Дали здравствениот кадар, полицајците и војниците се доволно заштитени?

Кубурат ли со основната заштитна опрема оние кои се во првата борбена линија против коронавирусот ?

Црвениот аларм светна откако заразата се појави и кај луѓе кои се здравствени работници, полицајци, но и припадници на армијата..

Здравствените работници им се потребни на граѓаните повеќе од било кога до сега, велат од самостојниот синдикат за здравство фармација и социјална заштита. Од таму апелираат до менаџерските тимови на сите здравствени установи максимално да се придржуваат на мерките за превенција, особено за оние вработени кои се во дирктен контакт со пациентите.

Дел од лекарите пак сами се снаоѓаат при набавката на маски и дезинфекциски средства, велат од Здружението на матични лекари.

Полицајците се оние кои ги спроведуваат мерките, како полицискиот час и задолжителниот карантин и самоизолација, но дел се и на терен во кризните подрачјапоради што се во директен контакт со граѓани меѓу кои има и потенцијално заболени.Од Македонскиот полициски синдикат велат дека полицајците не се доволно заштитени и апелираат до МВР да им ги обезбедат основните средства. Од синдикатот се заблагодаруваат и на неколку македонски компании кои се вклучиле во изработка и донација на маски за полицијата.

Од МВР велат првиот јавен повик за набавка е веќе завршен и на него се јавиле повеќе од 80 економски оператори со кои биле склучени поединечни договори.

“Врз основа на тие договори дел од средствата за дезинфекција се веќе пристигнати во магацините и истите се во фаза на дистрибуција до сите организациски единици на територијата на Македонија, а останататата заштитна опрема се очекува да пристигне во најкраток период и истата веднаш ќе биде ставена на располагање на полициските службеници.” - Велат од МВР.

Од Генералштабот на АРМ велат дека засега ја имаат потребната опрема за оние кои се најизложени, како што се војниците во подрачјето на Дебар, но и дека постојано им пристугнуваат донации за да се опремат и останатите кои не се во првата линија.

Најмалку 45 загинати во автобуска несреќа во Јужна Африка

Најмалку 45 лица загинаа во сообраќајна несреќа во Јужна Африка во која учествувал автобус, соопшти јужноафриканското Министерство за транспорт.

Едно лице е тешко повредено.

Несреќата се случила во близина на Маматлакала, во провинцијата Лимпопо, јавува Ројтерс.

Дејвид Бекам објави снимка како вежба: Не сакам ова да го види жена ми (ВИДЕО)

Дејвид Бекам се пофали на Инстаграм со видео на кое вежба без маица и ги воодушеви своите фанови.

48-годишниот поранешен фудбалер покажа дел од своите напорни тренинзи, а неговите стомачни мускули, како и бројните тетоважи на телото ги привлекоа погледите на фановите.

„Ти си како виното, се подобруваш со годините“, „Секогаш си силен“, „Ова ми го разубави денот“ и „Не сакам жена ми да го види ова“, се само дел од коментарите на обожавателите.

Да потсетиме, неговата сопруга Викторија неодамна покажа подарок што го доби од него, а кој целосно ја воодушеви.

Пендаровски домаќин на Ифтарска вечера по повод Рамазанските пости

Претседателот Стево Пендаровски беше домаќин и се обрати на Ифтарската вечера, којашто ја приреди по повод Рамазанските пости и во пресрет на големиот муслимански празник Рамазан Бајрам.

На вечерата присуствуваа претставници од државно-владиниот врв, бизнис заедницата, претставници на верските заедници, претставници од академската заедница, од политичките партии, медиумите и граѓанските организации, како и претставници на дипломатскиот кор, соопштуваат од кабинетот.

Согласно исламските верски обичаи, Поглаварот на Исламската верска заедница Реис-ул-улема Шакир ефенди Фетаи ја одржа завршната молитва.

Во продолжение е интегралното обраќање на претседателот Пендаровски.

Почитуван Реис-ул-улема,

Почитувани поглавари на верските заедници,

Ценети присутни,

Дами и господа,

Ви благодарам што ја прифативте мојата покана да се собереме и заедно да ја споделиме оваа Ифтарска вечера.

Најсветиот месец во Исламот, Рамазан, е време за духовно закрепнување, за обновување на релациите со роднините и пријателите, но и за милост и солидарност кон немоќните. Како што рамазанскиот пост е лично искушение на внатрешно преиспитување на поединецот, така Ифтарската вечера е заеднички чин на социјална правда бидејќи подразбира правење место на трпезата и за оние кои имаат помалку. Тоа е особено важно во време на глобални кризи кои најмногу ги удираат најранливите и најсиромашните.

Но, освен за продлабочување на верата во животот на верникот, Ифтарската вечера е и можност за продлабочување на соживотот во македонското општество.

За нашите предци немало поголема чест од тоа, некој со различна вера од нивната, да ги покани на празнична трпеза. Кога муслиман кани на Ифтар, или кога христијанин подарува велигденско јајце, тоа е начин да каже дека ја почитува твојата различност и те прифаќа таков каков што си. Тоа го правиме и ние вечерва.

Изминативе години и јас бев почестен од многу наши сограѓани ─ муслимани кои ги отворија своите домови и од срце ја споделија со мене и со моите соработници својата трпеза. Споделувајќи ја храната, ние ја споделуваме и човечноста и низ муабетот се потсетуваме дека различниот од нас е човек подеднакво вреден како нас, со слични или идентични животни таги и радости.

Почитувани гости,

Точно е дека имаме различни вери, одиме во различни храмови, читаме различни свети книги. Но, она што нè поврзува е меѓуетничкиот и меѓурелигиски соживот како наша најголема вредност која мораме да ја чуваме и околу тоа нема да правиме компромис. Соживотот не смее да биде жртва на дневно-политички интереси, особено во време на изборни години. Каква било изборна победа на сметка на соживотот би била еднаква на пораз за нашата заедничка татковина Македонија.

Затоа сме вечерва тука, да кажеме дека нема да дозволиме провокации и тензии на таа тема. Тука сме да дадеме пример за сите наши граѓани, дека можеме да живееме заедно и покрај нашите разлики во верските убедувања, како што било од памтивек.

Дозволете, уште еднаш, да ви посакам лесен пост и, во пресрет на Рамазан Бајрам, да ви го честитам големиот празник. Имајте пријатни денови исполнети со среќа, радост и бериќет.

притисни ентер