Да се искористи скрининг процесот и земјава да се фокусира на реформите

Денеска во Брисел продолжува објаснувачкиот состанок за Поглавје 24, Правда, слобода и безбедност, на којшто Европската комисија ќе го презентира новиот корпус на ЕУ „acquis“ донесено во периодот по 2018-2019 година.

Следната недела продолжуваат состаноците за поглавје 23 „Правосудство и темелни права“. Еврокомесарот за проширување Оливер Вархеји упати порака дека сега е најважно сите во Македонија да застанат зад европската иднина на земјата и да помогнат во процесот на преговори.

Вархеји, на средбата вчера во Брисел со вицепремиерот за европски прашања Бојан Маричиќ разговарале за процесот на скрининг на земјава со ЕУ, како и следните активности во процесот на преговорите за членство и актуелната политичка ситуација во Македонија.

– Во вистински и клучен момент ја потврдивме европската перспектива на Македонија. Сега е најважно да сме фокусирани на реформите и да останеме на европскиот пат. Тоа е наша обврска и задача која им ја должиме на граѓаните, да обезбедиме просперитет и напредок на земјата, рече Маричиќ на состанокот.

Како што соопшти СЕП, Маричиќ, кој воедно е и главен преговарач на земјава со Унијата, го брифираше еврокомесарот за проширување Вархеји за скрининг состаноците и за подготовките за билатералниот скрининг, како и за посветеноста и мотивацијата која ја имаат институциите на земјава за процесот.

Еврокомесарот Вархеји на Маричиќ му посака успешен скрининг и испрати порака да останеме силно посветени на европската реформска агенда, како и на градењето на добрососедски односи со Бугарија и напредокот во исполнувањето на обврските од страна на двете држави.

Вархеји потенцираше дека сега е најважно сите во Македонија да застанат зад европската иднина на земјата и да помогнат во процесот на преговори со Европската Унија, додавајќи дека тоа е процес кој е важен за иднината на државата и процес кој носи подобар живот за граѓаните.

На состанокот беше разговарано за последните подготовки за потпишување на Договорот со Фронтекс, кој ќе биде потпишан кон средината на октомври, но и за економски теми, во пресрет на зимата која доаѓа и предизвиците со кои ќе се соочиме, предизвикани од енергетската и економската криза.

Во таа насока Маричиќ и Вархеји разговараа и за Инвестицискиот план на ЕУ за Западниот Балкан и за забрзување во реализацијата на регионалните проекти, особено оние од инфраструктурата и енергетиката.

Вчера во Скопје, пак, се одржа годишната меѓународна конференција „Редефинирани приоритети: нови реалности по украинската криза“, на која беа упатени пораки дека земјава сега треба да го искористи скрининг процесот и да се посвети на внатрешните реформи.

И покрај тоа што францускиот предлог не е избалансиран Македонија треба да го искористи скрининг процесот и да се фокусира на реформите кои се важни за граѓаните и ќе ја придвижат земјата напред, изјави Едвард П. Џозеф од Школата за напредни меѓународни студии при Универзитетот Џонс Хопкинс (Johns Hopkins School of Advanced International Studies) од САД.

-Преспанскиот договор беше постигнат на фер основа бидејќи, иако Грција беше членка на НАТО и ЕУ, преговорите се водеа на еднаква основа и беше постигнат фер компромис со отстапки од Грција и од Македонија. Францускиот предлог пак воопшто не ја засегна предноста на Бугарија и тој го одразува тоа. Тоа, е вели, исто така е грешка и на САД и на ЕУ, бидејќи создава лош преседан во Унијата. До граѓаните на земјата е да решат, дали тој го загрозува или не македонскиот идентитет. Но сакам да подвлечам дека е важно да се искористат предностите од скрининг процесот, без оглед на Бугарија. Тој не е во интерес на Бугарија, туку на граѓаните на оваа земја. Искористете го и направете максимум во реформите за владеење на правото, борбата против корупцијата и други важни реформи кои ќе ја придвижат земјата напред и ќе им покажат на граѓаните дека тоа е реално и е важно, вели Џозеф.

Тој смета дека со оглед на тоа дека САД и ЕУ не успеаја да ја стават Бугарија на исто ниво со Македонија, како што беше со Грција, и и овозможија да ја зачува нејзината предност, Северна Македонија треба да бара од САД, особено од Франција, но и од Германија, па и од Велика Британија афирмација на македонскиот идентитет, цврсто признавање на македонскиот народ, македонскиот јазик, па и на аспекти од македонската историја, и тие можат да го направат тоа.

-Заканата од Бугарија е реална, а она што ви останува е да ја искористите предноста од скрининг процесот. Не се потребни уставни измени во моментов и треба да се фокусирате на реформите, кои се во интерес на земјава. Искористете ја и предноста од претседавањето со ОБСЕ. Тоа е огромна можност во историско време кога се случува војна меѓу Русија и Украина, која има импликации на целиот свет. Вашата земја ќе ја води организацијата, која е формирана за безбедноста на истокот и западот и тоа е огромна можност и привилегија за вашата земја да го демонстрира тоа лидерство во ваков клучен момент во историјата, потенцира американскиот професор.

За уставните измени, тој укажува на изјавата на претседателот Стево Пендаровски дека во моментов нема услови за тоа, но повтори, важно е што гласањето не треба да се случува денеска и дека земјата треба да се фокусира на реформите.

И францускиот амбасадор во земјава Сирил Бомгартнер вели дека земјава треба да се фокусира на реформите, особено во судствоо.

