Делегација на ЕУ: Промената на Уставот е суверен избор на државата

Моделот за промена на Уставот е суверен избор на државата, велат од делегацијата на Европската унија во земјава на прашање на Канал 5 околу предлогот на ВМРО-ДПМНЕ за хрватскиот модел во однос на преамбулата..

Делегацијата на Европската Унија во земјава не сака да го коментира предлогот на лидерот на ВМРО-ДПМНЕ Христијан Мицкоски за промена на македонскиот устав по хрватски терк ... Оттаму за Канал 5 велат дека Промената на Уставот е суверен избор на државата и дека нема да коментираат поеднечни изјави.

„Промената на Уставот е суверен избор на државата. Нема да коментираме поединечни изјави.

Инаку, претходно, токму евроамбасадорот Дејвид Гир во неколку наврати го посочи хрватскиот Устав како пример и аргумент за внесување на Бугарите во македонскиот устав.. Денеска, пак, Гир рече дека тоа го споменувал само како илустрација...

„Се разбира дека секоја земја си има свој Устав во зависност од спецификите и според околностите коишто секоја поединечна држава ги има. Ние понекогаш го споменуваме Уставот на Хрватска само како илустрација дека има многу различни етнички заедници, повеќе од 20 вклучувајќи ги Бугарите, Албанците и Македонците за Устав кој е позитивен пример и кој покажува дека вклучувањето на овие заедници не го загрозува националниот интерес или идентитетот“, рече Гир.

Во меѓувреме, од Министерството за правда за Канал 5 најавуваат дека утре ќе упатат покани до сите парламентарни партии за учество во работната група, а велат дека веќе е разговарано и со екперти по уставно право кои би ги изготвиле амандманите.

Дали ВМРО-ДПМНЕ е подгтовено својот предлог да го брани во тоа тело, како што ги повикаа од СДСМ и ДУИ, одговор од партијата нема... Од таму, веќе трет ден ги повикуваат владеачките партии да се изјаснат за предлогот на нивниот лидер Мицкоски...

„Во уставот на Република Хрватска јасно пишува НАЦИОНАЛНИ МАЛЦИНСТВА, а во уставот на Република Македонија ДЕЛОВИ ОД НАРОД. Разликата е голема - македонскиот народ е изедначен со останатите народи кои живеат во Македонија, за разлика од националните малцинства во Хрватска. Во Хрватска јасно пишува дека е национална држава, за разлика од Македонија која е воспоставена како граѓанска држава“ вели Митева.

Инаку, хрватскиот устав ја дефинира земјата како национална држава на Хрватите и националните малцинства што живеат во неа. Македонската преамбула беше речиси иденстична со хрватската во првиот Устав од 1991, во кој државата беше дефинирана како национална држава на маедонскиот народ во која се обезбедува целосна граѓанска рамноправност со Албанците, Турците, Власите и другите националности... но оттогаш претрпе 2 измени по рамковниот и преспанскиот договор и сега Преамбулата гласи дека Македонија е држава на македонскиот народ и дел од албанскиот, турскиот, влашкиот , српскиот, ромскиот, бошњачкиот и другите народи.

Младенци дошле во Европа на меден месец, па им се случила трагедија- невестата одеднаш починала

Австралијка, која неодамна се омажила, починала во прегратките на својот сопруг откако доживеала мозочна аневризма додека биле на меден месец во Европа.

Медисон Норона од Нов Јужен Велс колабирала додека шетала во Амстердам со својот сопруг, откако доживеала мозочно крварење.

Нејзиниот сопруг Кајл со скршено срце изјавил дека била оперирана за да се намали притисокот од крварењето и „се борела до самиот крај“.

„Лекарите не можеа да поверуваат колку е голема аневризмата и не можеа ништо да направат за да ја спречат или спасат“, напишал тој на Интернет.

Рече дека Меди се борела како и секогаш до самиот крај, пренесува Daily Mail.

„Таа почина во моите раце опкружена со нејзините најблиски во 22.59 часот во Амстердам. Не можам да поверувам што се случи, скршен сум на милион парчиња.“

„Секогаш и засекогаш, душо“, напишал скршениот сопруг.

