Македонија

Дали интензивирањето на економската соработка ќе го крене бугарското вето?

Дали оптимизмот од првите чекори на владите во Скопје и Софија фокусирани првенствено на економијата, ќе ги надминат и најтешките политички прашања,за бугарија годинава да го крене ветото.

Ковачевски и Петков вчера порачаа дека добрососедството ќе биде на пиедестал, а ден по заедничката мегувладина седница ,бугарскиот премиер оцени дека е постигнат видлив напредок.

„Напредокот што е постигнат е опиплив и со јасни резултати, и тоа се спроведе на сосема поинаков и конструктивен тон во однос на минатите години. Отсега нашата заедничка работа ќе доведе, се надевам, до добрососедство, за што сите веруваме дека треба да се случи“, рече Петков.

Вчера како што изјави Ковачевски не се разговарало за отворените политички прашања, но дека решението меѓу двете земји треба да биде базирано на европските вредности.

Поранешниот македонски амбасадор во Бугарија Марјан Ѓорчев вели дека шансата политиката да се дефокусира од минатото е токму во економската соработка, и доколку на овој план има динамичен прогрес очекува да се зајакне довербата мегу двете земји како предуслов да се тргне ветото.

Шефот на француската дипломатија Жан-Ив Ле Дријан, чија земја е актуелен претседавач со Европската унија, оцени дека досегашниот тек на настаните мегу Македонија и Бугарија изгледа добро и очекува започнатата иницијатива да се преточи во мегувладина конференција под француското претседателство, или најдоцна годинава под чешкото претседателство.

За досегашните резултати од контактите со Скопје Петков во петок ќе реферира пред бугарското Собрание, а шефот на дипломатијата Османи пред собраниската Комисија за надворешни раборти се очекува да ги презентира одговорите испратени до Софија за точките 5+1

Свет

Избрани 12 поротници за судењето против Трамп

Меѓу 12-те поротници има седум мажи и пет жени, според Си-Би-Ес Њуз.

Судот во Њујорк назначи 12 поротници кои ќе ја донесат конечната пресуда во врска со обвинението против поранешниот американски претседател Доналд Трамп за наводно фалсификување деловни документи во случајот со тајни плаќања на порно актерката Сторми Даниелс, пред судот во Менхетен.

Меѓу 12-те поротници има седум мажи и пет жени, според Си-Би-Ес Њуз. Изборот на поротата ќе продолжи денеска, бидејќи до почетокот на судењето треба да се изберат уште шест резервни поротници.

„Имаме порота“, рече судијата Хуан Мерчан откако новите поротници се заколнаа дека ќе носат одлуки „праведно и непристрасно“.

Мерчан посочи дека судот е на добар пат да го започне судењето со воведни зборови од понеделник, 22 април.

Обвинението поднесено од обвинителот Алвин Брег го обвинува Трамп за фалсификување деловни извештаи со цел да се прикрие исплатата за порноѕвездата Сторми Даниелс непосредно пред изборите во 2016 година. Обвинителството најави дека ќе се фокусира на финсиските средства што Трамп му го дал на својот поранешен соработник Мајкл Коен, кој тврди и дал 130.000 долари на Даниелс, со цел да ја замолчат за нејзината наводна афера со Трамп. Според Обвинителството, тоа бил обид за незаконско влијание врз изборите во 2016 година. Ваквите исплати во САД не се нелегални, но според обвинителите Трамп направил кривично дело со неправилното евидентирање на надоместокот за Коен како правни трошоци. Трамп е обвинет за вкупно 34 кривични дела за фалсификување деловни книги од прв степен. /МИА

Македонија

Тошковски: Расчистена кражбата на сеф од маркет Рептил во Црниче

Министерот за внатрешни работи во техничката влада Панче Тошковски, на Фејсбук објави дека е расчистена кражбата на сеф од маркет во Црниче.

„Расчистена кражбата на сеф од маркет Рептил во Црниче.

Во врска со тешка кражба во маркет Рептил извршена на 1 април 2024 година во населба Црниче, Секторот за внатрешни работи Скопје презема оперативно-тактички мерки и истражни дејствија и ги лиши од слобода лицата В.З и В.Т од Скопје.

На ден 18.04.2024 од страна на инспектори од ОКР Кисела Вода заедно со полициски службеници од ЕИП и ПС Ѓорче Петров врз основа на издадена судска наредба од Основен Кривичен Суд Скопје изврши претреси на дом и други простории кај двете лица.

Истиот ден од страна на ЕВР Кисела Вода поднесена е кривична пријава за кривично дело “Тешка кражба” предвидено и казниво по член 236 од КЗ, а од страна на судија на претходна постапка за едното лице определена е мерка притвор“, стои во објавата на Тошковски.

Свет

Украина тврди дека соборила руски бомбардер Ту-22М3

Командата на украинските воздухопловни сили соопшти дека собориле руски бомбардер Ту-22М3.

Во соопштението се наведува дека руската армија во текот на ноќта ја нападнала територијата на Украина со 22 типа проектили и 14 беспилотни летала од типот „Шахед“.

Наведено е дека украинските сили уништиле две крстосувачки ракети Х-101/Х-555, 14 беспилотни летала, 11 наведувани ракети Х-59/Х-69 и две крстосувачки ракети Х-22.

„Ракетните единици за противвоздушна одбрана на Военото воздухопловство, во соработка со Главната управа за разузнавачки работи на Министерството за одбрана на Украина, по првпат соборија стратешки бомбардер со долг дострел од типот Ту-22М3, носач на крстосувачки ракети Kh-22, кои руските терористи ги користеа за да ги нападнат мирните украински градови“, пишува во соопштението.

Руското Министерство за одбрана соопшти дека воениот бомбардер од типот „Ту-22М3“ се урнал во Ставрополската област поради техничка неисправност, а пилотите се катапултирале. Тројца од четворицата пилоти се пронајдени, додека по четвртиот се трага, наведува руското Министерство. /МИА