Црква во Јужна Кореја : Верниците се молат во автомобили , свештеникот на бина (ВИДЕО)

Некои цркви во Јужна Кореја започнаа да нудат верски служби од автомобил , додека други пренесуваат верски обреди преку интернет за да ги заобиколат строгите мерки за спречување на новиот коронавирус.

Градската црква во Сеул е меѓу оние кои нудат миса за верниците додека седат во своите автомобили и да се молат. Околу 150 автомобили имаше денеска на еден ваков паркинг.

Бројни цркви во Јужна Кореја беа критикувани последните неколку недели за продолжување на одржувањето верски служби во нивните простории и покрај официјалната кампања за да се избегнат социјалните контакти за да се спречи ширењето на вирусот.

Градот Сеул планира да покрене правно дејствие против протестантската црква Саранг Џели затоа што во својата зграда одржувала миса и покрај забраната за масовни собири, објави во неделата јужнокорејската агенција Јонхап.

Градот испрати тројца службеници во црквата за да проверат дали е во согласност со мерките за коронавирус.

Според Јонхап, најмалку две други цркви во главниот град на Јужна Кореја ги прекршиле прописите.

Во саботата, владата на Јужна Кореја објави дека мерките за спречување на Ковид-19 биле продолжени за две недели и покрај јасниот пад на бројот на нови случаи. Во саботата се пријавени 81 нови заразени и има 10.237 досега.

притисни ентер