Свет

Чешка нема да им издава хуманитарни визи на Русите кои бегаат од мобилизација

Луѓето кои бегаат од Русија откако претседателот Владимир Путин донесе одлука за делумна мобилизација за војната во Украина, имаат право да бараат азил во ЕУ, изјави портпаролката на Европската комисија.

Но, Прага вели дека нема да им даде хуманитарни визи.

„Ова е ситуација без преседан“, рече Анита Хипер, портпаролка на Комисијата задолжена за миграција. Апликациите ќе треба да се разгледуваат од случај до случај, посочи Хипер, додавајќи дека Комисијата работи со земјите-членки на изнаоѓање заеднички пристап.

Сепак, чешкиот министер за надворешни работи Јан Липавски денеска рече дека неговата земја нема да обезбеди засолниште за Русите кои ја напуштаат земјата за да избегнат мобилизација. Многу Руси се обидуваат да ја напуштат својата земја откако претседателот Владимир Путин вчера најави делумна мобилизација бидејќи руските сили кои се борат во Украина претрпеа големи загуби.

„Разбирам дека Русите бегаат од сè поочајните одлуки на Путин. Сепак, оние кои аплицираат затоа што не сакаат да ја исполнат должноста што им ја наметна сопствената влада, не ги исполнуваат критериумите за хуманитарна виза“, изјави Липавски.

Неговата позиција е во согласност со позицијата на Летонија, Литванија и Естонија кои граничат со Русија. Балтичките земји вчера соопштија дека нема да му дадат засолниште на ниту еден Русин што бега од мобилизацијата. Летовите во еден правец од Русија вртоглаво пораснаа и брзо се распродадоа по одлуката на Путин.

Финска денеска соопшти дека размислува да им забрани на повеќето Руси да влезат во земјата, бидејќи сообраќајот преку границата со нивниот источен сосед се „интензивираше“ по одлуката за делумна мобилизација.

Живот

Град им нудел милиони на луѓе за да се доселат, но имало бизарен услов- никој не се јавил

Градот Каинан во јапонската префектура Вакајама смислил необичен план за привлекување жители, а понудата вклучувала и финансиска помош за новодојдените.

Стратегијата била дизајнирана за 2021 година, но за кандидатите имало услов - тие да го носат презимето Сузуки.

Како „родно место“ на Сузуки, било одлучено да се игра на таа карта, а посебно се мислело на 750.000 граѓани кои го носат тоа презиме и живеат во Токио и соседните префектури (Чиба, Саитама и Канагава).

Најавено е дека секое семејство што ќе се пресели ќе добие по 1 милион јени (6.300 евра), како и исто толку за секое дете под 18 години, пренесува The Guardian.

Меѓутоа, две години по започнувањето на кампањата, објавени се поразителни резултати.

„Потврдувам дека никој со презиме Сузуки не се преселил во Кајнан. Едно лице се распраша, но не отиде подалеку од тоа“, откри Томонари Фуџита, шеф на канцеларијата за развој.

Покрај паричната стимулација, на луѓето очигледно не им делувал и слоганот дека со преселбата „ќе се поврзат повторно со своите предци“.

Забележано е дека кланот Сузуки се преселил во денешен Кајнан за време на периодот Хејан (794-1185).

„Гледаме сериозен пад на бројот на жители. Мислевме дека со кампањата ќе привлечеме луѓе со презимето Сузуки, но се чини дека имало и други пречки“, изјави Фуџита.

Официјалните лица се надеваат дека новиот хотел, чија изградба ќе биде завршена во 2024 година, ќе ги инспирира граѓаните со презимето Сузуки да дојдат и да се поврзат со местото на нивното потекло.

Фудбал

Наредните два месеца во Грција ќе се игра фудбал пред празни трибини

До 12 февруари 2024 година, на навивачите ќе им биде забранет влез во натпреварите од фудбалската Суперлига во Грција.

Ова го соопшти портпаролот на грчката Влада, Павлос Маринакис.

Ова е конкретен чекор во борбата против хулиганите, кои со децении вршат насилство на трибините.

Последниот инцидент беше виден во четвртокот кога полицаец беше тешко повреден за време на нередите на одбојкарскиот натпревар меѓу Олимпијакос и Панатинаикос. Во таа прилика полесно се повредени десетици полицајци, а уапсени се најмалку 400 хулигани.

Оваа одлука важи и за европските натпревари, па ТСЦ во четврток ќе игра против Олимпијакос без присуство на публика.

Свет

Израелците со падобрани им доставуваат вода на своите војници во Газа (ВИДЕО)

Израел со падобрани им испрати седум тони вода на војниците во Газа, соопштија израелските одбранбени сили (ИДФ) и прикачија видео од воената акција.

Оттаму додаваат дека ова е прв ваков логистичко-воен зафат, објави Телеграф.

„Испорачавме околу седум тони вода на израелските војници во градот Кан Јунис со падобрани. Системот „водено снабдување“ е напреден оперативен систем кој овозможува испорака на опрема до копнените сили преку падобрани и со употреба на прецизна навигациска технологија “, пишува ИДФ на Телеграм.

„Ова е прва ваква оперативна употреба на системот по Втората либанска војна. Го користевме товарниот авион Шимшон за испорака“, додава тој.

притисни ентер