на окупираниот Западен брег во мај.

„Веруваме дека, како лидер, во напорите да се заштити слободата на печатот и безбедноста на новинарите и имајќи го предвид фактот дека Абу Аклех беше американска државјанка, Владата на САД има обврска да обезбеди сеопфатна, независна и отворена истрага за нејзината смрт, каде сите страни ќе имаат целосна доверба во конечните резултати“, се наведува во писмото на 24 од 50 сенатори во демократскиот блок, вклучувајќи го и Берни Сандерс од Вермонт, упатено до Бајден.

Аклех е убиена за време на конфликтот меѓу израелските војници и вооружените Палестинци во израелската рација во палестинскиот град Џенин на 11 мај, потсетуваат израелски медиуми.

Палестинската управа тврди дека долгогодишната новинарка на Ал Џазира намерно е убиена од израелски војници.

Израел ги отфрли обвинувањата и наведе дека не е можно да се утврди кој го испукал смртоносниот куршум, доколку Палестинската управа не го предаде, што таа одбива и неделава ја побара војничката пушка од која можно е да се пукало.

Постојат сомнежи за израелската верзија за трагедијата, затоа што колега на новинарката сведочел дека новинарите стоеле пред израелскиот воен конвој и носеле елеци со напис „прес“, како и шлемови, со цел да се знае оти тие не се борци.

Во писмото се наведуваат и независните истраги на некои медиуми, каде заклучено е дека војниците, најверојатно, се одговорни за убиството.

Неделава Њујорк тајмс им се приклучи на Вашингтон пост, АП и на Си-ен-ен, во донесување на таков заклучок.

Медиуми објавија дека немало палестински оган кога е убиена Аклех.

Американско – израелскиот комитет за јавни работи се обиде да го спречи објавувањето на писмото и ги предупреди сенаторите да не бидат пристрасни против Израел, околностите на убиствата и понатаму биле нејасни, а во писмото се „подразбира вината на Израел и неспособноста да води објективна и темелна истрага“.

Засега, администрацијата на Бајден се фокусираше на тоа да се охрабрат палестинската и израелската страна да ги споделат доказите, наместо да се вклучи во истрагата.

Официјално лице од администрацијата на Бајден во мај изјави за израелски медиуми дека САД нема да отвораат своја истрага. Медиуми коментираат дека може да се очекува оти на сенаторите нема да им биде лесно да ја остварат својата цел.

Украина до Турција: Задржете го рускиот брод со нашето украдено жито и уапсете го екипажот

Украина вчера побара од Турција да го заплени товарниот брод со руско знаме Жибек Џоли, кој превезувал украинско жито запленето од окупираното пристаниште Бердјанск, и да го уапси неговиот екипаж.

Официјален претставник на украинското Министерство за надворешни работи, повикувајќи се на информации од Украинската поморска управа, соопшти дека бродот Жибек Џоли превезувал приближно 4.500 тони жито, натоварено во Бердјанск, за кое службеникот тврди дека ѝ припаѓа на Украина.

Во одвоено писмо до турското Министерство за правда, украинското државно обвинителство на 30 јуни соопшти дека Жибек Џоли бил вклучен во „нелегалниот извоз на украинско жито“ од Бердјанск, дека неговата дестинација е градот Карасу во Турција и дека превезувал 7.000 тони товар, што е поголема бројка од онаа наведена од службеното лице.

Турското Министерство за надворешни работи не било веднаш достапно за коментар во врска со доаѓањето на бродот.

Од казахстанската транспортна компанија КТЗ Експрес потврдиле дека Жибек Џоли е во нивна сопственост, но велат дека е ангажиран од руската компанија Грин Лајн, која не е на ниту една листа за санкции.

Украина ја обвинува Русија дека краде жито од областите окупирани од руските сили од почетокот на инвазијата на крајот на февруари.

Ковачевски во телефонски разговор со Шолет: Високо ја ценам поддршката на Стејт департментот

Претседателот на Владата Димитар Ковачевски вечерва телефонски разговараше со Советникот на Стејт департментот, Дерек Шолет во присуство на амбасадорката на САД, Кејт Мери Брнз.

Премиерот Ковачевски изрази огромна благодарност до Стејт департментот и рече дека високо ја цени поддршка и интересот за нашата земја во овие клучни моменти за државата.

Исто така го информираше советникот Шолет за процесот на широка консултација со сите чинители во општеството кој Владата најодговорно го започна веднаш по добивањето на европскиот предлог. Премиерот во разговорот уште еднаш ги потврди и посочи на јасните определби на Владата кои се темелат на демократските вредности и припадност кон прогресивниот свет кои за нас немаат алтернатива, бидејќи тоа е единствениот пат кој води кон напредок и просперитет, се наведува во соопштението од Владата..

САД ѝ праќаат на Украина ракетни системи, со кои ги бранат Белата куќа и Конгресот (ВИДЕО)

САД денеска официјално објавија дека на Украина ќе ѝ испратат нов пакет воена помош. Станува збор за оружје вредно 820 милиони долари.

Новиот пакет воена помош ќе вклучува ракети земја-воздух и противартилериски радари, кои би требало да ѝ помогнат на Украина поуспешно да се справи со руските удари со долг дострел, кои во последно време стануваат сѐ почести.

Пентагон објави и дека во Украина ќе испрати околу 150.000 парчиња артилериска муниција.

Ова е 14-ти американски пакет воена помош за Украина од август 2021 година. Севкупно, Америка за Украина обезбедила оружје и обука во вредност од 8,8 милијарди долари.

Како дел од новиот пакет воена помош, САД ќе купат два системи од типот НАСАМС од Норвешка. Станува збор за системи за противвоздушна одбрана кои се користат за заштита на воздушниот простор околу Белата куќа и зградата на Конгресот во Вашингтон.

Пентагон, исто така, најави дека ќе испрати повеќе муниција во Украина за модерните повеќецевни ракетни фрлачи HIMARS, кои првпат беа испратени минатиот месец.

притисни ентер