Дел од невладините бараат државната мерка за плати да продолжи и во наредните месеци

Дел од невладините бараат државната помош за исплата на плати да продолжи и во наредните месеци...Според нив, мерката се покажала во добро светло, а зачувани биле илјадници работни места...

Државната помош за исплата на плати да продолжи и во наредните месеци, препорачуваат експертите. Од невладината Фајненс тинк велат дека мерката се покажала во добро светло, зачувани биле 65 илјади работни места досега. Пресметале дека доколку мерката продолжи до месец март – тоа ќе ја чини државата најмногу 50 милиони евра, колку што се потрошиле и последните три месеци.

Во моментов се крои и 5тиот пакет економски мерки, кој според најавите треба да биде објавен следниот месец. Мерката беше широко прифатена и од стопанските комори, па и тие бараат да продолжи и во наредниот период.

Мерката беше најприфатена, но и со најмногу малверзации. Добар дел од фирмите наместо на вработените, парите ги ставија в џеб.

Последните бројки покажуваат дека 800 вработени не ја зеле ноемвриската плата. Газдите веќе се соочиле со опомени. УЈП во моментов истражува колку од работодавците по опомените ја исплатиле платата, а за колку од нив ќе треба да следи присилна наплата или блокирање на сметката.

Токму тоа беше и причината поради која синдикатите и тогаш, но и сега бараат парите да се префрлаат директно на сметките на работниците, а не на газдите како што беше досега.

Хјундаи во наредните три години ќе инвестира 47 милијарди евра, пред сѐ за електрични возила

Компанијата Хјундаи денеска објави дека ќе инвестира 68 трилиони вони (околу 47 милијарди евра) во текот на три години во Јужна Кореја, главно за да го зголеми производството на електрични возила (ЕВ) и да вработи 80.000 нови работници во секторот.

Јужнокорејската компанија наведува дека повеќе од половина од таа инвестиција ќе биде наменета за електрични возила, односно за нова истражувачка и развојна инфраструктура, како и производствени линии, пренесе Ројтерс.

Агенцијата забележува дека зголемувањето на инвестициите се случува во време кога другите етаблирани производители на автомобили го намалуваат производството.

Главниот оперативен директор на Hyundai, Хозе Муњоз, на саемот за автомобили во Њујорк најави дека бројот на електрични возила ќе се удвои.

„Многу сме посветени на пазарот на Соединетите Американски Држави“, истакна тој.

Hyundai во ноември објави дека инвестира 11,6 милијарди евра во нови посебни капацитети за производство на електрични возила и батерии во Грузија, што е најголема инвестиција надвор од Јужна Кореја.

Додека јужнокорејската компанија ги зголемува инвестициите во електрични возила, конкурентските производители на автомобили планираат да го намалат производството на ЕВ и да го префрлат капиталот главно на хибридни модели.

Руски воен авион се урна во близина на Крим

Руски воен авион денеска се урна во морето во близина на кримското пристаниште Севастопол, изјави гувернерот на регионот назначен од Русија.

„Пилотот безбедно се катапултирал и бил спасен. Цивилни објекти не се оштетени“, изјави гувернерот на Севастопол, Михаил Развозаев, пренесува Ројтерс.

Претходно руските канали Телеграм објавија дека руски борбен авион Су-35 се урнал во близина на Севастопол.

Не е јасно како дошло до инцидентот.

Таравари на панел дискусијата за интеграција на лицата со попреченост

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија .

Претседателот на Алијансата за Албанците и кандидат за претседател од коалицијата ВРЕДИ, Арбен Таравари, заедно со претседателот на Движењето Беса, Билал Касами, учествуваа на важна панел дискусија за интеграцијата на лицата со попреченост во општеството.

На панел дискусијата се разговараше за потребите и барањата на оваа значајна категорија.

Темата за интеграција на лицата со попреченост во општеството е многу важно прашање за кое е важно да се има широка свест и соработка на општествено и политичко ниво, а учеството на Таравари на овој панел ја покажува неговата посветеност да се справи со проблемите со кои се соочуваат оваа категорија лица и да се промовира поинклузивно и еднакво општество за сите.

Покрај дискусијата за потребите и барањата на лицата со попреченост, важно е оваа дискусија да води кон конкретни акции и политики ориентирани кон нивна поддршка, се наведува во соопштението.

притисни ентер