Дака: Му дадов 300.000 евра на Кичеец за консултански услуги во времето на Груевски

„Му дадов 300 илјади евра на Кичеец уште кога Груевски беше премиер, но тоа не беше мито, туку за консалтинг.“ - вака српскиот бизнисмен Миоград Дака Давидовиќ во писмо до македонската јавност го објаснува разговорот од објавената аудио снимка.

„Му дадов 300 илјади евра на Кичеец уште кога Груевски беше премиер, но тоа не беше мито, туку за консалтинг.“ - Вака црногорскиот бизнисмен Миоград Дака Давидовиќ во писмо до македонската јавност го објаснува разговорот од објавената аудио снимка со Зоран Милевски – Кичеец на јутуб каналот „Раце лепливи“.

Српскиот бизнисмен Дака во отвореното писмо открива дека Кичеец се запознал кон крајот на 2016тата година, кога од угледен белградски бизнисмен му бил претставен како сериозен деловен човек од Македонија кој може да му ја пружи потребната поддршка и логистика за деловни проекти кои сакал да ги реализира во земјава. Тогаш и му исплатил 300-те излјади евра, кои се слушаат во објавениот разговор, а Кичеец за возврат требало да му обезбеди градежна дозвола за изградба на мини хидроелектрана и паркови за енергија од ветер на земјиште што Дака го поседувал во штипско..

-Со оглед дека во конкретниот случај се работеше за проект од повеќемилионска вредност износот не беше несразмерен со толку голема вредност на проектот. Значи, медиумската квалификација дека се работи за мито е премногу насочена и пресметана, бидејќи во овој деловен однос не постои ниту еден елемент што би укажувал, а камоли одредувал наведена исплата како мито и корупција. Фактот дека наведените парични средства сум ги исплатил на г-динот Зоран Милевски во времето на Владата на г-динот Никола Груевски, а не во Владата на г-динот Зоран Заев, исто така потврдува колку написите се невистинити, а над се со цел и монтирани. – пишува Дака.

Понатаму, бизнисменот вели дека Милевски не ги исполнл ветувањета и преземните обврски, а единствено успал да му договорил состанок со премиерто Заев, но и од него не произлегло ништо..

-Точно е дека на состанокот со премиерот г-динот Зоран Заев ги изложив своите планови во врска со изградба на мини хидроелектрана и паркови на енергија на ветер. Меѓутоа, соопштено ми е дека сите концесии за овој вид дејност се по повластени тарифи, веќе доделени, упатувајќи ме кај генералниот секретар на Владата, г-динот Драги Рашковски да му проверам какви се плановите на Владата за идниот период, врзано за доделување нови концесии. Меѓутоа, ниту до денешен ден не добив информација која би укажала дека во иднина би можел да очекувам реализација на наведениот проект. – пишува Дака.

Од опозициската ВМРО-ДПМНЕ и денеска побараа Заев да каже што разговарал со Дака и го повикаа Јавното обвинителство да го истражи случајот.

Црна Гора воведува нови рестрикции, полициски час од 22 до 5 часот наутро

Институтот за јавно здравје на Црна Гора предложи воведување на дополнителни мерки за да се спречи ширење на новата болест.

Новите рестрикции се воведуваат поради исклучително распространетиот локален пренос, големиот број на хоспитализирани и огромниот притисок врз здравствениот систем.

Институтот за јавно здравје на Црна Гора предложи воведување на дополнителни мерки за да се спречи ширење на новата болест, поради исклучително распространетиот локален пренос, големиот број на хоспитализирани и огромниот притисок врз здравствениот систем. Мерките се во сила од денеска.

Од денеска до 12 октомври, поради зголемувањето на случаите во никшиќ, беране и андријевица, ќе има полициски час од 22 до 5 часот наутро, а работата на угостителските објекти и домашните посети ќе бидат забранети.

Во Рожај е забранета работа на угостителските објекти и одење на гости.