Тој на потпишувањето на Меморандумот за соработка со Академијата за судии и јавни обвинители со директорката на Академијата Наташа Габер Дамјановска, рече дека ова значи дека Франција искажува волја да ја поддржува Академијата и таа соработка оди во прилог на афирмација на правната држава, но исто така за постигнување независно судство, со што на тој начин Франција суштински придонесува во спроведувањето на целта што ја има Академијата.

– Се наоѓаме во нов контекст бидејќи земјава ја почна фазата на отворање на преговорите за членство во ЕУ и бидејќи постои таа нова рамка, ќе кажам дека соработката меѓу вашата институција и нас е уште посуштинска, бидејќи темите со кои се занимава вашата институција ќе се најдат во сржта на преговорите со Унијата, рече францускиот амбасадор.

Земјава официјално го почна скрининг процесот за усогласеноста на македонското законодавство со тоа на ЕУ на 15-ти овој месец. Се очекува овој процес да заврши во ноември 2023 година. Вицепремиерот Маричиќ рече дека досега сме усогласени со 40 отсто од законодавството и во некои области сме на исто или на подобро ниво од државите кои веќе преговараат со години, како Србија и Црна Гора.

Ненадејно почина 18- годишен војник, кој одел покрај ковчегот на кралицата Елизабета Втора

Младиот војник Џек Бурнел-Вилијамс (18), кој бил дел од единицата која одела покрај ковчегот на кралицата Елизабета за време на нејзината погребна церемонија, бил пронајден мртов во касарната Хајд Парк, јавуваат британските медиуми.

Младиот човек бил пронајден мртов во касарна во центарот на Лондон, а иако смртта била „неочекувана“, полицијата соопштила дека не се обвинува како сомнително.

„Смртта беше неочекувана, беше истражена и не се третира како сомнителна. Службениците ќе помогнат во подготовката на извештајот за патологот“, изјави портпаролот на Метрополитен полиција.

На денот на погребот на најдолговечниот британски монарх, Џек одиграл една од клучните улоги. Тој беше дел од поворката што го чуваше ковчегот на Елизабета додека го носеа на кочија од Вестминстерската опатија до Велингтон Арх.

Неговото семејство никогаш не престанало да нагласува колку се горди на својот син, особено затоа што, како што рекоа, „Џек ја изврши својата должност кон кралицата на нејзиното последно патување“.

Исто така, се смета дека Џек учествувал во голем број церемонијални настани за време на официјалниот период на жалост по смртта на кралицата на 8 септември - вклучувајќи ја и должноста чувар на кралот Чарлс III и постарите членови на кралското семејство додека ковчегот бил носен во Вестминстерската опатија.

Во јуни оваа година, само еден месец откако Џек наполни 18 години, неговата мајка Лора споделила видео од нејзиниот син како учествува на јубилејната парада на кралицата.

„Еден од најгордите денови во мојот живот“, напишала таа тогаш.

Таа сега на својот Фејсбук ја потврди трагичната вест, со емотивна објава дека целото семејство е со скршено срце и дека се уште се во неверување бидејќи ги загубиле саканиот син и брат.

Либанскиот претседател доби американски предлог за демаркација на поморската граница со Израел

Американската амбасадорка во Либан, Дороти Ши, денеска на либанскиот претседател Мишел Аун и на привремениот премиер Наџиб Миката им доставила предлог за демаркација на поморската граница со Израел.

Американската амбасадорка во Либан, Дороти Ши, денеска на либанскиот претседател Мишел Аун и на привремениот премиер Наџиб Миката им доставила предлог за демаркација на поморската граница со Израел, во екот на преговорите за граничниот спор за околу 860 квадратни километри во Медитеранот,

Американските медиуми пренесуваат дека Либан и Израел официјално се во војна од создавањето на еврејската држава во 1948 година, а двете земји тврдат дека полагаат право врз околу 860 квадратни километри од Средоземното Море.

Кабинетот на претседателот Аун потврди дека за време на денешната средба во претседателската палата во Баабда, амбасадорката Ши му ги претставила предлозите на американскиот посредник Амос Хохштајн.

Во минатонеделното интервју за локалните медиуми, претседателот Аун оцени дека преговорите наскоро би можеле да завршат, со порака дека Либан „ќе го добие правото да вади нафта и гас“.

Викторија Бекам ја облече 11- годишната ќерка во фустан со деколте, фановите згрозени (ФОТО)

На ревијата на Викторија Бекам во Париз, 11-годишната Харпер носеше црн фустан кој наликува на неглиже и има длабоко деколте украсено со тантела.

Фотографиите се проширија на социјалните мрежи, а многумина ја нападнаа модната дизајнерка и напишаа зошто ја облекла ќерка си во таков фустан. Сметаат дека тоа е „несоодветно и одвратно“ за нејзините години.

"Овој фустан што Викторија ѝ го облече на нејзината ќерка е несоодветен за нејзината возраст. Што мислеше Бекам? Таа ги покажува градите на ќерка си. Срам да ѝ е", "Не ми е гајле дали некој не се согласува, но фустанот на малата Харпер е несоодветен", се некои од коментарите.

Други напишаа дека Харпер многу ги потсетува на Викторија и дека многу девојчиња сакаат да личат на нивните мајки, а Бекам ѝ ја исполнила желбата.

Инаку, Викторија ја претстави новата колекција за следната година во Париз, а со неа беше и нејзиното семејство.

притисни ентер