Вкупниот број на заразени од почетокот на пандемијата во оваа централноевропска земја се искачи на скоро 39.000 на 15 септември, соопшти денеска Министерството. Во таа земја со 10,7 милиони жители, починале 476 лица. Во моментов, хоспитализирани се 333 лица.
Забрзувањето на ширењето на инфекцијата во последните две недели ја стави Чешка на трето место според бројот на нови инфекции на 100.000 жители, покажуваат податоците на Европскиот центар за превенција на инфекции.
Министерот за здравство Адам Војтех пред парламентот рече дека владата планира од петок да дозволи само настани со места во затворени простори за стабилизирање на ситуацијата.
„Неизбежно, бројките во наредните денови ќе бидат слични на сегашниот раст“, додаде тој.
Во март, Чешка беше меѓу првите европски земји што ги затвори своите граници и нареди носење маски, но исто така и меѓу најбрзите во воведување карантин, што не сака повторно да го воведе.
Од минатата недела маските повторно се задолжителни во затворен простор, а кафулињата во главниот град Прага мора да се затворат на полноќ.