Десетици луѓе му испратија пораки со поддршка и сочувство по страшната вест.

Медисон и Кајл се венчале на 21 април.

Поставена е страница GoFundMe за да се соберат пари за да се врати Медисон дома во Австралија.

Пијан малолетник во Индија со Порше прегази две лица, доби казна- да напише есеј

Гневот расте во Индија откако на тинејџер кој наводно уби две лица додека возел пијан, му било наредено да напише есеј како казна, а многумина повикаа на построга казна и го обвинија судството за попустливост.

Несреќата се случила минатиот викенд, а 17-годишникот со Порше со голема брзина се движел низ градот Пуна пред да удри во мотоцикл, при што загинале две лица. Малолетникот бил приведен, а подоцна изведен пред Судот за малолетници, каде бил пуштен со кауција и 15 дена општествено корисна работа.

Тој, исто така, бил казнет да напише есеј за безбедноста на патиштата, рече заменик-главниот министер на Махараштра, Девендри Фаднавис.

„Гневот порасна после ова. Според полициските информации, момчето има 17 години и 8 месеци. Ова е грозоморно злосторство“, им рече тој на новинарите, посочувајќи на промените во индиските закони за малолетници од 2015 година кои дозволуваат на децата над 16 години да им се суди како на полнолетни лица доколку извршиле „грозоморно“ кривично дело.

„Ова беше изненадувачка наредба донесена од Одборот за малолетничка правда“, рече Фаднавис.

CNN се обиде да дојде до адвокатот на наводниот возач, Прашант Патил, за коментар.

Фаднавис додаде дека градската полиција на Пуна го истражува малолетникот за наводно убиство кое не значело убиство. Тие, исто така, побарале од судот за малолетници да ја разгледа одлуката за кауција, рече тој.

На снимката од надзорната камера, неколку моменти пред несреќата, се гледа бело Порше кое брзо се спушта по главната сообраќајница. Се гледаат луѓе како брзаат кон местото на несреќата.

Таткото на малолетникот е уапсен бидејќи наводно му дозволил на својот син да вози иако бил малолетен, објави полицискиот комесар на градот Пуна, Амитеш Кумар. Законската возраст за возење во Индија е 18 години.

Уапсени се и три лица кои служеле алкохол на малолетници, додаде Кумар.

„Ние го усвоивме најстрогиот можен пристап и ќе направиме сѐ што е во наша моќ за да обезбедиме двата млади изгубени животи да добијат правда и обвинетиот да биде соодветно казнет“, рече тој.

Инцидентот е на насловните страници во индиските медиуми и предизвика гнев кај пошироката јавност, а многумина на социјалните мрежи ги осудуваат условите за кауција на момчето.

Суреш Кошта, чија 24-годишна ќерка загина во несреќата, ги повика властите да преземат построги мерки против наводниот возач.

„Беше погрешно да се дозволи малолетник да вози“, им рече тој на новинарите надвор од својот дом, задржувајќи ги солзите. „Прво треба да знаете да возите.“

Рахул Ганди, лидер на главната опозициска партија во Индија, Индискиот национален конгрес, праша дали возач на автобус или таксист ќе бидат подеднакво казнети.

„17-годишен син на богато семејство вози Порше под дејство на алкохол е фатен и барано е да напише есеј“, рече Ганди во видеото објавено на X. „Тогаш зошто есеи не им се доделени на возачи на камиони или возачи на автобуси?"

Мечка влезе во ресторан и учтиво седна на маса- келнерите не се појавија (ВИДЕО)

Видеото е снимено на 16 мај во планинско одморалиште во градот Гетлинберг (Тенеси), а видеото стана вирално на мрежите.

Имено, шумската ѕверка сакала да се „интегрира во општеството“, па учтиво влегла во ресторан, седнала на стол и се послужила со остатоците.

Кој знае, можеби мечката сакала да порача нешто од менито, но од келнерот нема ни трага ни глас.

Останува нејасно како животното било избркано, бидејќи снимањето е прекинато, а во позадина се слуша глас кој ги предупредува гостите „да се преместат на безбедно растојание“.

притисни ентер