Дефинитивно пописот се одлага - ќе се чека датум од новата влада

Пописот на населението кој се предвидуваше да се спроведе во Април идната година отпаѓа заради изборите – велат од Државниот завод за статистика. 

Од таму додаваат дека се затекнати од вчерашната одлука за предвремени парламентарни избори во истиот период, но и дека до сега во ниту една држава не се одржале избори и попис истовремено. Сепак, директорот на заводот Апостол Симовски, вели дека остануваат на ставот пописот да се спроведе годинава.

Симовски го повика и пратениците час поскоро да го изгласаат предлог-законот за попис, за да започнат со процедурата за спроведување на статистичката операција. Но, од технички причини вели дека отпаѓа целиот период од Јануари до Април идната година. Според него, најсоодветни термини заради мобилноста на населението вообичаено се Март или Октомври.

Македонија е без попис на населението цели 17 години. Последната таква статистичка операција беше спроведена во 2002 година, а обидот за спроведување на попис во 2011 година неславно заврши по серијата политички проблеми во владејачката коалиција ВМРО-ДПМНЕ - ДУИ и меѓусебните обвинувања на релација власт-опозиција.

Пропаднатиот попис во тоа време ја чинеше државата десетина милиони евра, а СЈО отвори и страга во која осомничени се Никола Груевски и Али Ахмети.

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

Мериленд доби помош од 60 милиони долари по уривањето на мостот во Балтимор

Американското Министерство за транспорт денеска и додели 60 милиони долари на сојузната држава Мериленд за помош по уривањето на мостот Френсис Скот Ки откако во него удри товарен брод.

Гувернерот на Мериленд Вес Мур претходно побара средства за помош во „мобилизацијата, операциите и отстранувањето на отпадот“.

Мур додаде дека овие средства ќе ги постават темелите за брзо закрепнување.

Инаку, по уривањето неколку работници паднаа во водите на реката Патапско. Телата на двајца мажи, на возраст од 35 и 26 години, беа пронајдени во средата, на 7,6 метри под вода во реката Патапско.

Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт.

Несреќата се случи во вторникот откако товарниот брод „Дали“ удри во еден од столбовите на мостот. /МИА

Земјотрес во Грција со јачина од 5,7 степени

Земјотрес со јачина од 5,7 степени, според податоците од Геодинамичкиот институт на Националната опсерваторија во Атина, беше регистрирани кусо по 9 часот во морскиот дел западно од грчкиот полуостров Пелопонез, јави дописничката на МИА од Атина.

Земјотресот беше почувствуван во целиот регион на Пелопонез, особено во западниот дел, но и во Атина.

Засега нема информации за повредени или материјална штета.

Геодинамичкиот институт првично објави дека биле регистрирани два земјотреси од 5,6 и 5,7 степени со неколку секунди разлика, нешто што кусо подоцна го промени во еден земјотрес, а и според Европско-медитеранскиот сеизмолошки центар, станува збор за еден земјотрес со јачина од 5,7 степени. /МИА

притисни ентер