Во Котор, Будва, Подгорица и Плевља, од 28 септември до 12октомври, угостителските објекти ќе имаат право да работат само до 22 часот.

Левица. Три недели Владата доцни со конкурсот за студентски легла

На само три дена од одложениот почеток на учебната година, не се знае изборот на студентите кои би добиле место во редуцираните капацитети на студентските домови, иако според најавите на Владата истиот требаше да биде објавен пред три недели.

Стотици студенти се во неизвесност и стрес заради можното отсуство од наставата, а според досегашната динамика на работа на надлежното министерство – реално е да очекуваме дека стотици студенти ке ги пропуштат првите два месеци од академската година.

МОН и Владата немаат конкретни одлуки и насоки за цел дијапазон прашања што ги вклучуваат и наставниците и учениците и студентите и нивните родители. Ресорното Министерство за образование и наука издава општи соопштенија, наменети за површна медиумска присутност, но не и за ефективна и практична употреба од страна на идните академски граѓани.

Во изминативе шест месеци, ресорното министерство ‘успеа’ да објави Конкурс за студентско сместување на 28.07.2020, но не и да ги процесира и објави резултатите навремено за студентите кои зависат од тоа. Исто така, успеа на 23.09.2020 само да даде општо соопштение на веб-страницата на МОН дека ќе предложи до Владата (која ќе предложи до Собрание) Предлог-закон за дополнување на Законот за студентскиот стандард. Со најавениот предлог, на студентите и учениците кои конкурирале за сместување во студентските и ученичките домови и на кои им се одобрени барањата за сместување, но заради намалениот број на сместувачки легла не може да се сместат во студентски дом – ќе им се исплаќа месечна сума на средства за покривање на трошоците за приватно сместување, односно месечна сума на средства за покривање на трошоците за превоз од местото на живеење до местото во кое се одвиваат студиите.

За да ја остварат оваа помош, студентите и учениците треба да се пријавуват на интернет платформата www.digitalizirajse.mon.gov.mk, која е сѐ уште неактивна, односно неупотреблива.По овој план, јасно е дека наместо да се оспособат други јавни капацитети за студентско домување кои ќе останат во функција и наредните години – буџетските средства ќе се издвојат по непознати критериуми, за еднократна активност (покривање трошок за сместување), што не го прават ни најбогатите држави во светот. Со ова темпо на динамика на решавање на круцијални прашања за студентите – очигледно е дека ресорното Министерство се однесува како набљудувач, а не лидер на ситуацијата, додека учениците и студентите немаат информација како ќе го решат сместувачкото прашање оваа година.

Mакедонци од Германија бараат подобри услуги од дипломатско-конзуларните претставништва

Во отворено обраќање до македонското Министерство за надворешни работи и до амбасадата и конзулатите на Македонија во Германија, Македонците кои живеат во оваа земја бараат подобри услуги на македонските служби.

„ Два главни проблеми, поради кои се започнува оваа иницијатива, се постапката за продолжување на патна исправа и општата достапност на информации. Да се поднесе и добие пасош во нашата амбасада е речиси невозможно, односно е поврзано со долга и нејасна постапка. Затоа најчесто сме приморани да ја почнеме таа постапка во македонија, дури и во време на пандемија и други непредвидливи бариери за прекугранично патување. Исто така овие патувања се поврзани со дополнителни финансиски оштетувања, а не секогаш и се возможни бидејки тука имаме работни обврски.

Веб страниците не се ажурираат редовно, телефонско советување е речиси невозможно, или зависи од непрофесионални службеници.

Иселениците бараат формирање на дежурен центар кој ќе работи 365 дена во годината и ќе биде квалитетно обучен и опремен да доставува информации на граѓаните за состојбата на границите, за нивните права, како и секакви информации за дипломатско-конзуларните претставништва. Дежурниот центар може да е со седиште и во македонија или во германија, но да е достапен и на бесплатен или ниско тарифен германски фиксен телефонски број се вели во соопшетнието

притисни ентер