Македонија

Централна манифестација на Денот на републиката-Илинден на Мечкин камен во Крушево

Со поклон пред вечното почивалиште на претседателот на Крушевската република Никола Карев во Македониумот на Гумење, во Крушево, почна денешното одбележување на Илинден.

На Мечкин камен се обрати премиерот Димитар Ковачевски, со пораката дека Илинден е нашата сила и за современа, модерна, економски развиена и европска Македонија.

Во Крушево е Игор Стефановски.

Игор каква е атмосферата во славеничко Крушево?

Во видеото погледнете го целиот извештај.

Шоу биз

Што му се случило на познатиот британски шармер од „Господар на прстените“, не се препознава

Го гледавме во „План за летање“ каде играше шармантен капетан на екипажот, а потоа и во многу други продукции каде Шон Бин (65), покрај неговите актерски способности, покажа и дека го има она за што жените паѓаа.

Сепак, годините минуваат, сите се менуваме, старееме, па така и овој славен Британец.

Неговите најнови фотографии покажуваат дека тој драстично се променил.

Ѕвездата на филмовите „Троја“ и „Господарот на прстените“ се уште е активен како актер, но и на социјалните мрежи и со својот изглед изненади многумина, а можеме да кажеме и разочара. Изгледа запуштено и несредено, а пред само неколку години глумеше заводници и шармери.

Ја пуштил косата, а со неа се „совпадна“ и долгата брада, па на крајот доби запуштен изглед. Можеби тоа е поради некоја следна улога што му е планирана, но во секој случај, навистина не сме навикнати да гледаме ваков изглед од Британецот. На лицето му се очигледни и брчките, што е знак дека природно старее и дека не дозволува разни естетски интервенции да го спречат во тоа.

Македонија

Ангелов: Се надевам дека повторно ќе можеме да ги користиме хеликоптерите

Пожарите во земјава продолжуваат да прават пустош.

Најкритичен е пожарот во Мариово, кој беснее неколку дена, а загрозени се повеќе села од прилепската околија.

Застрашувачката огнена стихија во прилепско, чиј периметар се прошири на 110 километри, се гасне од земја со поддршка на пожарникари од повеќе градови.

Огромна тешкотија при гаснењето, како што информираа од ЦУК, е тоа што два од трите ер трактори се неисправни, а во дефект се и два полициски хеликоптери.

Освен овој, активни се уште осум други пожари, меѓу кои и тој над скопско Катланово.

Свет

Швајцарија по невремето и свлечиштата, со хеликоптер ги евакуира туристите (ВИДЕО)

Властите во швајцарската област Састал, која е отсечена од патниот сообраќај поради невремето и лизгањето на земјиштето, денеска понудија евакуација на туристите со хеликоптер.

Околу 2.200 туристи се блокирани во Састал, повеќето од нив Швајцарци, изјави портпаролот на регионалниот кризен тим. Не брзаат сите да си заминат, рече тој.

Туристите можат да летаат со хеликоптер, што трае само неколку минути од Саас-Фи до Сталден, за околу 150 евра.

Патот до котлината вчера по обилните врнежи во еден момент беше затрупан, а најрано од недела се очекува повторно да биде прооден.

Извидувачкиот лет покажа дека е неопходно да се минираат гломазни парчиња карпи над патот, некои и по 100 кубни метри.

Кантонот Вале беше погоден од силно невреме кон крајот на јуни и почетокот на јули. Поплавите и одроните предизвикаа значителни штети на објекти и сообраќајни правци, инфраструктура и земјоделски површини.

Штетите од ова невреме беа ограничени и не беа уништени објекти.

притисни ентер