Свет

Цената на златото урна уште еден светски рекорд

Цената на златото урна нов рекорд, бидејќи инвеститорите вложуваат пари во скапоцениот метал заради стравувањата од влијанието на корона кризата врз светската економија и влошувањето на односите меѓу САД и Кина.

Скапоцениот метал сјае во полн сјај и скокна на 1985 долари за унца, со што го сруши претходниот рекорд од 1920 американски долари поставен во септември 2011 година за време на финансиската криза. Цената на златото порасна над 30% оваа година.

Fortrade, за секој кој е заинтересиран да научи како да тргува со цената на златото на берза преку Интернет (т.н. CFD) или едноставно сака да ги прошири своите знаења, подготви бесплатен водич „Како да тргуваме со цената на златото преку Интернет“.

Златото веќе долго време се смета за безбеден финансиски рај, стока на која инвеститорите го насочуваат капиталот во време на неизвесност, за да се заштитат од паѓање на вредноста на акциите и девалвација на парите. Скапоцениот метал доби на цена и поради новите тензии меѓу САД и Кина, и покрај тоа што двете страни неодамна ја достигнаа првата фаза од трговскиот договор.

Остриот скок кај новите случаи на инфекција со коронавирус во јуни и јули во САД ги зголеми стравувањата дека рецесијата ќе трае подолго од очекуваното. Неодамнешното зголемување на бројот на заразени во Азија и некои европски земји како Франција, Шпанија, Германија и Велика Британија, како и постојаното ширење на инфекцијата во Јужна Америка и Индија, дополнително предизвикуваат загриженост.

Американскиот долар неодамна падна на најниско ниво за две години во однос на другите големи светски валути, во услови на зголемени сомнежи за брзо закрепнување на САД, како и на растечките тензии со Кина. Откако САД го објавија својот најлош квартален резултат на БДП во историјата, како и низа други негативни економски податоци, инвеститорите почнаа сериозно да се сомневаат во претходните прогнози за брзо закрепнување, што изврши притисок врз американската валута. Цената на златото се пресметува во долари, па падот на оваа валута дополнително ја стимулира побарувачката за скапоцениот метал.

Цената на златото обично се движи во спротивна насока во однос на каматните стапки и американскиот долар, што во комбинација со ограничен пораст на понудата може дополнително да поттикне пораст на цените. Банката на Америка очекува цената на златото да достигне 3.000 долари за унца следната година.

Регион

Маж од Подгорица исфрлил гола проститутка на улица, полицајците шокирани од полот (ФОТО)

Случајни минувачи кои пред неколку ноќи се нашле во елитната населба Мастер кварт во Подгорица биле сведоци на крајно бизарна сцена - на улица имало сосема гола проститутка.

Како што дознава Телеграф.рс., неименуван маж исфрлил целосно гола проститутка од станот на улица.

Околу 3 часот и 25 минути, случајни минувачи пријавиле во полиција дека преку Блажов мост кон Собранието на Црна Гора се движела сосема гола жена.

Се покажало дека е транс девојка.

Како што дознава Телеграф.рс, претходно дошло до расправија.

Предметната девојка била од Шпанија и работела како деловна придружба.

Била со партнерот и не сакала да соработува со полицијата. Таа била пренесена во Ургентниот центар за да се провери дали е повредена, но таа одбила помош.

Инаку, дотичната има профили на сајтови за придружба, на кои јасно се посочува дека е транс и дека сè уште не направила операција за промена на полот, објави Телеграф заедно со ВИДЕО.

Живот

Старателка призна дека убила дете и го фрлила во шахта: Имав син, му го одзедов животот (ВИДЕО)

Старателката Пами Меј (48) од Колумбус, Охајо, признала дека го убила момчето Дарнел Тејлор (5), а потоа го фрлила неговото тело во шахта.

Таа на 13 февруари годинава збеснала кога го видела како јаде грицки во креветот, а потоа решила да го казни, објави Ен-Би-Си.

Почнала да го дави со рацете, а кога сфатила дека момчето не е живо, телото го фрлила во шахта во близина на куќата во која живееле.

Телото на момчето било пронајдено неколку дена подоцна.

Пеми веднаш била уапсена и во полиција го признала убиството, а нејзиното признание е снимено на камера.

„Барем имаш деца. Имав син, но му го одзедов животот“, се слуша како Пем му кажува на еден од полицајците.

Во видеото таа открила дека решила да го убие Дарнел откако претходно во текот на денот го видела како се прикрадува со грицки во креветот.

Тоа толку ја налутило што точно планирала како да го убие момчето.

Во еден момент влегла во собата и почнала да го гуши. Таа рече дека момчето се обидело да се одбрани, но во еден момент престанало да се движи.

„Тогаш сфатив дека повеќе не е жив“, рече таа.

За време на полицискиот разговор, Пеми не покажала никакви емоции или знаци на каење.

Судењето на Пеми се очекува да започне на 25 април.

Свет

Аргентина бара партнерски статус во НАТО

Аргентина побара од НАТО да стане еден од глобалните партнери на тој безбедносен сојуз, изјави денеска министерот за одбрана Луис Петри во време кога неговата земја бара начин да ги зајакне врските со САД и Европската унија.

Аргентина во вторникот објави дека купува 24 американски борбени авиони Ф-16 од Данска, договор поддржан од Вашингтон.

Министерот Петри се сретна со заменик генералниот секретар на НАТО, Мирчеа Џоана и му врачи писмо во кое се изразува интересот на Аргентина да стане партнер на западната воена алијанса, објави министерот на X.

Според НАТО, глобалните партнери работат со членките на алијансата за споделување разузнавачки информации и учество во воени вежби.